مشاركتي في مسابقة شاف مطبخنا الطبق الرئيسي

أم ماجد · 2013-04-14, 17:10

صلوا على النبي عليه أفضل الصلوات

قالك جديد حبو ولقديم لا تفرط فيه )
اخترت طبقا جزائريا تقليديا وبسيطا أعشقه منذ صغري وهو طبق مكونه الأساسي العجين صحي اقتصادي ولذيذ اممممممممممم
العجين :

أحضرت حوالي كيلو سميد متوسط (نقدر نستعمل سميد القمح ) أضفت له كأس فرينة ملح وعجنته بالماء بيدي ( ممكن استعمال العجانة )العجينة تكون متوسطة لا طرية جدا ولا يابسة نقرصها قرص صغيرة جدا ونتركها ترتاح على الأقل ساعة

ضعي العجينة فوق لوحة مرشوشة مليح بالفرينة حليهابالحلالة.

وأكثري الفرينة فوق القرصة ولوي دون الضغط وقصي بالموس قطع صغيرة
إذا كان عندك آلة البقلاوة رايحة تسهل عليك المهمة أنا استخدمت الرقم 4 ونكثر الفرينة باه ما تلصقش

بعد الانتهاء ننفضها في السيار (سيار البربوشة ) باه تسقط الفرينة ومانحطهاش فوق بعضاها انتبهي مليح سيدتي

ملاحظة: أنا ندير كميات كبيرة و أحيانا ونخبيها في المجمد لحين الحاجة وهي عجين
كانت جدتي الله يرحمها تيبسها مثل الكسكس وتخبيها للعولة
أنهيت العجين ولله الحمد الآن نروح للمرق
المرق :
نضع في اناء الطهي استعملت كوكوط بصل وثوم مرحي ونصف دجاجة وملح راس فلفل حار اواثنين حسب الرغبة في الأصل تقدم حارة والأطباء ينصحون بها لمرضى الزكام
وقطعة صغيرة شحمة أنا نخبي تاع العيد في المجمد تبقى جديدة وتوابل متنوعة كصبر فلفل احمر حار راس الحانوت أنا استعملت توابل تونسية هايلة وورق رند و3 ملاعق زيت ونقلي مليح حتى تذبل البصل ونضيف 3حبات طماطم مرحية و3 ملاعق طماطم مصبرة (العجين يحب الطماطم )

ونزيد نقلي مليح ثم نمرق بماء ساخن (نكثر المرق لأن لمقطعة تشرب المرق )

الخضر متكونة من خرشف عرب منقي مليح حبات فول عدس أحمر مفيد جدا لمرضى فقر الدم خاصة حوالي 4ملاعق كبار 4حبات فرماس (مشمش مجفف مذاقه حامض ) وزيتون أخضر مغلي ومقطع على اثنين مع كريات اللحم المرحي المتبل مليح

ثم ننقص للغاز ونضع العجين داخل المرق حوالي صحن ماتكثريش لعجين لأنه يشرب المرق وانزعي قليلا من المرق خليه جانبا
نتركها علي نار هادئة تشرب المرق ونحرك من حين لاخر حتي تطهي حوالي نصف ساعة وتبدا الرائحة تصعد في المنزل امممممم

تقدم حمراء وكذلك بيضاء بالحليب
حطي الحليب في اناء مع ملح ملعقة زبدة البقر ( كثر خير خضاضتي ربي يحفظهالي )ونحط لعجين داخل الحليب حتي تطهي وتكون جارية انا رابيت عليها فرماج يحبوها الأطفال وحتى المسنين ربي يخليهم كانت جدتي الله يرحمها تحبها كثيرا بالحليب
انا قدمتها للمدلل الصغير
هاهو طبقه

جانبا دهنت الكوكوط الصغار بالزبدة مليح وحطيت شوية عجين ثم كرية اللحم المرحي ثم العجين وقطع الزبدة واسقيتها بالمرق اللي خيته جانبا وحطيتها في الفور حتى تطهى والتزيين اختياري

تقدم ساخنة مع سلاطة مشوية حارة وزينتها بالدبشة مقطعة
ما ألذها وهي ساخنة وحارة امممممممممم بالدجاج وكريات اللحم والخضر المتنوعة
هي فعلا صحية واقتصادية (يمكن الاستغناء عن اللحم ) ولذيذة جدا أكلة جداتنا ومن تقاليدنا لازم نحافظوا عليها ونطوروها

نتمنى يعجبكم الطبق وتجربوه ويفيدكم لأنه هدفي الأول.

تفضلوا معي جميعا للمائدة وهاهي لمقطعة حاضرة تنتظر من يلتهمها ههههههه

ابني العزيز ماجد اهداني هاذ الفيديو (ربي يبارك فيه ) نتمني اطلو عليه
https://www.safeshare.tv/w/OPsJKWGbuG

ملاحظة:
أنا طبقت شروط المسابقة 100% عجين

أم ماجد · 2013-04-14, 17:13

الحمد لله الحمد لله وأخيرا خرج الموضوع بعد إنقطاع المتكرر للكهرباء وثقل الأنتارنات

touta2010 · 2013-04-14, 17:15

الله يبارك يعطيك الصحة انا أول وحدة واش تقوليلي

أم ماجد · 2013-04-14, 17:19

اقتباس:

المشاركة الأصلية كتبت بواسطة touta2010

الله يبارك يعطيك الصحة انا أول وحدة واش تقوليلي

أرواحي نبوسك ألف بوسة بسيف باش قدرت نحط الموضوع نحيت عبىء كبير من ظهري

faizarbh · 2013-04-14, 17:27

مممممممممم ام ماجد حيرتيني يعطيك الصحة اسلتي لعابي هههههههههه و اول مرة نشوف هاد الطبق التقليدي يعطيك الصحة و راه يبان يشهي يم يم بالتوفيق عزيزتي و ان شاء الله نجربو في اقرب فرصة

الوهرانية 1 · 2013-04-14, 17:38

الله يبارك حبيبتي الغالية يا زينها اطباقنا التقليدية
موفقة يا غالية

ام بسومة · 2013-04-14, 17:42

يعطيك الصحة و راه يبان يشهي يم يم بالتوفيق

basmala farah · 2013-04-14, 17:42

الحمد لله حبيبتي راكي سلكتي ههههه عجبني الطبق بزاف راهو يشهي يم يم يم يم نتمنالك الحظ السعيد في المسابقة

أم ماجد · 2013-04-14, 17:42

اقتباس:

المشاركة الأصلية كتبت بواسطة faizarbh

مممممممممم ام ماجد حيرتيني يعطيك الصحة اسلتي لعابي هههههههههه و اول مرة نشوف هاد الطبق التقليدي يعطيك الصحة و راه يبان يشهي يم يم بالتوفيق عزيزتي و ان شاء الله نجربو في اقرب فرصة

لله لا يجيب الحيرة طبق جداتنا وماننساهش جربيه وردي الخبر

اقتباس:

المشاركة الأصلية كتبت بواسطة الوهرانية 1

الله يبارك حبيبتي الغالية يا زينها اطباقنا التقليدية
موفقة يا غالية

وفيك بركة عزيزتي لن انسي اهتمامك هذه الصداقة فعلا

لبنات شوفو الفيديو لماجد

YAKMISSOU · 2013-04-14, 17:44

يعطيييييييييييييييييييك الصحة اختي فوووووووووور

أنوثة شرقية · 2013-04-14, 17:46

ام ماجد بارك الله فيك على الطبق التقليدي والبنيييييييين
وتحيتي لابنك ماجد اللي عرف يدير مونتاج هايل لطبقك
بالتوفيق يالغالية

أم ماجد · 2013-04-14, 17:48

اقتباس:

المشاركة الأصلية كتبت بواسطة ام بسومة

يعطيك الصحة و راه يبان يشهي يم يم بالتوفيق

الله يسلمك نورت

اقتباس:

المشاركة الأصلية كتبت بواسطة basmala farah

الحمد لله حبيبتي راكي سلكتي ههههه عجبني الطبق بزاف راهو يشهي يم يم يم يم نتمنالك الحظ السعيد في المسابقة

الف شكر بسملة هدفنا واحد

اقتباس:

المشاركة الأصلية كتبت بواسطة yakmissou

يعطيييييييييييييييييييك الصحة اختي فوووووووووور

شكرا ام ايمن كعادتك منورة صفحتي احبكم

أنواار الإيماان · 2013-04-14, 17:48

الله يبارك يعطيك الصحة الحمد لله لي طلع الموضوع ههههههههه قريب ما كتبت الحمد لله مابقاش استعمار في بلادنا هههههه
واش نقولك حبيبتي مشكووووووووووووووورة وموفقة والله يجازيكم على كل شيء تقدموه ويااااااااارب يفرحكم ويجازيكم
عجبني الطبق والفيديو و التوقيع الانتخابات الجاية نترشح يديرلي مجججججججججججججوووود الاعلانات
ههههههههههههههه والله الف شكر بالتووووووووووووووووووووووووووووووفيق

أم ماجد · 2013-04-14, 17:49

اقتباس:

المشاركة الأصلية كتبت بواسطة أنوثة شرقية

ام ماجد بارك الله فيك على الطبق التقليدي والبنيييييييين
وتحيتي لابنك ماجد اللي عرف يدير مونتاج هايل لطبقك
بالتوفيق يالغالية

شكرا انوثة هذا من ذوقك

يا رب وفقنا جميعا لما ترضاه

*ام رامي* · 2013-04-14, 17:50

امممممممممممممممممم فعلا يا ام ماجد اسلت لعابي يعطيك الصحة طبق رائع ولذيذ وصحي
نموت ع المقطعة وعندي وقيلا 10 سنين ما كليتهاش نطبقها هاذوا اليومين نوعدك
بالتوفيق حبيبتي
وعجبوني هاذوك الطواجين الصغيرة غيرتيني بيهم
بالصحة والناء