الجزء 189 من كوزينة حراير الجلفة ..كوزينة أغلى حراير

[بيان 5]

الله يبارك فيكم حبيباتي
ملوكة كلامك عسل كالعادة واش يدير وليدك
انا مازال مازيدتش
قريب ندخل الشهر الثامن ادعيولي معاكم

[nihal159]

المشاركة الأصلية كتبت بواسطة ~ابتسامة~

سلام حبوباتي هذا للعشا نتاع للبارح نسيت نحطو

المشاركة الأصلية كتبت بواسطة ~ابتسامة~

سلام حبوباتي هذا للغدا لازم كامل تجو راكم معروضيين عندي وبصحتكم

ماشاء الله إبتسامة من الخفوفي للثقيل ماعندك ماخليتي فينا، الله يبارك هذاك الكسكسي رووووعة؛ مزية غدوا الجمعة و نديرو ههههه؛ مشكورة حبيبتي على العرضة و على المشاركة معانا فالكوزينة؛ أبدعتي و تميّزتي خاصة بالمحاجب و الملوي في هذي السخانة ههههههههه يعطيك الصحة حبيبتي؛ الكوزينة نورت بمشاركتك معانا و كان عندك حضور متميز.

[nihal159]

المشاركة الأصلية كتبت بواسطة حياة نور الدين

فطوري اليوم تليتلي بقالي من العشاء البارح



وهدا الطبسي مع هديك الجويجة لابتسامة راكي معروضة عندي

الله الله على هذاك التليتلي ؛ ماشاء الله يهبّل؛ و هذيك الجويجة لمحمرة و الله مانراطيها ههههه حتى أنا نجي بلا عرضة هههههههههه يخي دار حيوتة هي داري ماكانش فرق نجي بلا عرضة.
يعطيك الصحة حيوتة على كل مجهوداتك على مستوى الإشراف أو كعظوة مشاركة معانا و دائما حضورك عندو سحر خاص و بلاصتك واحد مايعوّضها.

[nihal159]

المشاركة الأصلية كتبت بواسطة rima.87

السلام عليكم و رحمة الله و بركاته ،
عودة ميمووونة لمشرفتنا الغالية حياة ،اسال الله العظيم رب العرش العظيم ان يفرج همك و هم المسلمين و يرزقك من حيث لا تحتسبين ،

و ما شاء الله عليك كيما العادة و العوايد اطباقك تحفة بالصحة و العافية ،و حلويات العيد ما شاء الله تشهي ،

الاخت ابني نور عيني عودة ميمونة انت الاخرى و بصحتكم الارو بالدجاج،ابتسآمة بصحتكم الخفوفي تاع البارح و الطعام بالمرقة تاع اليوم و الملوية و عندك روح مرحة ما شاء الله عليك،
نهووووولة بصحتك المشوي درتيها بينا يا بنت الإييه ههههههه،
رانا ننتظرو في العرضة المرة الجاية ما عندك حتى تبرير خخخخ،

و مشكوووورة على وصفة البريوش ،تعرفيني نجرب ،ان شاء الله المرة القادمة نجربو ،.

هذا صابلي بسيط درتو هاد العشية فيه شوية حلوة الترك في العجينة عطاتو قرمشة و بنة ما شاء الله،

أهلا بالنسمة الدافئة التي تهب على المنتدى بكل حنان و حب؛ حبيبتي ريمة دائما حضورك متميّز و كنتي بمثابة المُنقد؛ كلّما تكون الكوزينة في مأزق و العظوات يهجروها؛ تذخلي و ترّجعيلها بريقها و تألّقها؛ مهما شكرتك على دورك الفعّال مانوفّيكش حقك يابنت الأحرار؛ شكرا و ألف شكر ليك.
الصابلي يشهي؛ بصحتكم.

[nihal159]

المشاركة الأصلية كتبت بواسطة ام هدول

مسا الخيريا لحراير. نهوله كوزينتك باهيه وزاهيه ماشاء. الله. بفضللك وفضل ملاك ملاكي وابتسامه وريمه وكرونو و......ابني نور عيني. والمشرفه المتألقة. حيوته طل القم
ر ولله
ربي يدومها نعمة. ان شالله

المشاركة الأصلية كتبت بواسطة ام هدول

لبنات بعد ترقب وانتضار وحساب الأيام. عند الاستيقاظ. من النوم والسؤال. المطروح يوميا هل وصل عيدميلادي ?
وصل عيد ميلاد الكتكوته نينه الدي يصادف يوم 5جويلية. عيد الإستقلال
وفرحت الصغيرة. مع حضور أبناء. الخالات. والجيران. Url=https://up./][/url]
بعض. المستلزمات url=https://up./][/url]
الحمد والشكر. لله

أهلا بالغالية أم هدول؛ ألف مبروك عيد ميلاد نينة؛ كل عام و هي بألف خير و لعقوبة لمية سنة من النجاح و التميّز.
ماشاء الله عيد ميلاد رووووووعة و متوّل من كلشي؛بصحتها؛ حتى عيد ميلاد أنس قريب؛ ترقبو الصور الحصرية فالقريب العاجل.
أم هدول؛ كل كلمات الشكر ماتوفيكش حقك و تعبك معانا فالكوزينة؛ يكفي أنو هذا العام كان عام الإمتحانات الرسمية في دارك هههه ماشاء الله سانكيام و بيام و باك و رغم الضغط و مسؤولياتك العائلية كنتي معانا و شاركتينا أطباقك؛ يعطيك الصحة و ربي يفرّحكم بنجاح هدولة؛ ماتنسايش تفرحينا.

[nihal159]

المشاركة الأصلية كتبت بواسطة ام هدول

الآن. نحن. في ترقب وانتضار. نتيجة. الباكالوريا ما !صعبه من انتضار
حبيبتي هدوله ادرفت دموع البارحة. من ضغط الانتضار رغم اني الهيها
ولااتركها تفكر
دعواتكم. معيا يااااارب
سامحوني خرجت عن الموضوع
ا

المشاركة الأصلية كتبت بواسطة أمي جنتي

جيست دخلت دخلت على ردك... ان شاء الله خييير والله لا يحرمنا من الفرحة يااارب وربي يفرح كل الوالدين ياااارب والله راني خاسة بيك حبيبتي هدولتي انا راني العضوة ملاك ملاكي.... انا تاني خويا الصغير المزوزي فوت الباك هذا العام وان شاء تتعالى الزغاريد في دارنا ياااارب

هذل وين لقيت خبر انه بالخميس النتائج على 20:00سا.....مغ انه قبل قالو ب22 على الساعة 14h00

ماأصعب شعور الإنتظار و الترقب، ربي ينجحهم إن شاء الله و يفرحو و يفرحونا معاهم

[nihal159]

المشاركة الأصلية كتبت بواسطة أمي جنتي

هذا غدايا خفييييف ظريف اليوم اتفضلوا حبيباتي

المشاركة الأصلية كتبت بواسطة أمي جنتي

وهذه لقهوة العشوة مي من الارشيف البارح عملت واحدة مدروة في خاطركم للاسف موبايلي كان عند ملاكي وخرج الله غالب طفرت فيكم هبطتها لدار شيخي تقهونا بيها

ملوكة يا ملوكة؛ و الله ياختي تقول الماكلة تاعك دير المكياج يا جدك هههههههههه متحوفة يعني متحوفة ههههههههه ماكانش مجال للخطأ هههههههههههه ماشاء الله و لا قوة إلا بالله؛ ملوكة حبيبتي حبيت نشكرك يانحولة على أكلك الشهي و الأنيق لي زهّيتي به الكوزينة؛ يعطيك الصحة و ربي يحفظلك وليدك و كل عايلتك؛ و إن شاء الله ليوم تفرحو بنجاح خوك فالباك.

[nihal159]

المشاركة الأصلية كتبت بواسطة بيان 5

السلام عليكم واش رااكم شكون مازالت تتفكرني
ليكم وحشة كبيييييرة
الحمد لله كنا مع عرس اخي
ربي يهنيه هو وكل العرسان يارب
ام اهدول ان شاء الله تفرحي بنجاح بنتك وتبشرينا يارب
لي عودة ان شاء الله باش نحط صور من عرس اخي
ادعولوا ربي يهنيه ويسعدوا في حياتوا

المشاركة الأصلية كتبت بواسطة بيان 5

صباحكن سعيد
حبيباتي نتمى تكونوا بخير
هذي صور للعرس اللي كان امس


هذا حليب وتمر استقبلنا به العروس



هذوا مناديل وحلويات
ماصورتش كل الحلويات للأسف





هذا المسفوف



هذا الكبش اللي ديناه لاهل العروس مع المستلزمات اللي تروح معاه

أههلا بيان؛ عاش من شاف الضوء الأخضر شاعل تحت عظويتك هههههههه؛ واش راكي؛ ليك وحشة قد السماء و الأرض؛ إن شاء الله تكوني بخير و حملك بخير.
ماشاء الله؛ ألف مبروك زواج خوك؛ ربي يصلح بيناتهم و يرزقهم الذرية الصالحة؛ كلشي متوّل بالفرض و السنّة، كما نقولو ههههه، الله يبارك.

[nihal159]

المشاركة الأصلية كتبت بواسطة أمي جنتي

اتفضلو غدايا حبيباتي

أمممممممممممممممم ماشاء الله رووووووعة؛ مانيش نحكي على الجاج لمحمّر هههههه راني على لابيري تبان كريمية و ملساء رووووعة تشهي؛ طيحي بالوصفة ياملوكة ولا نجيك هههههههه

[nihal159]

هذو طياباتي للايام الماضية، للامانة الصور من الأرشيف، ماعاودتش صورت.
همبرغر ديكابوطابل ههههههههه


و هنا بعد ماحطيتلو الشابو نتاعو هههه بؤبر قلبي خرج بوقوص يهبل ههههههههههه

[nihal159]

عشانا لبارح، فخاد دجاج محشيين و فريت

[nihal159]

كفتة بصدر الدجاج، ليبولات تاع الكفتة محشيين فرماج، و درت الجزر و الزيتون فالصلصة البيضاء

[nihal159]

و كما بديناها بالحلوى نختموها بالحلوى، صينية تاع حلوى عيد الفطر

[nihal159]

لكل بداية نهاية و كوزيينتنا شارفت على الإنتهاء للأسف؛ حبيت نشكر كل واحدة شاركت معانا بأطباقها و تجاربها المطبخية؛ شكرا لكل واحدة ضحّات

بوقتها و صورت أطباقها باش تشاركنا بهم؛ يعطيكم الصحة حبيباتي؛ من محاسن الصدف أنّ هذا الجزء صادف تحضيرات شعبان و صوم رمضان و

عيد الفطر؛ عشنا مع بعض أجمل الأوقات و ذخلنا لبيوت بعض و شفنا طاولات الإفطار و كأننا عايشين في دار وحدة؛ لو نبقى نشكر فيكم مانوفيكمش

حقكم؛ مانذكر حتى إسم باش ماننسى حتى واحدة لأنكم كلكم غاليين على قلبي؛ أسمحولي يالبنات إذا قصّرت معاكم و لم أكن حاضرة بصفة يومية لأنكم

تعرفوني عاملة و ربة بيت و أم لطفلين ههههه راهي مسؤلية كبيرة ياجدكم تحسابلكم ساهلة ههههههههههههههه؛ و درك وصلنا للرسمي ههههههه شكون

رايحة تفتتحلنا الجزء القادم؛ و رايح يكون جزء تحضيرات عيد الأضحى و الذبيح و السليخ و الشخاشخ ههههههههههههههه.

[RIMA.87]

السلام عليكم و رحمة الله و بركاته ،
اختي نهال نهووولة النحوولة
مشكوووورة على كلامك الطيب يا طيبة ،
كوزينتك كانت رائعة كروعتك و اطايبك كانت متحوووفة و مشهية ،و تعليقاتك كانت تشرح النفس و تضفي جو رائع من المرح و جزاك الله خيرا على الوصفات انت و كل اخت باسمها لي شاركت باطباقها و تعليقاتها ووصفاتها،
ان شاء الله نسمعو خبر نجاح هدووولة و نفرحو مع ام هدووولة،
هذه وصفة البريوش نهال راهي في قائمة التطبيقات باذن الله ،