تخصص رياضيات و إعلام ألي باب الزوار :تجربتي سنة أولى

[issac noway]

السلام عليكم و رحمة الله و بركاته

عيدكم مبارك كل عام و أنتم بألف خير

عندما اخترت تخصص MI بباب الزوار كانت عندي الكثير من الأسئلة و الإستفهامات بخصوص المواد المدروسة و الصعوبة و الكثير الكثير الحمد لله البعض منها وجدت له أجوبة من عند بعض الإخوة هنا و البعض الأخر لا تمنيت لو كنت أعرف بعض الأمور ﻷنها كانت ستفيدني كثيـرا

لدالك سأقوم بتوضيح ما إستطعت

أولا سأقوم بوضع المواد المدروسة في الفصلين مع المعاملات
في الفصل الأول لدينا





option 1 CRI مادة سهلة للغاية إدا درستها و حليت TD تأكد أن علامتك لن تقل عن 17 خاصة إدا كنت تخصص تقني رياضي فستجدها أسهل فكان لي زملاء درسوا هاد الأمور فيها في الثانوي في الأول تدرسون les systems d'énumérations سهلة ثم تبدؤون في les circuits هي في الحقيقة مادة ممتعة و بإجماع الطلبة هي سهلة

option2 ميكانيك ممممم لن أقول أنها صعبة صعبة لكنها ليست سهلة و الكثير يجد فيها مشاكل بالنسبة لي ليست ممتعة
أغلبية الطلبية يجد فيها صعوبة ﻷكون صريحا معكم

ALGO الخوارزميات إدا كنت من هواة البرمجة و تحب الإعلام الألي تأكد أنك ستبدع فيها و تعجبك كثيرا تحتاج تفكير سليم و منطق في حل المشاكل في السنة الاولى ندرس الأساسيات ليست بالأمور المعقدة كثيرا توقفنا في les arbres
يمكنك الحصول على علامات جيدة فيها و لها معامل 4
بالمقابل هناك من يقول أنها صعبة
إدا درست لن تجد فيها صعوبة التقييم سهلة نوعا ما

ALG الجبر مادة سهلة ليست بالمعقدة تطبيق مباشر للدرس في حل التمارين غالبية الطلبة يخدمو فيها تقراو على les corps , les groupes, les anneaux أمور سهلة صراحة

التقييم سهلة نوعاما

الأناليز ANALYSE هي يعني ليست سهلة تحتاج عمل أغلب الطلبة يشتكي منها خاصة إدا طحت عند أستاد يحب إبسيلون بزاف -_- في S2 تتحسن شوية كي يدخل l'integral
l'integral يصبح هو أسهل شيء تخيل
و ستسعد كثيرا لو وجدت رقم ههههههههه . فيه من يأخد نقاط جيدة تتطلب عمل
إختبارنا بعد 3 أشهر دراسة


الباقي مواد للمساعدة BUREATIQUE TCE METHODOLOGIE إدا كنت متفوق في الفرنسية سيساعدك دالك كثيرااا


أما في الفصل الثاني




نفس الملاحظات للمواد التي دكرناها

ستدرسون مواد جديدة هي proba et stat سهلة قوانين و طبق و أيضا PRF programmation fonctionnelle ليست سهلة لكن TP يساعد CAML لغة برمجية إسم المادة option3

physic2 ستصبح أصعب تدرسون الكهرباء غوس و جماعتو
و hist سهلة المواد لي ما علقتش عليها دايرينهوم مواد مساعدة ساهلين تخدمو فيهم كامل


==========================

إدا كنت درست علوم تجريبية او رياضيات او تقني رياضي لا فرق يدكر بينهم على العكس الأوائل عندنا كانو علوم تجريبية سما الشعبة في ثانوي ما تلعبش دور كبير حاشا أمور بسيطة تفوتو تعرفوها خلاص

كاين واحد الإنسان الله يطول في عمرو او يحفظو يسموه البسكري يبيع مواضيع مع الحلول يساعد كثيـــــــــــــــر أول شيء ديرو روح سقسي على بسكري اشري المواضيع او ابدا تحل
ناس جابت العام بالبسكري برك


هناك مكتبة جامعية كبيــــرة وقت ما تسنت لك الفرصة روح أدرس هناك و حل les TD لازم لازم لازم تحل TD باش اتجيب مليح


حاولو تدرسو في جماعات مثلا ديرو مجموعة تاع 3 او 4 كل واحد يتخصص في مادة معينة مثلا واحد في ALGO الاخر في CRI الثالث في ANALYSE او تلاقاو في المكتبة او كل واحد يبدا يفهم المادة ديالو العمل الجماعي يساعد كثيـــر

او ناس لي راهي حايبة توجد قبل الدخول ننصحهوم يقراو les integrals مليـــــــــــــــــــح حتى لي يحبو الإعلام الالي ما نسيتكومش العام الجاي راح تقراو لغتين برمجيتين C et CAML يمكنك ان تدرس لغة C رائعة و سهلة

تبعت الأن لي عودة

المهم خاوتي لي يحب الإعلام الألي او الرياضيات و الله فلن يمل تخصص أكثر من رائع راح تلقى مستوى او يجيك كلس ساهل مع الخدمة

أي إستفسار أنا في الخدمة

ربي يوفقكوم و السلام عليكم

[albert walid]

لقراية على حسب لبروف خونا اذا يقريك بروف مدروش متجيبش ولو كان واذا قريك بروف نورمال تجيب ولو يقريك الانفجار النووي
مؤسة اصبح التعليم على حسب شخصية الاستاذ
انا analyse قرانا بروف لو دير جنحين وطير يعطيك 12 ولو تقرا وتخبش تجيب 6

[issac noway]

أكيد حسب الأستاد لم أتناول هادا في الموضوع

فيه section مثلا عاودولهوم موضوع analyse بسكري تجد فيه 20 بينما section وحدوخرين أعلى علامة 11
لكن فضلت نتحدث حول المواد و الامور الأساسية تبقى قضية الأساتدة فهي على الجميع فالأستاد لمزير يزير السيكسيون كامل
بالتوفيق

[XBEY]

المشاركة الأصلية كتبت بواسطة issac noway

أكيد حسب الأستاد لم أتناول هادا في الموضوع

فيه section مثلا عاودولهوم موضوع analyse بسكري تجد فيه 20 بينما section وحدوخرين أعلى علامة 11
لكن فضلت نتحدث حول المواد و الامور الأساسية تبقى قضية الأساتدة فهي على الجميع فالأستاد لمزير يزير السيكسيون كامل
بالتوفيق

نفس الاستاذ كل عام section 6 -_-

[albert walid]

باي سنة اخي تدرس ؟
الاعلام الالي فرع ممتاز وفيه متعه كبيرة لمن يحب الرياضيات والاعلام الالي

[issac noway]

انا كتبت هاد الموضوع أحكي فيه تجربتي العام الفائت سنة اولى

الان العام القادم أدرس سنة ثانية تخصص isil

[albert walid]

تخصص مليح ربي يوفقك اعلام الي لها افاق واسعه مي زير روحك باسكو قراتها متكملش قاع

[smart dude]

شحال جبت المعدل العام الماضي اخي

[تريكوتبو]

راك داخلها غي ساهلة ساهلة ههههه الألغوانتاعنا قالنا تقراو الصوالح لخرين العام الجاي حشهالنا هههههه
المهم المواد اللي جاوني صعاب
التحليل ، الجبر ، prf االلي ديت فيها حليش
الباقي كامل ساهل ( اللي يحب البمرمجة )
الخوارميات لازم توجد نفسيتك من ذرك اللي خير هاذ الفرع ( لي خاطيه البروغراماسيون ) الآخرين تجيك جياحة أنا قريب كرهتها
موفقين

[issac noway]

راك داخلها غي ساهلة ساهلة ههههه الألغوانتاعنا قالنا تقراو الصوالح لخرين العام الجاي حشهالنا هههههه
المهم المواد اللي جاوني صعاب
التحليل ، الجبر ، prf االلي ديت فيها حليش
الباقي كامل ساهل ( اللي يحب البمرمجة )
الخوارميات لازم توجد نفسيتك من ذرك اللي خير هاذ الفرع ( لي خاطيه البروغراماسيون ) الآخرين تجيك جياحة أنا قريب كرهتها
موفقين

ههههههه في ال S2 كاين لي ماداروهومش مرو عليهوم برك ماطاحوناش في l'examin c pr ça

ههههههه PRF ما حلبوناش كامل المواد التي دكرتها صعيبة صح نحيلهووم الجبر ساهلة شوية او دير الميكانيك و التريسيتي :'( هاديك لي واعرة

ياخو باش نتفاهمو انا كي قلت ماشي ساهلة معنتها أفهم بلي ما تكحلش على 10 ههههههه او سهلة نوعا ما فوق عشرة او سهلة راك ف 14 او 15
هادي هي الجامعة :/
ربي يوفق خويا

[* حبّ الله *]

شكرا اخي ماذابينا كل طالب قرا ف هذ الجامعة يحط وجهة نظر نتاعو على خاطر حنا كرهنا من القيل و اقال

[aminecr]

شكرا على المعلومات القيمة

[سامي 123]

من الأفضل من ناحية فرص العمل :

1- رياضيات و إعلام آلي

2- علوم و تقنيات ( تكنولوجيا )

أرجواا المساعدة .

[* حبّ الله *]

يا خويا شحال جبت معدل الباك باش قبلوك لاني جبت 14.65 شعبة علوم و خايف لا ما يقبلونيش

[تريكوتبو]

المشاركة الأصلية كتبت بواسطة حبّ

يا خويا شحال جبت معدل الباك باش قبلوك لاني جبت 14.65 شعبة علوم و خايف لا ما يقبلونيش

يعطوهالك 80%
لكن شفت في رد من ردودك خيرت البليدة
في نظري باب الزوار أحسن في المستوى و الجو ، حتى الإقامة و نتا خير اللي تخرج عليك