حلوى الطبقات بمربى المشمش من مطبخي

[سحر الأمسيات]

السلام عليكم و رحمة الله تعالى و بركاته
اخواتي الكريمات هذه اول مشاركة لي في هذا القسم اردت المشاركة بحلوى من مطبخي المتواضع إنشاء الله تعجبكم و تجربوها هي حلوة افتصادية و لذيذة مقاديرها كالآتي :


المقادير :


4 حبات بيض
كاس سكر
كاس مارغرين ذائبة او زيت حسب الإمكانيات
ملعقة فانيلا
2 كيس خمارة
فرينة
مربى مشمش

لتزيين :


- علبة شكولاطة
- زهور مصنوعة من عجينة اللوز او التي تباع في الالأسواق او كمية من النواة كوكو التزيين راجع للأمكانيات و الشيء المتوفر بالبيت



التحضير :



نخلط البيض + السكر + المارغرين + الفانيلا + الخمارة و نلم بالفرينة حتى نتحصل على عجينة طرية و متماسكة ثم نقسمها على قسمين متساويين مثل ما هو موضح في الصورة



نبسط العجينة 1 بالحلال و نحطها بصينية الفور بعد رشها بالفرينة ندهن سطح العجينة بالمربى و نبسط العجينة 2 و نحطها فوقها برفق و نحاول نسويها مليح و نحاول عمل ثقوب باش يخرج لهوى و تطيب الحلوى مسوية باش من بعد تساعدنا في التزيين ندخلها الفور على درجة 160 مدة حوالي 35 دقيقة و طبعا كل وحدة و الفور اللي عندها

للتزيين انا عملت ورود كما هو موضح في الصورة




بعد ما تطيب نخرجها من الفور نخليها تبرد و نزينها بالشكولاطة و الأزهار او الشكولاطة و نرش فوقها جوز الهند حسب الإمكانيات و الشيء المتوفر عندك و نقطعها على شكل مربعات او مقيرطات او مثلثات حسب الذوق و نحطها في كيسات

شهية طيبة و هذا هو الشكل النهائي للحلوى بعد ما زينتها

[ام رشدى]

444444444444 يعطيك الصحة وشكلها رائع مزيد من التالق

[أم ياسين الزهراء]

رووووووووووووووووووووووووعة يعطيك الصحة

[سحر الأمسيات]

المشاركة الأصلية كتبت بواسطة ام رشدى

444444444444 يعطيك الصحة وشكلها رائع مزيد من التالق

اشكر مرورك العطر اختي ام رشدي تحياتي و تقديري

[سحر الأمسيات]

المشاركة الأصلية كتبت بواسطة أم ياسين الزهراء

رووووووووووووووووووووووووعة يعطيك الصحة

مرورك هو الأروع غاليتي ام ياسين الزهراء تحياتي و تقديري

[sandibal]

raaaaaaaaaaaaaaawwwwwwwwwwwwwwwww3a
baraka elaho fiki