غراتان البطاطا وقطع الدجاج بالبيشامال للاخت اميرة في دنيا حقيرة

[أم فاطمه]

بسم الله الرحمان الرحيم

السلام عليكم اخواتي


صح رمضانكم جبتلكم اليوم طبق عجبني بزاف وقلت نطبقه للاخت اميرة وهو غراتان البطاطا بقطع الدجاج والبيشامال


المقادير:

- حيات بطاطا مقطع دوائر
- قطع صدر دجاج مقطع قطع صغيرة
- زوج حبات طماطم مبشورين
- مغرفة طماطم مصبرة
- ثوم ، معدنوس، زنجبيل، فلفل اسود، ملح ـ زيت



طريقة تحضير لاصوص بيشامال

ناخذ زوج مغارف زبدة وزوج مغارف كبار فرينة في المقلاة ونحمرهم شوية ونزيد عليهم نص لتر حليب ونضيف الملح والفلفل الاسود ونحركهم تحريك مستمر ثم نضيف حبة ونص لافاشكيري مربعات

ملاحضة: هادي المقادير ليست هي كلها المقادير لي دارتها الاخت اميرة انا غيرت فيها شوية مثلا بعض التوابل و الفرماج هي دارت ستة مثلثات وانا درت مربع ونص ..

طريقة تحضير لاصوص الطماطم

ضعي زوج معالق زيت زيديلها طماطم مرحية ثم الطماطم المصبرة والثوم والمعدنوس والملح والفلفل الاسود ونتركها تطيب وبعدما نقلي قطع الدجاج نضيفوهم لهاذ لاصوص ونتركهم يتجمرو كما في الصورة






نقلي دوائر البطاطا وناخذ طبق الفرن نضع فيه طبقة رقيقة من لاصوص بيشامال ثم طبقة من البطاطا ثم نفرغو الدجاج الناضج في لاصوص نتاع الطماطم وفي الاخير نضيف طبقة اخرى من البيشامال وندخل الصينية الى الفرن على درجة حرارة 150 لمدة حوالي نص ساعة حتى ياخذ الطبق اللون الذهبي.









بما اننا في شهر رمضان خفت ان العائلة ما يعجبهمش الطبق لي فيه البيشامال فخدمت طبق اخر فيه طبقة من البطاطا ثم طبقة من الدجاج لي عملته بلاصوص ثم طبقة من البطاطا بدون ما نضيف البيشامال



الطبقين جاو يشهيو وماخلاو والو كلش اكلاوه بصحتهم

ونتمنى الطبق يعجبكم وتجربوه والشكر موصول للاخت اميرة الله يعطيها الصحة .

[جومانة فلة]

السلام عليكم
رمضان كريم اختي ام فطمة
جعله الله في ميزان حسناتك

[جومانة فلة]

عندك الحق البيشامل في رمضان يمكن البعض تجيه ثقيلة لكن في الافطار اكيد يكون روعة

[اسمهان79]

اممممممممم نموت على هاذ النوع من الاطباق روعةةةةةةةة تسلم إيدك وايدها
واحلى نقيييييم

[أم فاطمه]

السلام عليكم صح فطورك اختي جمانة شكرا على دخولك شرفتني وكل كلمة كتبتها لي في مزان حسناتك

[أم فاطمه]

السلام عليكم اهلا حبيبتي اسمهان تسلميلي و صح فطورك

[amer sg]

السلام عليكم

[أم فاطمه]

السلام عليكم ورحة الله وبركاته

[amel62]

تسلم ايديك يعطيك الف صحة و عافية

[Nina rita]

يعطيك صحة ربي يحفظك

[أم فاطمه]

السلام عليكم اخواتي امال وننا شكرا تحياتي

[جنة الفردوسْ]

باينة تشهييييييي تسلم الايادي

[Crochet]

ماشاء الله باينين يسخفو

شكرا لك