واش ندير مع مكتوبي - الصفحة 2

كاميلا · 2014-08-13, 17:23

اقتباس:

المشاركة الأصلية كتبت بواسطة sarl02

عادي اختي مشكلتك واضحة جدا ...هناك بعض العائلات العديمة الشخصية القوية تكون تابعة ماديا ومعنويا لاي قريب لها في الخارج ...يعني تلقى واحد ميقري هو رب البقعة ..اديرولو الحساب وقتاش ايجي ووقتاش ما ايجيش وكل شيء يتوقف على مواعيدو هو...لماذا؟؟ربما لمجرد انو اجيلهم اشوية اورو او كابا شيفون وهكذا....يا اختي رانا ف 2014 ولا سلطة لاحد على احد الا بطيب اخر..وواحد ما راه امد القفة للاخر...يعني قولي لخطيبك هذا كونك راجل وقوي الشخصيةوافرض رايك ....ولا تكن تابع لعصبة من النساء ...ووفقك الله

خالته تحب تحشر نفسها في كل شيء ولست متاكدة من انها هي ام هي حماتي لاني مراة ونعرف النسا ساعات الاخت تمسحها في اختها القوية باش يمشيو رايهم
شكرا

كاميلا · 2014-08-13, 17:26

اقتباس:

المشاركة الأصلية كتبت بواسطة im mimi nano

ربي يهدييييييييهم ويعجل بعرسك والله الطولة ماهي مليحو وزيد وش صرا كي ما تحضرش خالتو طبق السماء على الارض الناس والديها ما حضرتش وبعديها عااااادي كل شئ بالمكتوووووب اهدري معاه يدير موقف يباركاو من التمسخير الناس هات باه تشغل بالها انت تاني ادعي لربي ييسرلكم وما تيقايش غير تتحسري ربي ييسر لك ان شاء الله

شفتي يا اختي الله غالب طولنا لاني كي درنا الشوفة وعدته نستناه وانا عند كلمتي وان شاء الله مول النية يربح المفروص هي اللي تفرع روحا مش احنا

كاميلا · 2014-08-13, 17:28

اقتباس:

المشاركة الأصلية كتبت بواسطة riyad552

هذي راهي شايفة حالها لانها كانت في لبنان والقضية بسيطة المفروض بابك يهرد مع راجلك يعطيه ديلي محدد اذا ماجاش يروح يشوف جهة اخرى. واش معناها وحدة تسنى واحد 3 سنوات وترفض الخطاب ومن بعد قادر يبطل.

راك شككتني تسمى قادر في باله يبطل !!!! وهادي غير سبايب !!

كاميلا · 2014-08-13, 17:31

اقتباس:

المشاركة الأصلية كتبت بواسطة أم أحمد عبد الصمد

السلام عليكم ورحمة الله و بركاته
اختي الكريمة ربي يسرلك أمورك ، أنصحك ديري نقاط على الحروف كيما يقولو هدري مع خطيبك أولا ثم خلي باباك يهدر مع باباه من المفروض هذي الهدرة تاع رجال باش تعرفي شكون رب المقلة في ديك الدار كيما يقولو الحكم للرجال و لا للنساء
الي فيها الخير يجيبها ربي

هو رافض للفكرة ومصر على التاريخ مي هكاك وخفت من خالته والله يا اختي تخوف ههههههه كون تشوفيها

ايمان نور الجزائر · 2014-08-13, 17:41

هذا هبال قمة التفاهة
واش هذا ناس تحوس وناس تتحرق
خير البر عاجله
وتاني لازم باباك مع الراجل يديرو النقط على الحروف

*نسرين · 2014-08-17, 12:51

لازم العرس يحدوه الرجال ماشي نساء قلي راجلك منوخلروش وربي يسهلك

كاميلا · 2014-08-19, 18:55

اقتباس:

المشاركة الأصلية كتبت بواسطة ايمان نور الجزائر

هذا هبال قمة التفاهة
واش هذا ناس تحوس وناس تتحرق
خير البر عاجله
وتاني لازم باباك مع الراجل يديرو النقط على الحروف

Raki tchoufi hbal w fet lahbel

salem1985 · 2014-08-19, 20:07

ربي يصبرك اختي

salem1985 · 2014-08-19, 20:08

المهم الواحد مايتخذ مواقف وهوفي حالة غضب صبري واخلاص والي كاتبو ربي رايح يجي

salem1985 · 2014-08-19, 20:09

ونقول ليك حاجة تصبري عام خمس سنين خير ملي تندمي من بعد تفتارقوا على سبب تافه والخاسر اشكون

salem1985 · 2014-08-19, 20:10

الخطبة هي المرحلة الحرجة في حياة الطفلة وتعرفي الهدرة واش راهي في زمانا راه كي واحد يخطب ويبطل ما كانش الي يتقدم لانو ديما يهدروا في سمعة الطفلة والراجل راه ملاك في زمانا

salem1985 · 2014-08-19, 20:12

صبري ختي راه الدنيا كامل كيما هاك ما كانش الي راه راضي بواش في ايديه والقناعة ماكانش وفي زمان عنوانه العنوسة راكي كسبتي راجل حافظي عليه راهم الالاف يحوصوا عليه

salem1985 · 2014-08-19, 20:13

ربي يوفق بيناتكم في الخير ما تنسايش تعرضينا في عرسك هههههههههههههه