بيتك جنتك ورضاء ربك مبتغاك - الصفحة 2

oummalak · 2013-01-20, 08:32

اقتباس:

المشاركة الأصلية كتبت بواسطة bant khlil

الى العمل الى التحدي الى بيت نطيف الى عمل ممتع وشيق هيا هيا

ربي يعاونك لكن لما تمسحي السقف غير بشوي راك حامل حاولي على النونو

oummalak · 2013-01-20, 08:34

اقتباس:

المشاركة الأصلية كتبت بواسطة sarra5

allllah 3lik rani nteba3 wech raki t9oli

rabi yahafdak

ربي يحفظك سارة اسعدني دخولك لموضوعي

oummalak · 2013-01-20, 08:35

اقتباس:

المشاركة الأصلية كتبت بواسطة فاطمة بشار

بارك الله فيك اختي ام ملاك و جزاك الله كل خير و فرج عليكي

امين يا رب
ربي يحفظك ويوفيلك ما تتمناي

ليلى القسنطينية · 2013-01-20, 09:12

مع اني جيت روطار لكن راني معاكم ان شاء الله
و ربي يجازيك بكل خير اختي ام ملاك

oummalak · 2013-01-20, 09:15

اقتباس:

المشاركة الأصلية كتبت بواسطة ليلى القسنطينية

مع اني جيت روطار لكن راني معاكم ان شاء الله
و ربي يجازيك بكل خير اختي ام ملاك

ما راكيش روطار اليوم بدينا يالله على بركة الله ابدئي

نبض الفؤاد · 2013-01-20, 09:27

واش راكي تديري هنا ام ملاك ايا يا الله تكملي شغلك هههههههههههههههه
راني درت الفطور ونكمل ان شاء الله التطبيق

يا معين

Sabrina ALG · 2013-01-20, 10:04

هادا وين اتفتحلي الموقع راني قريت البرنامج نع اليوم
الحمد لله صلاة الفجر في وقتها بقالي الشغل ضرك نديرو باقصى سرعة باش نلحقكم

دموع الانابة · 2013-01-20, 11:48

راني معاكم بصح ما عنديش الماء ما جاتنيش العين للاسف

فراشات العمر · 2013-01-20, 13:33

اقتباس:

المشاركة الأصلية كتبت بواسطة oummalak

ربي يعاونك لكن لما تمسحي السقف غير بشوي راك حامل حاولي على النونو

ما تخافي ما والو السقف نتاعي ماهوش مخدوم ههههههه

وفاء سعاد · 2013-01-20, 14:08

مساء الخير عليكم راني درك واين خلصت وكلش في يسطر بصح الكوزينة تبرق مدرتش غير الكويزينيار والكونجيلاتور والاجهزة الاخرى نبدا من الصباح نضت عل 5سجيت الطابلة في الكوزينة ودرتلهم السفنج وغسلت الماعن وصليت ونوضتهم فطرو وراحو يقراو طليت عل المنتدى شوية وشفت البرنامج رحت للبيوت مسحت غبرتهم وتاع الاولاد نحيت الاوس وغلافات المخاد كي شفت في البرنامج نديرو القش وانا كان ماعنديش قلت نطبق حرفيا وكي خلتهم الصالو مضيف طليت عليه برك رحت للتلاجة طفيتها وحكمتها بالخل والازيس والجافيل ونشفتها وحطيت داخلها الفحم لامتصاص الروائح والافاني يعطي رائحة مليحة ونحيت تاع التريا تاوعي على شكل اجاصة وتفاحة وفرازة غسلتهم ونشفتهم وريديتهم كي خلصت السقف الغداء كان سلق مع البيض والكفتة وكاين الروطي تاني تاع ابارح تغداو الاولاد وغسلت الماعن وسيقت الدنيا كامل والان جيت معاكم

فراشات العمر · 2013-01-20, 14:31

اختي وفاة شفتي نحاولي الموضوع الاخير نتاعي حتى بغيت نبكي

فراشات العمر · 2013-01-20, 14:41

البارح قبل ما نرقد غسلت المواعن تاع العشاء وسيقت الكوزينة وغسلت الطراشن بالجافيل وسيقت معاها الهول كي نضت الصباح راح ابني مع راجلي للمسجد الفجر ان توضيت وصليت وفريت 4 صفحات من القران بعد كل صلاة كحلت عيوني ومشطت شعري وجدت لفطور حليب بالخبز غسلت لماعن تاع الفطور بعد ما درت الكسرة ترطاب في هذاك الوقت كانت المرقة تاع الزيتون قريب طيب ناظ وليدي الصغير بدلتلو قشو وشربتو لحليب وهزيت الفش وفرزت الدار لقت الساعة 11 وقعدت نتفرج على12 تغدينا وغسلت لماعن وسيقت الكوزينة توضيت وصليت وقريت4 صفحات وقعدت مع الميكرو

سمراء الدنيا · 2013-01-20, 15:15

السلام عليكم
نضنا الحمد لله صباح ناشطين كملت الجانب الديني و فطرت لولاد و راحو و بروسيت سنيا و كحلت و مشطت و رحت للبيوت لميتهم و فوت النشافة و من بعد الهول لميتو و مسحت الغبرة و نقيت هاذ الميكرو كان يبكي على ايامو .... و مسحت التيلي و المدفاات و رحت للكوزينة درت الجلبان يطيب و غسلت لماعين و الكويزينيار و السقف و ما عنديش الثريا غير النيو .... سيقت الكوزينة و جا وقت لغدا لفريجيدار ان شاء الله هاذ لعشية نتلهى بيه

ام امجد14 · 2013-01-20, 15:44

السلام عليكم اسمحوهداوين انفتح المنتدى معى
نحيك اختى ملاك على البرنامج ربى يجعلو فى ميزان حسناتك
عجبتنى طريقتك فى طرح الموضوع وتنسيقك ما بين التنضيف اليومى و التنضيف العميق

ام امجد14 · 2013-01-20, 15:47

انا اليوم نضفت الثلاجة
لكن السقف مدهون باللافابل ما نقدرش نغسلو و غسلت الثريا
وطبقت معاك التنضيف اليومى روووووووووووووعة فكرة العمل و الساعة