واش طيبي كي تكوني مسافرة (استفسار للاخوات حتى نستفيد جميعا

[تاج النور@]

سلام عليكم جميعا
اتمنى من جميع بمناسبة حلول السنة الهجرية

ان تكون سنة سعادة وهناء وتفريج الكروبات وتعم الأفراح في مل بيت
ولي متمني شي ربي يحققها لو

حبيت نسقسيكم أخواتي

كيت تحبو تسافر واش طيبو من مكلا
وكيفاش تحفظ هم باش ماتفسد

بجاه ربي عاونوني وعلمني
في الانتظار
بارك الله فيكم

[Nadjwa270]

Salam
les chaussons
ma3koud
khobz

[lilii7179]

في الحقيقة في حالة السفر لازم توجدي حوايج يكونو خفاف و عمليين , يعني باش ما تحتاجي لا صحون و لا تقصي و لا حاجة توسخ
و لهذا انا شخصيا ندير les chaussons او كوكا , تورت بالدجاج او السلق نقصها قطع في الدار و الا تحتمت نحط كل قطعة في ورق المنيوم. cake salé ندير فيه دجاج او تون و فلفل حلو , و نقطعو في الدار ثاني خفيف و ساهل و مرات نديرهم صغار : ميني كيك باش كل واحد يدي نتاعو.
تقدري ثاني توجدي همبرغر , او سندويش انتي و ضروفك
نتمنى الاخوات ثاني ينفعونا بافكارهم

[قمر 77]

سلام اختي وش انقلك انا مولا بيتي كي نسافرو ما يحبسش في الطريق لو كا ن يقعد عشر سوايع يسوق حتى كرهت السفر لانا و لا الولاد المهم عجوزتي كي كنت نسافر معاهم كانت دائما دير بطاطا مطبوخة تقطع فيها الفلفل مقلي و الزيتون اخضر و اسود و ديرلها بيضات مطبوخين و فرماج و تخدم وحدها كاشير و ديرهم ساندويتشات للاولاد في الالميوم و كي يحبسو ايريحو عند وحد الشجرة تاريخية كل واحد تعطيلو حقه نشالله نكون فدتك ايه و الطوماطيش ما ديرهاش تقراص و تخسر

[تاج النور@]

المشاركة الأصلية كتبت بواسطة قمر 77

سلام اختي وش انقلك انا مولا بيتي كي نسافرو ما يحبسش في الطريق لو كا ن يقعد عشر سوايع يسوق حتى كرهت السفر لانا و لا الولاد المهم عجوزتي كي كنت نسافر معاهم كانت دائما دير بطاطا مطبوخة تقطع فيها الفلفل مقلي و الزيتون اخضر و اسود و ديرلها بيضات مطبوخين و فرماج و تخدم وحدها كاشير و ديرهم ساندويتشات للاولاد في الالميوم و كي يحبسو ايريحو عند وحد الشجرة تاريخية كل واحد تعطيلو حقه نشالله نكون فدتك ايه و الطوماطيش ما ديرهاش تقراص و تخسر

شكرًا أختي انا تاني راجلي مايحبش يحبس في الطريق ويحب يأكل وهو يمشي ربي يحفظك اختي

[تاج النور@]

ربي يحفظكم أخواتي ليشاركو في الرد وحتى لي دخلو وما خلاو حتى رد

[maloo]

الاختlilii7179
ممكن تشرحيلنا طريقتك في عمل هذه الوصفات ولكي منا كل عرفان

[lilii7179]

سلام
بالنسبة les chaussons
نستعمل سواء العجينة المورقة سواء عجينة العشر دقائق و الحشو كل مرة كيفاش على حسب واش عندي سواء دجاج او لحم مفروم: نرابي حبة بصل نذبلها مليح في شوية زيت او زبدة ملح و فلفل اسود, رشة زنجبيل بودرة (انا نستعملو في طيابي بزاف و تقدري تستغناي عليه) و معدنوس, ثم نضيفلها لحم مفروم او دجاج مقطع صغير,تقدري حتي تستعملي بقايا دجاج قعدلك من كاشي طبخة قصيه برك و خلطيه ,هاذي كيما نقولو القاعدة و الاضافات انتي و سيدتي الثلاجة واش فيها: فطر , فلفل حلو مقطع رقيق, زيتون مقطع رقيق.كي تبرد الحشوة لك الاختيار انك تزيديلها كمية من الجبن fromage fondu او شوية صوص بيشاميل تكون عاقدة باش ما يجيش الحشو ناشف. ما تكثريش البيشاميل بزاف باش في الفور ما تخرجش. حلي العجينة قصيها دوائر ادهني الاطراف بالبيض حطي كمية من الحشوة و اغلقي ادهنيها من فوق بالبيض ت=انا شخصيا نخلطلو قطرات من القهوة تمد لون رائع و الى الفرن.
بالنسبة لتورت السلق:
العجينة هي عجينة العشر دقائق او نستعمل عجينة البيزا عندي عامين نستعمل فيها راااااااائعة و هي:
2 كيسان فرينة, 2 مغارف كبار نشاء (يمدلها خفة) , مغرف كبيرة سكر, ملح, فنجان زيت , 3 مغارف قهوة خميرة الخبز, مغرف ماكلة حليب بودرة. نبلها و نخليها تطلع ثم نعجنها بشوية مرغرين و نستعملها مباشرة.
بانسبة للحشو لايختلف كثيرا عن حشو les chaussons نقلي بصلة و نفس التوابل و نزيد لحم مفروم او دجاج ثم سلق تكوني قصيته و فورتيه و حطيتيه يقطر من الماء نتاعو , زيتون دينوايوتي مقطع دوائر ثم بيشاميل تكون عاقدة .
نقسم العجينة على 2 و تكون وحدة كبيرة على وحدة, نحل العجينة الكبيرة (ما تكونش خشينة خاطر فيها الخميرة)و نفرشها في مول و نثقبها شوية بالفرشيطة و نحط الحشوة و نحط سواء جبن مبشور او قطع من fromage fondu او جبن نتاع المثلثات.و زيدي حلي العجينة الثانية و غطي بيها و اقفلي الجوانب مليح و ديري ثقب في الوسط باش تتنفس لا تورت.ادهنيها و الى الفرن.
ملاحظة: تقدري تبدلي حشوة التورت كيما حبيتي : ما عندكش سلق حطي بطاطا مقطعة مكعبات و مقلية, باذنجان مقطع مكعبات و مقلي و اضفيلو مكعبات من الطماطم, جريوام مقلية مع فلفل حلو مقلي و مقطع, هريسة اذا تحبي الحرور , المحم انتي و ذوقك و المتوفر عندك.
بالنسبة للcake salé كي نروح للدار نكتبلك الوصفة .
نتمنى نكون قدرت نفيدك و لو بالقليل, عمبالي كثر ت الهدرة بزاف هههههه . و على فكرة كاين في المنتدى وصفات للسوفلي و تورت هايلين.
اذا احتجت لاي استفسار انا في الخدمة.

[maloo]

الف شكر على ردك وشرحك الممتاز وراكي ما كثرتي الهدرة ما والو بما انها مفيدة
فقط من فضلك ما تنسايش زيدي اشرحي كيفية تحضير الكيك المالح اللي موالفة تستعمليه وهل يجيك ناجح ويحبوه الاولاد .واذا عندك روابط لي سوفلي والتوغت مجربين افيدينا بهم
وبارك الله فيك مسبقا.

[تاج النور@]

المشاركة الأصلية كتبت بواسطة lilii7179

سلام
بالنسبة les chaussons
نستعمل سواء العجينة المورقة سواء عجينة العشر دقائق و الحشو كل مرة كيفاش على حسب واش عندي سواء دجاج او لحم مفروم: نرابي حبة بصل نذبلها مليح في شوية زيت او زبدة ملح و فلفل اسود, رشة زنجبيل بودرة (انا نستعملو في طيابي بزاف و تقدري تستغناي عليه) و معدنوس, ثم نضيفلها لحم مفروم او دجاج مقطع صغير,تقدري حتي تستعملي بقايا دجاج قعدلك من كاشي طبخة قصيه برك و خلطيه ,هاذي كيما نقولو القاعدة و الاضافات انتي و سيدتي الثلاجة واش فيها: فطر , فلفل حلو مقطع رقيق, زيتون مقطع رقيق.كي تبرد الحشوة لك الاختيار انك تزيديلها كمية من الجبن fromage fondu او شوية صوص بيشاميل تكون عاقدة باش ما يجيش الحشو ناشف. ما تكثريش البيشاميل بزاف باش في الفور ما تخرجش. حلي العجينة قصيها دوائر ادهني الاطراف بالبيض حطي كمية من الحشوة و اغلقي ادهنيها من فوق بالبيض ت=انا شخصيا نخلطلو قطرات من القهوة تمد لون رائع و الى الفرن.
بالنسبة لتورت السلق:
العجينة هي عجينة العشر دقائق او نستعمل عجينة البيزا عندي عامين نستعمل فيها راااااااائعة و هي:
2 كيسان فرينة, 2 مغارف كبار نشاء (يمدلها خفة) , مغرف كبيرة سكر, ملح, فنجان زيت , 3 مغارف قهوة خميرة الخبز, مغرف ماكلة حليب بودرة. نبلها و نخليها تطلع ثم نعجنها بشوية مرغرين و نستعملها مباشرة.
بانسبة للحشو لايختلف كثيرا عن حشو les chaussons نقلي بصلة و نفس التوابل و نزيد لحم مفروم او دجاج ثم سلق تكوني قصيته و فورتيه و حطيتيه يقطر من الماء نتاعو , زيتون دينوايوتي مقطع دوائر ثم بيشاميل تكون عاقدة .
نقسم العجينة على 2 و تكون وحدة كبيرة على وحدة, نحل العجينة الكبيرة (ما تكونش خشينة خاطر فيها الخميرة)و نفرشها في مول و نثقبها شوية بالفرشيطة و نحط الحشوة و نحط سواء جبن مبشور او قطع من fromage fondu او جبن نتاع المثلثات.و زيدي حلي العجينة الثانية و غطي بيها و اقفلي الجوانب مليح و ديري ثقب في الوسط باش تتنفس لا تورت.ادهنيها و الى الفرن.
ملاحظة: تقدري تبدلي حشوة التورت كيما حبيتي : ما عندكش سلق حطي بطاطا مقطعة مكعبات و مقلية, باذنجان مقطع مكعبات و مقلي و اضفيلو مكعبات من الطماطم, جريوام مقلية مع فلفل حلو مقلي و مقطع, هريسة اذا تحبي الحرور , المحم انتي و ذوقك و المتوفر عندك.
بالنسبة للcake salé كي نروح للدار نكتبلك الوصفة .
نتمنى نكون قدرت نفيدك و لو بالقليل, عمبالي كثر ت الهدرة بزاف هههههه . و على فكرة كاين في المنتدى وصفات للسوفلي و تورت هايلين.
اذا احتجت لاي استفسار انا في الخدمة.

المشاركة الأصلية كتبت بواسطة maloo

الف شكر على ردك وشرحك الممتاز وراكي ما كثرتي الهدرة ما والو بما انها مفيدة
فقط من فضلك ما تنسايش زيدي اشرحي كيفية تحضير الكيك المالح اللي موالفة تستعمليه وهل يجيك ناجح ويحبوه الاولاد .واذا عندك روابط لي سوفلي والتوغت مجربين افيدينا بهم
وبارك الله فيك مسبقا.

بارك الله فيكم أخواتي والله الدمعة سالت منعني

[lilii7179]

الاخت maloo
راني ما نسيتكش بصح الكوزينة هذا وين طلقتني ههههههه
cake salé
2 بيضات , 2 مغارف كبار زيت زيتون, 3 مغارف crème fraîche,نصف كاس حليب, 6 حبات فرماج, 200 غ فرينة , باكي خميرة نتاع الحلويات, ملح,
خلطي هاذو كامل بالترتيب, و من جهة اخرى تكوني ذبلتي حبة بصل مقطعة مربعات صغيرة في شوية زيت و زيديلها كمية من المعدنوس و اضيفيها للخليط الاول,
هاذي la base نتاع الكيك, ذرك الاضافات لك الاختيار: تقلي حبة جريوات مربعات و تزيديها, او حبة فلفل حلو مربعات’ تحبي تزيدي 2 مغارف كبار زيتون دينوايوتي مقطع دوائر,تون, بقايا سمك ابيض تفتتيه, بقايا دجاج مفتت, اعشاب عطرية, انا وحدة كل مرة واش ندير.
بدل ما طيبيه في مول نتاع كيك ممكن طيبيه في مول السيليكون نتاع التاج, انا نديرو هاكا كمقبلة في رمضان ولا للضياف و نزينو في الوسط بمايونيز و حبة زيتون, يمشي مليح مع الشربة.
بالنسبة للاطفال ما نكذبش عليك ما عنديش اطفال هذا وين راني في طريق الانجاز هههههه. استناي كي نزيد في الربيع, و يكبار بني ولا بنتي و نديرهولو الا عجبو وعد مني نردلك بالخبر هههههههههههه
عندي راجلي و الحمد لله العجب ما يعجبوش و هكاك و يعجبو ,كي نديرو يقولي لاه درتيه, و كي ندور نلقاه هو اللي خلصو . مالفة نديه ثاني لمجة كي نكون نقرا ( كبيرة و مازلت نقرا و ندي لمجة ههههههه)
المهم نتمنى اني افدتكم و لو بالقليل
وفقكم الله

[lilii7179]

الاخت maloo
راني ما نسيتكش بصح الكوزينة هذا وين طلقتني ههههههه
cake salé
2 بيضات , 2 مغارف كبار زيت زيتون, 3 مغارف crème fraîche,نصف كاس حليب, 6 حبات فرماج, 200 غ فرينة , باكي خميرة نتاع الحلويات, ملح,
خلطي هاذو كامل بالترتيب, و من جهة اخرى تكوني ذبلتي حبة بصل مقطعة مربعات صغيرة في شوية زيت و زيديلها كمية من المعدنوس و اضيفيها للخليط الاول,
هاذي la base نتاع الكيك, ذرك الاضافات لك الاختيار: تقلي حبة جريوات مربعات و تزيديها, او حبة فلفل حلو مربعات’ تحبي تزيدي 2 مغارف كبار زيتون دينوايوتي مقطع دوائر,تون, بقايا سمك ابيض تفتتيه, بقايا دجاج مفتت, اعشاب عطرية, انا وحدة كل مرة واش ندير.
بدل ما طيبيه في مول نتاع كيك ممكن طيبيه في مول السيليكون نتاع التاج, انا نديرو هاكا كمقبلة في رمضان ولا للضياف و نزينو في الوسط بمايونيز و حبة زيتون, يمشي مليح مع الشربة.
بالنسبة للاطفال ما نكذبش عليك ما عنديش اطفال هذا وين راني في طريق الانجاز هههههه. استناي كي نزيد في الربيع, و يكبار بني ولا بنتي و نديرهولو الا عجبو وعد مني نردلك بالخبر هههههههههههه
عندي راجلي و الحمد لله العجب ما يعجبوش و هكاك و يعجبو ,كي نديرو يقولي لاه درتيه, و كي ندور نلقاه هو اللي خلصو . مالفة نديه ثاني لمجة كي نكون نقرا ( كبيرة و مازلت نقرا و ندي لمجة ههههههه)
المهم نتمنى اني افدتكم و لو بالقليل
وفقكم الله

[maloo]

الاخت lilii7179
السلام عليك ورحمة الله و بركاته.
هههههههه والله غير ضحكتيني كي قلتي (على الاولاد( راكي في طريق الانجاز ربي يتمملك بالخير ويسهلك كل صعب اااااااااااامين
وفيما يخص الطبخ الله يبارك راكي تباني شاف من خلال الوصفات اللي حطيتيهم ان شاء الله رايحة نطبقلك خاصة اني رايحة نسافر في هذي الايام نتاع عطلة الخريف واتمنى انهم يخرجولي 444444تحياتي....

[تاج النور@]

ماشاء الله تبارك الرحمان شكرًا أخواتي وطريق السلام لكل مسافر

[alg04000]

في حالة السفر ما عليك سوى الاكل في المطاعم هههههههههههههههه