|
|
|
|||||||
| قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
احلى واجددو اجمل....الحلويات ...من مطبخ اسمهان ..عيد سعيد
 |
|
|
أدوات الموضوع | انواع عرض الموضوع |
2017-06-16, 22:20
|
رقم المشاركة : 1 | ||||
|
احلى واجددو اجمل....الحلويات ...من مطبخ اسمهان ..عيد سعيد
السلام عليكم ورحمة الله وبركاته بِسْم الله وعلى بركة الله *** قاطو سكر الألوان ***    هاذ القاطو شحال بنييييييين راح تدعولي عليه حقيقتاً ما شاء الله البنة اللي فيه روعةةةةةةة وكيفما عودتكم نقدم لكم غير القاطو الباهي ولبنين باه تدعولي من قلبكم ليا ولجميع المؤمنين ان شاء الله أولاً نخدم 250 غ زبدة بحرارة الغرفة بكف اليد مليح مليح ثم نضيف ثلاث ملاعق كبار سكر رطب وزوج ملاعق كبار عسل وفاني نتاع الميزان وزوج صفار البيض كل مرة نخلط مليح قم نصف ساشي خميرة الحلويات ثم 60 غ نوازات ( بندق ) مرحي رطب ثم 60 غ جلجلانية ( سمسم) مقلية ومرحية و علبة فلان نوارة ذوق الكراميل وشوية عطر الكاراميل ونلم بالفرينة نخليها ترتاح ربع ساعة ثم نوزنها 28 غ و نعمر في مول السيليكون ونطيبها   لما تبرد نغطس وجهها في لاجولي تكوني سخنتيها شوية على النار باه تذوب ثم مباشرة في سكر ألوان اللون اللي تحبي    في الوسط تحبي تعميرها بكريمة الزبدة معطرة بذوق الكاراميل او طلعي شانتي مع لاكرام فراش اوپلا وديريها ثقيلة وعطريها بعطر الكاراميل وزينيها بالجلاجلانية نتاع الألوان او حبيبات كيما تحبي خليها تنشف في الهواء ومن بعد خبيها روعةةةةةةة في المذاق  ياريت لبنات اي وحدة جرب وصفاتي تخبرني *** قاطو بذوق الكاراميل والنسكافيه ***    هاذا القاطو روعةةةةةةة في البنة في الشكل في الذوق نتاعه والله ما تندمه كون طبقوه لانه يستاهل صح وللأمانة هاذ الوصفة مش من اختراعي او من ابتكاري كيما عودتكم في معظم وصفاتي انا الحق كليتها عند حبيبتي وعجبني ذوقها وبنتها طبقتها ولما نجحت معايا حبيت نفيدكم بيها وألف شكر لحبيبتي والشكر لكبير أكيد لصاحبة الوصفة الأصلية منها نستفيد واكيد هي راح تستفاد منا رانا كلنا نعاونه في بعضانا التحضير اولا نخدم 500 غ زبدة طرية بحرارة الغرفة نخدمها مليح بكف اليد حتى ترجع تحت يدك كي لكريمة نضيف 2 بيضات وكأس سكر رطب وكأس نشاء و1 خميرة القاطو و3 ملاعق كبار نيسكافيه نذوبوها مليح في شوية ماء ثم نضيف الفرينة حتى تتلم نخليها ترتاح شوية ثم نطرحها بمساعدة البلاستيك ونطبع الشكل اللي تحبي مربع.. دوائر ...... او ممكن تعمليها في مول السيليكون اللي راح نحطه في الصورة  بعد ما يطيب اقسمي الحبات نصف اغطسيه في الشوكولا السوداء أطلّي نصف الحبة فقط وباقي القاطو خليه من دون شوكولا  من جيهة في كاسرونة ديري كاس كرام فراش من الاحسن نوع اوپلا لذيذة وبنينة وديري ذوق الكاراميل انا خذا مني نصف قرعة وممكن اكثر ثم أضيفي الكرام شانتي وطلعني بالباتور على أقصى سرعة وكل مرة أضيفي غبرة الشانتي حتى تثقال مليح ملازمش تجي خفيفة   حطيها في لابوش ادوي وخليها في الثلاجة تبرد شوية  ومن بعد خذي حبة من القاطو اللي ما فيهش الشوكولا وعمري شوية في الوسط وحطي عليها وحدة اخرى من القطر اللي فيه الشوكولا وما تضغطيش لازم يبقى عالي شوية وزيني بحبات القهوة تكوني موجدتهم من قبل  وزيدي زيني بالملمع لون برونزي ويكون رطب وشوية ملمح ذهبي احرش  وخليها في بلاطو ليلة كاملة باه لكريمة تنشف مليح ومن بعد خبيها ذوقها خيااااااال والله العظيم من اروع الوصفات ملاحظة ... هاذا الحلوة في الأيام الباردة تشدلكم حتى لعشرة ايّام ومن بعد يتغير ذوق لكريمة وإذا حبيتوها ما تفزدش خاصة في فصل الصيف ديروها في باط والى الثلاجة فقط خرجوها قبل التقديم بمدة في الثلاجة راح تشدلكم اكثر ان شاء الله أكيد راح تدعيولي بالخير لانها تستاهل حقاً حبات القهوة .. ذوبي شوكولا سوداء بدون إضافات وفرغي في المول الخاص نتاع حبات القهوة وخليها تجمد في المجمد   *** قاطو لعروسة روعةةةةةة***    ًنخدم مليح بكف اليد 500 غ الزبدة اللي تكون بحرارة الغرفة نخدمها مليح ترجع كي لكريمة ثم نضيف لها نصف كاس سكر رطب نصف كاس عسل ثم 3 صفار البيض ثم لفاني ومن الاحسن نتاع الميزان ونصف باكي خميرة كميائية و ملعقة نشاء الذرة نخلط كلش مع بعض ونضيف الفرينة حتى تتلم نطرح العجينة ونطبع الشكل اللي في الصورة شكل اوفال ثم نصف الحبات المطبوعين ندهنهم بالبياض نتاع البيض ونذرذر الكوكاو مقلي ومقشر ومرحيوالنصف الاخر نخليه هكذاك ثم نطيب في الفورعلى درجة 180  الحشوة.. عملت فيه كوكاو مقلي ومقشر ومرحي متوسط وخلطت معاه كاكابيجو ( حلوة الترك ) وكمية من الجلجلانية ولميتو بالمعجون درت الحشوة شوية يابس ما جريهش لازم يكون شاد روحه ثم طرحته شوية خشين وطبعته بنفس المول اللي طبعت بيه القاطو ولصقت وحدا قاطو سامبل والحشوةنتاع الكوكاو ثم القاطو اللي فوقو الكوكاو وزينته بوردات صنعتهم من لابات داموند او عجينة السكر وذرذرت السكر الرطب و الملمع الغذائي جاااااااااااااااااء روعةةةةةةةةةة شكلاً وذوقاً راح يكون مناسب في العيد او للعرائس والأعراس ***قاطو الميرانق بذوق الليمون ***   هاذ الحلوة مليحة للمشروبات روعةةةةةةة خفيفة وبنينة والله تحمر الوجه صدقوني جربتها ونجحت معايا ونالت رضى الكل خفيفة وبنينة وهشة تذوب في الفم ذوبان ههههه نحتاج الى 250زبدة طرية أكيد بحرارة الغرفة خدمتها مليح بيدي رجعت مثل لكريمة ثم اضفتلها تقريباً كاس سكر رطب ومنخول ( مسْيَرْ ) مرتين يعني الكأس يكون ناقص باإصبعين ثم 2 صفار البيض و4 م ك نشاء الذرة 1 خميرة و 1 فاني وباكي نتاع عصير اميلا غبرة ذوق الليمون وممكن ذوق البرتقال اذا حبيتي وإذا خفتي يجيك حامض استعملي نصف ساشي برك الاختيار يرجع ليكي وممكن تستغناي عليه نخلط كلش مع بعض مليح مليح ونلم بالفرينة نخلي العجينة ترتاح شوية ثم نطرحها ونطبعها بمول طويل انا كان عندي هاذ المول اللي في الصورة طبعت بيه ثم قسمت الحبة على زوج باه يجوني شوية رقاق في الشكل نتاعهم نصف الحبات اللي طبعتهم درتلهم الميرانق من فوق شكل لولبي ونصف خليته هكذاك وطيبتهم  طيبت اللي من دون ميرانق وحدهم واللي بالميرانق وحدهم ماراحش يطوله في الطياب عسوهم ومن بعد ما طابو وبرده لصقتهم بالمعجون وعملت الكوكاو على الجوانب حاولي انك تسايسيها لانها هشة ( الكوكاو مقلي ومرحي بقشوره ) جاء يذوب في الفم خاصة لما بات والله راااااااائع هاذ الحلوة تقدم مع المشروبات الميرانق ***** خذي بياض البيض يكون بحرارة الغرفة حطيه على حمام مائي واضيفي له ضعفه سكر وخلطي مليح حتى يذوب السكر ثم نحيه من على حمام مائي واضيفيله شوية فاني نتاع الميزان وضربي بالباتور على أقصى سرعة حتى يرجع يبرق ويشد روحه ضروري يكون الميرانق ناجح معاك باه تصلحلك الوصفة نتمنى تجربوها وصفة راااائعة... وخفيفة راح تفرحه بيها ان شاء الله  في أمان الله
|
||||
|
|
2017-06-16, 22:41
|
رقم المشاركة : 4 | |||
|
إسمهان ... حفظكِ الرّحمن |
|||
|
|
|
2017-06-16, 22:51
|
رقم المشاركة : 5 | |||
|
روعة ماشاء الله تبارك الله |
|||
|
|
|
2017-06-16, 23:40
|
رقم المشاركة : 10 | ||||
|
اقتباس:
الف شكر على الملاحظة وألف الف شكر على الرد المميز حبيبتي |
||||
|
|
|
2017-06-17, 01:26
|
رقم المشاركة : 13 | |||
|
والله روعة وكنت ننتظر في حلوياتك قمة كنت حابة حاجة تشرف وعجبني القاطو تاع السكر الملون روووووعة حفظك الرحمان وربي انشاء الله يسترك نسقسيك لون السكر وشنهي لي ستعملتيه بني ولون الجلجلان ولا احمر جاوبيني وشكرا جزيلا خي يشرف |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
احلى واجددو اجمل....الحلويات ...من مطبخ اسمهان ..عيد سعيد
العرض العادي
