تطبيقات الوداع

[حواء 19]

تطبيقات روعة و انت الاروع يعطيك الصحة و صحة فطورك

[* الحلم سكر *]

كالعادة فحلة و مميزة تبارك الله عليك
رمضان كريم ليك و لجميع العايلة

[sasamer]

ماشأء اللـــــه ........... الله يبارك
ربي يحفظك
راك مبدعة ، الاعمال نتاعك تحفة
ربي يرزقك الزوج اللصـــــــــــالح اللي يستاهلك ويكملك بالذرية الصــــــــــــــــالحة عاجلا غير أجلا ، واحنا في هذه الايام المباركة ، آميـــــــــــــــن
ولا تحرمينا أختي إلهام من طلتك البهية
دعواتي لك دائما عساها تكون مستجابة - يارب -

[أم محمد تاج]

حنونتي المهم ودعينا في الكوزينة على روحك بصح تودعينا طول لالالالالالا
راح نتوحشووو طيابك وبزايد علينا راكي معانا وقرعجي علينا برك
وتطبيقاتك روووعة روووعة رووووعة كروعتك حنونة وباي باي الكوزينة

[♥salma 04♥]

يعطيك الصحة وتعجبني مواضيعك دائما أجربها وتنجح بارك الله فيك و جعله في موازين حسناتك
أختي ربي يحفظك أكتبيلنا طريقة القلاصاج بالتفصيل لأني جامي صلحلي و شكرا مسبقا
صح فطورك

[soumeya_cons]

الله يبارك و ماشاء الله تطبيقات و عليها الكلام بصح ياختي حبيت نسقسيك على الكراميل كي نديرو ساعات يصلحلي ساعات لالا مالغري ساهل بصح مافهمتش الغلطة وين

[soumeya_cons]

و نزيد نسقسيك علابالي كثرت عليك جربت مرة فلان بالنسلي كنتي حطيتي تطبيقك انا جاني ذوق تاع البيض فيه بزافو تبعت نفس المقادير اللي فالوصفة الشكل جاء رائع بصح الذوق مش مليح خلاص مافهمتش السبب

[صفــاء]

مشاء الله تبارك الله

تحـــــــــــــــــــــــــفة

بارك الله فيك شـــــــــاف ورمضانك كريم كل عام وانت بخير

[ام عبودة]

بصحتك الكونجي لهومة واش خملتي الكابة راني رايحة نعقب عليك باش تروحي معايا ولا بطلتي

[/زهرة عصفور الجنة/]

بارك الله فيك تطبيقات جد موفقة

[ام راضية]

المشاركة الأصلية كتبت بواسطة إلهام07

هذو تطبيقات الوداع لاخاطر راني خرجت كونجي من الكوزينة شهر رمضان كامل وا ي واي واي مالا قلت نحط التطبيقات نتاعي اللي تلمو باش نودعكم حتى للعيد بإذن الله :

1- تطبيقي لبوراك الطون لأم راضية :
جا بنين يهبل مع انني ماشفتش الطون في الوصفة حسبت مافيهاش ماحطيتوش حتى خلصت باش شفت باللي الوصفة فيها طون ومع ذلك جا بنين خاصة كي كثرت فيه من هريسة بريق الأمل يم يم مالا كون حطيت الطون كيفاش
درتو في ديول البانسو نتاع أم راضية أيضا يم يم مقرمش يهبل :

جيت نحطلكم الرابط دخلت للملف الشخصي نتاع ام راضية غرقت ماشاء الله سياسية كبيرة هههههه بصح الموضوع مالقيتوش راهي الله يبارك عندها قائمة جد طويلة من المواضيع

2- تطبيقي لحساء الجبن نتاع faizarbh :
هاني زدت طبقتلك وصفة أخرى باش ماتزعفيش هههههههههه يعطيك الصحة في أسبوع كليناه 5 مرات ههههه ومعولين نديروه بزاف في رمضان بنين وخفيف يم يم يم تحفة يعطيك الصحة فايزة وننصح كل من لم تجربه أنها جربو :

الرابط : https://www.djelfa.info/vb/showthread...c7%e1%cc%c8%e4

3- تطبيقي لقاطو المشماشة نتاع فايزة44 :
هو المفروض قاطو مشماشة بصح أنا درتو بالقلقة بابا جاني من وراء العشاء وقالي ديريلي القاطو لصحابي درتو بالقلقة طبعتو قلوب ودرتو في المعجون ثم النواد كوكو :

فايزة44 مادارتهاش موضوع بصح هاكو الوصفة :
هذه تندار بالزيت ، ممكن تديريها بالزبدة
3بيض نعبرهم في كاس ، نفس العبر سكر عادي مخلط مع سكر رطب قدقد ،عبر زيت ، لفاني
مبشور ليمون ،1خمارة حلوة ، كاس مايزينة ، نلم بالفرينة

ممكن ندير شويا ملون برتقالي محلول في عطر المشمش ، نديره مع العجينة ، نحصل على عجينة كيما الصابلي طرية نوعا ما
ندير كريات صغار ونديرهم يطيبو ، من تحت ، واذا ماطابش من فوق نشعله يطيب، نحيه يبرد أ نحضر شويا معجون مشمش ندير له شويا ملون برتقالي
ونلصق كل 2مع بعض بالمعجون نتركهم ينشفوا ، ثم نغطس الحبة كاملة في المعجون ونرمدها في نواد كوكو، تنشف نزينها بلابات داموند
وهذي صورتو :


4- تطبيقي لعصير الخوخ بكريمة الشانتيي ladymillion :
هاهو بارد وثقيل يهبل شكرا ليدي عصير ساهل ماهل ولذيييييييييييييييذ أنا مانعرفش نديكوري بزاف هاهو :

الرابط : https://www.djelfa.info/vb/showthread...c7%e1%ce%e6%ce

5- تطبيقي لهامبرغر بالعجينة السحرية لأم كوثر :
جا خفيف يهبل يهبل طبعا وصفة أم كوثر واش مستنيين نقول فيه ، كل ماندير بيتزا وتبقالي شوية عجين نديرهم قرصات وندهنهم بشوية حليب ثقيل ( ندير حليب غبرة في شوية حليب سائل يجي ثقيل ) وندهن بيه يعطي لمعة ولون رائع بدون رائحة البيض .
هنا درتو عشاء كان ماكان والو تكاسلت نطيب :

وهنا درت بيتزا بنفس العجين وحطيت فيها جبن ومرقاز مخادع وكامومبير وشيدار وبعثت منها قرصة لخطيب أختي ماتو عليها أهلو :

وهذي بقاتلي العجينة درتهم 2 حبات همبرغر وخبيتهم في المجمد كي نحتاج نلقاهم واجدين :

وهذا رابط العجين :
https://www.djelfa.info/vb/showthread.php?t=1274140

6- تطبيقي لتشاراك أم أماني بالعجينة السحرية :
كلمة رائع قليلة عليه واش نقلكم اعتمدت الوصفة ومستحيل نغيرها رائع يذوب في الفم يمي يمي كلاوه طارو بيه مع انهم مايحبوش بزاف القاطوات و ذوقت منو صاحبتي وأختي دات منو لصحاباتها ، اللي يذوقو يهبل عليه ويقول الوصفة وثم الوصفة ربي يعطيك ماتتمناي أم أماني وزيد هذو الوصفات كامل في ميزان حسناتك نحبك بزااااااااااف قد الدنيا ههههههههههه :

وهذا رابط الوصفة :
https://www.djelfa.info/vb/showthread.php?t=1198301
غير جربوها وماتترددوش خلاص خلاص

7- تطبيقي لقاطو الصوفيا لdadou mascarienne :
زعمة راني وليت فحلة طايحة فيها قاطوات هههههههههه ديتها في روحي زعمة رايحة نرجع مدام بن بريم ههههههههه
أنا درتو بالقلاصاج من فوق وليس بالشكلاطة البيضاء جا حلو بزاف اللي حابة ديرو ديرو بالشكلاطة كيما دارت دادو :

رابط الوصفة :
https://www.djelfa.info/vb/showthread...d5%e6%dd%ed%c7

8- تطبيقي لقلاصاج ام رامي :
أول مرة في حياتي نجرب القلاصاج درتو وقلبي يدق يدق يدق خفت مايصلحش ، جا هايل وزدت فيه ملون برتقالي واستعملتو في القاطوات الزوج اللي شفتوهم خلاص وليت فحلة واي واي واي
هذا القلاصاج راهو يبقى طري مهما طول روووعة وراني عولت إن شاء الله نزيد نجرب قلاصاج البيض مدام راني وليت نعرف للقلاصاج وااااااااااااي
وبما أنو العقدة تفكت وليت نعرف القلاصاج انتظرو تشوفو الكروكي ، الغريبية ، القريوش باقلاصاج مانخلي والو ههههههه البارح رقدت من التعب بايتة ف المنام نقلاصي في البوراك خخخخخخخخخ :d:d:d:d:d

ماعنديش الرابط بصح هاو ليكم الوصفة بصح بالاكو ديروه فوق البراك ههههههههههههه:

كيلة زيت
كيلة ليمون
كيلة حليب
و سكر مسحوق
لكن كي تضيفي سكر مسحوق خصك تضيفي بزاف حتى يثقل
انا نثقله و نسيي حبة و نحطها و يليق القلاصاج ما يسيلش خصه يبقى في بلاصته باه يخرج زين
و لاكان سال القلاصاج من الحبة زيدي ثقليه بالسكر مسحوق حتى تولي تمشي فيه باصبعك فوق الحبة تاع الحلوى
و لما ينشف القلاصاج مسحي عليه الملمع لكن بقطنة جافة ديريها في الملمع و مسحي فوق القلاصاج


9- تطبيقي لبقلاوة بعجينة الفيلو لأم كوثر :
كبرت في دماغي وصدقت باللي راني شاف من الكبار ( أنا مالفة ندير البقلاوة من بكري بصح العجينة القديمة ) بصح عجينة الفيلو كنت نخاف منها وعمري ماجربتها درت الكوراج ورفعت التحدي وقلت هذا الصيف ماتبقى حتى حاجة نخاف منها ومانديرهاش خلاص كل العقد لازم يتحلو درتها بالكاوكاو كي عادت تجربة فقط بصراحة حقرتها واستخسرت فيها البريون ههههههههه كون ماتكونش باللوز مانستعرفش ههههههههه
كي طابت استغربت كيفاش ورقت العجين راهي تسهل العمل خلاص وداعا للتعب نتاع البقلاوة في 30د تخلصي واي واي واي ربي يخليك لينا أم كوثر موووووووووووووواح :


وهذا الرابط : https://www.djelfa.info/vb/showthread.php?t=898064

10- تطبيقي لشاميات بعجينة الفيلو لام كوثر :
هنا جاني التفلسيف نحسب في روحي مدام بوحامد بقاتلي شوية عجين وشوية حشو من البقلاوة وكانت ماما ماكانش في الدار :d قلت نستغل الفرصة ونتعلمهم عجبوني بزاف ، قطعتهم بالطابع املربع وحسبتو نفسو اللي قطعت بيه ام كوثر جاو صغار يقتلو بالضحك وتحلو خلاص مافهمتش وعلاه بصح جاو مورقين وفارغين وخفاف يهبلو :


رابط الوصفة : https://www.djelfa.info/vb/showthread.php?t=1003260

11- تطبيقي لكرام ديسار دانيت للأخت sarsoura28:
تحفة تحفة تحفة غير اجريو جربوها لذيذة كأنها الفلان نتاع العلب اللي يتباع في المحلات هايلة أسرتي اللتي لايعجبها العجب عجبتهم وماتو عليها :

وهذا الرابط : https://www.djelfa.info/vb/showthread.php?t=1326514

12- تطبيقي لمثلجات اقتصادية لilhemaya :
رووووووعة وزاكية بزاف شوفو قداش دارتلي 3 علب فلان :

هايلة وسهلة وصح اقتصادية شكرا جزيلا أختي على الوصفة رايحة نجربها بمختلف الأذواق

وهذا رابط الوصفة طبقوها وتبردو في رمضان : https://www.djelfa.info/vb/showthread.php?t=1305218

13- تطبيقي لمعجون المشمش لأم راضية :
حنا نرحيوه لاخاطر مايحبوش المعجون نستعملو في الحلويات ، يعطيك الصحة أم راضية فعلا ولا أسهل من هذا المعجون حبيت نزيد نجربو ونخليه حب ونحطو تطبيق ما طارتليش هههههههههههههه ربي يجازيك حبيبتي على الوصفة :

وهذا رابط الوصفة :
https://www.djelfa.info/vb/showthread.php?t=1315575

14- تطبيقي لبريك أم ماجد :
حنا مالفين نديروه بصح أنا حبيت نحطو تطبيق باش جربوه ( انا حطيت فيه شوة أرز زلحم مفروم ماعنديش الطون ) راهو لذيذ جدا ولأنني نحب أم ماجد قلت لازم يكون التطبيق نتاعها مسك الختام ويكفي أنو الوصفة من عند ام ماجد
جربوه استغلو الفرصة كي رانا في رمضان راهو هايل هايل :

وهذا الرابط : https://www.djelfa.info/vb/showthread.php?t=1216106


صح رمضانكم حبيباتي

يعطيك الصحة حبيبتي الهام كلش رائع ربي ينولك ما تتمني
ام راضية تحب المطالعة والسياسة وراني مقسمة وقتي في المنتدي بين الطبخ والسياسة
في رمضان ان شاء الله قررت اعتزال السياسة لتفادي المناوشات والعراك ههههههه الا لضروف طارئةههههههه

[BACHIRA2]

قريت العنوان قلت اه وين رايحة ؟؟؟؟؟؟ مي عطلة لشهر رمضان راكي مسامحة المهم ترجعي في العيد ان شاء الله
رمضان كريم و كل عام و انت بالف خير

[nafla]

يعطيك الصحة
يسلم

[سرور]

الله بارك علا بالي راكي رايحة وما ترجعيش وكل هدا تغيبي علينا في رمضان معليش راح نتوحش تطبيقاتك صح رمضانك

[أم ياسين الزهراء]

عطلة مريحة تهنيتي ربي يهنيك تعجبيني ديري التطبيق وتزيدي الملاحظات راح تدي دعوات الخير من كل صوب ربي يحفظك اتهلاي في روحك