إلى الخياطات المحترفات أحتاج المساعدة

smart · 2014-10-20, 18:09

إلى كل الأخوات أنا أحتاج مساعدتكن
راني خدمت كوفرلي تاع سموك بصح كي لصقت الجزئين مع بعض ماخرجتش الخدمة مليحة
إذا تقدرو تعطولي حل باش نغطي هذا الخطأ في الوسط
نحطلكم الصورة تاعو إذا حبيتو باش تعاونوني
شكرا مسبقا وفي إنتظار ردودكن

tiziri2 · 2014-10-21, 07:17

السلام عليكم
شوفي يا اختي ادا فهمتك مليح معناه خدمتي زوج قطع سموك و من بعد حبيتي تلصقيهم
و هدا خطأ لانه السموك نخيطو قبل القماش باش نرسموه و نخدموه
لدالك باش تصححي الخطأ ختي افتحي بعض الغرزات الي عال الجنب وين راكي حابة تلصقي خيطيهم و عاودي ارسمي و طبعا كي جي ترسمي احسبي قبل شحال تخلي باش ترسمي المربعات سواسوا و ما يبقالكش زيادة قماش

على كل حال هدا واش فهمت و ادا راني غالطة نتمنى تحطي الصورة بالاك ما فهمتكش مليح و نعاود نفهمك بالشيء الي نقدر عليه
او ممكن الاخوات الي فهموك يعوانوك كدالك

بالتوفيق

smart · 2014-10-21, 13:58

ياأختي انتي مافهمتينيش
أنا سطرت بعدها خيطتهم مع بعض وخدمتهم وبقى فراغ من الوسط وحابة نغطيه أو نديرلو كاش حل
ان شاء الله تكوني فهمتيني

tiziri2 · 2014-10-21, 16:01

شوفي يا اختي
راكي تقولي سطرت بعدها خيطتهم مع بعض
و الصحيح انك تخيطي و من بعد تسطري راكي فاهمتني يا اختي و دايما نبداو نرسمو من الوسط او على الاقل ديري عملية قسمة باش يكون المربعات الوسطانية مخدومة و ما تبانش لخياطة في وسط الكوفرولي

الان مادام صرا الخطأ نقترح عليك مثلا انك ترسمي غرز صغار مثلا ادا درتي ياسمينات كبار ارسمي اخرين صغار بحيث يغطولك لفراغ الي بقالك في الوسط

نتمنى نكون فهمتك و فهمتيني

العيون البريئة · 2014-10-21, 16:02

شكراااااااااااا جزاك الله خيراااااااااااا

smart · 2014-10-21, 22:12

راكي صحيحة أختي
راكي فهمتي واش صرالي

am_el · 2014-10-21, 22:33

ممكن تحطي الصورة اختي باش نقدرو نساعدوكي

tiziri2 · 2014-10-22, 08:04

السلام عليكم
مليح كي فهمتك
نقترح عليك حل اسهل ادا حبيتي ماعلاباليش ادا فكرتي فيه انك تقطعي القماش الزايد طبعا ادا كان طرف رقيق
ودالك انك تحلي الغرز الي جايين عالاطراف و ومن بعد تقطعي لانه اكيد ما تقدريش تقطعي و القماش مكمش و تعاودي تخيطي

بالتوفيق يا اختي

~ لؤلؤة مسلمة ~ · 2014-10-23, 13:05

يا ريت تحطي الصورة افضل بلاك نقدرو نساعدوك

~ لؤلؤة مسلمة ~ · 2014-10-23, 13:29

شوفي اختي عندي هاد الفكرة ان شاء الله تساعدك على تغطية الخطا
اولا تحلي الخياطة نتاع القطعتين و تخلي كل قطعة وحدها مثل الصورة هذه

الان تجيبي قماش اخر
تطرزيهبالحاشية ادا حبيتي
و تلصقيه بين القطعتين نتاع السموك

مجرد فكرة ادا حبيتي تطبقيها

smart · 2014-10-24, 18:41

بارك الله فيكن أخواتي
راني حليت غرزتين وصغرتهم وخدمتو وراه ولا مليح الحمد لله
بارك الله فيكن وخصوصا الأخت tiziri ربي يفرجها عليك كيما فرجتيها عليا
كان مقلقني لأني طولت وأنا نخدم فيه شهرين وبعدها خرج فيه مشكل
الحمد لله
كي نكملو راني نحطلكم الصورة تاعو

smart · 2014-10-24, 18:52

بارك الله فيكن أخواتي
راني حليت غرزتين وصغرتهم وخدمتو وراه ولا مليح الحمد لله
بارك الله فيكن وخصوصا الأخت tiziri ربي يفرجها عليك كيما فرجتيها عليا
كان مقلقني لأني طولت وأنا نخدم فيه شهرين وبعدها خرج فيه مشكل
الحمد لله
كي نكملو راني نحطلكم الصورة تاعو