بقلاوة هايلة من يدين لغزالة الغاليّة.

[ام سوهيل]

شكراغزالة براك الله فيك وهدا من كرم اخلاقك حنونة ربي يخليك دمتي متاليقة

[10moha]

يعطيك الصحة على هذه المعلومات ممكن نذوق لاني نموت على البقلاوة

[غزالة الصّحراء]

المشاركة الأصلية كتبت بواسطة ام سوهيل

شكراغزالة براك الله فيك وهدا من كرم اخلاقك حنونة ربي يخليك دمتي متاليقة

أهلا ومرحبا بكّ مرّة أخرى . وألف شكر وتحيّة على الرّد الّذي يبعث الأمل ويمتّن صلّة المحبّة. دمت من الوفيات دوما.

[غزالة الصّحراء]

المشاركة الأصلية كتبت بواسطة 10moha

يعطيك الصحة على هذه المعلومات ممكن نذوق لاني نموت على البقلاوة

مرحبا وألف مرحبا بك. بلا مزيّة حنونتي . رانا كامل نتعلوا. ولي تعرف حاجة لازم أتعلمها للأخريات. وعلاش حنونتي ماش غير أتذوقي خذي معاك الصّحن كامل. وحّتى التّفاح راه زيادة. وإذا حبيتي أنزيدلك ، تحت امرك مايكون غير خاطرك تستاهلي .
ألف تحيّة وشكر على المرور نوّرتي.

[yousrayousra77]

رررررووووووعة. شكرا

[غزالة الصّحراء]

المشاركة الأصلية كتبت بواسطة yousrayousra77

رررررووووووعة. شكرا

أنت الأروع حبيبتي ، نوّرتي الصّفحة بردّك الّذي يشجّعني اكثر فأكثر. مشكورة ألف شكر.

[أم الحبايب 26]

مشالله عليك غزالة جاتك تحفة انا بقلاوا نديرلها 4 ب1 سمن

[سعيدة سعيدة]

بقلاوتك روعة لو كان تبعثيلي حبة ناكلها راني نتوحم عليها الله يحفضك اختي كاشما عندك جديد انتاع حلويات الاتاي اعطيهلي وندعيلك دعوة الخير من فضلك في اقرب وقت عندي الخطبة انتاع اختي

[غزالة الصّحراء]

المشاركة الأصلية كتبت بواسطة أم الحبايب 26

مشالله عليك غزالة جاتك تحفة انا بقلاوا نديرلها 4 ب1 سمن

يا أهلا ومرحبا بأمّ الحبايب وستّ الحبايب. شوفي حنونتي جرّبت أنتاع 4 ب1 بصّح جات ناقصّة اشويا. وبهذه الطريقة أتجيك ولا أروع. راني حطيّت ملاحظات لازم الأخوات يلتزموا بها. وخاصّة طريقة الطياب. لازم اتطيب امليح من التحت والفوق هذا الي رايح ايخليها تتقرمش. نوّرتي الموضوع ألف شكر وعافية.

[غزالة الصّحراء]

المشاركة الأصلية كتبت بواسطة سعيدة سعيدة

بقلاوتك روعة لو كان تبعثيلي حبة ناكلها راني نتوحم عليها الله يحفضك اختي كاشما عندك جديد انتاع حلويات الاتاي اعطيهلي وندعيلك دعوة الخير من فضلك في اقرب وقت عندي الخطبة انتاع اختي

أهلا بك ومرحبا . وألف شكر على الشّجيع. وعلاش غير حبّة حنونتي هاك الطّبسي بكمالو. بصحتّك


أمّا عن الحلويات صراحة أنا جرّبت أنتاع الأخت أم أماني اللّه ايذكرها بالخير. مثلا الشراك لمسكّر . حلوة الجلجلانيّة بالنيسلي +، صابلي البيضة ، القريوش ، صابلي باللّوز ايفيلي، صابلي جديد بنيسلي ونوتيلا روووووعة. هذا الصابلي ألي ايذوقو يهبل عليه. هذه الحلويات كامل جربتهم ونجحت فيهم. ومازال ماطبقتش البقيّة الأخرى لضيق الوقت. تصفحي مواضيع الأخت أم أماني اللّه ايطول في عمرها عندك ماتشوفي. ولي اهبلت عليها بزاف هي حلوة الطربوش بصّح مازال مجربتهاش.
وثاني كاين حلوة السيّار أو الغربال . ثاني هايلة الي ايذوقها مايقولش مصنوعة بالزّيت هي من إعداد الأخت صوامعيّة اللّه ايطوّل في عمرها.ممكن تستعيني بها. هايلة خاصّة لما اتكثريلها الزاست أنتاع اللّيمون. روعة. أتمنّى أن أكون قد أفدتك.

[ام ورود]

شكرا اختى غزالة الصحراء.....راهي تشهي

[Issra Alger]

يعطيك الصحة

[ام سهام 02]

وصفة راااااااا ئعة وجاتك شابة يسلموووووووو اختي

[غزالة الصّحراء]

المشاركة الأصلية كتبت بواسطة ام ورود

شكرا اختى غزالة الصحراء.....راهي تشهي

أهلا ومرحبا بك أختي أم ورود. راني وفيت بالوعد. ولو أنّ الأمر جاء متأخرا نوعا ما . آسفة لا أمتلك آلة تصوير. ابني الصّغير بسلامتو هو من قام بالتّصوير. نوّرتي الصّفحة بوجودك. وماشاء اللّه عليك أنت أيضاأعمالك في القمّة وألف مبروك على المرتبة الأولى. ومزيدا من التألّق. راني نستنا في الصور أنتاع تطبيقك للبقلاوة . لاتحرميني منها هذا سيحفّزني أكثر نحو المزيد من الأعمال أكثر فأكثر.
هاكي بصحتك كولي حتّى تشبعي.

[غزالة الصّحراء]

المشاركة الأصلية كتبت بواسطة issra alger

يعطيك الصحة

نوّرتي الموضوع بردّك المشجّع الف شكر وعافيّة.