المفشش في حجر يماه وصفة عاصمية تقليدية

oum sabrin · 2015-07-01, 14:34

بسم الله الرحمن الرحيم
السلام عليكم و رحمة الله و بركاته
رمضانكم مبارك تصوموه بالصحة و الهنا ان شاء الله
أخواتي الكريمات فحلات منتدى الجلفة
اليوم حبيت نشارككم بوصفة جزائرية أو بالأحرى عاصمية تقليدية لذيذة جدا و كذلك غنية لانها تحتوي ثلاث مصادر للبروتينات هي الدجاج الحم و البيض و مناسبة جدا في شهر رمضان ممكن ترافقيها ببطاطا مقلية و سلاطة و تتحصلي على وجبة كاملة

نجوزو لمقادير الصلصة
صلصة بيضاء عادية بالدجاج
أطراف دجاج حسب أفراد العائلة
حبة بصلة
ملح فلفل أسود قرفة
حمص منقوع
الي حبت تضيف فص ثوم مرحي لا بأس بذلك
ملعقة ك زيت + ملعقة صغيرة زبدة
مقادير الكريات
حبات بيض مغليين حسب أفراد لعائلة انا درت 4 حبات
لحم مفروم انا استعملت 300غ تقريبا لهذا الكم من البيض
ملح فلفل اسود
بيض لجمع الحم
فرينة
معدنوس للتزيين

الطريقة
نحضر المرق
نضع الزيت و الزبدة في الطنيجرة و نضيف الدجاج +الملح نقلي قليلا ثم اضيف البصلة المفرومة الفلفل الأسود و القرفة نقلي شويا ثم نمرق بقليل من الماء نضيف الحمص و نخليها تطيب بعقلها

من جهة أخرى نحضر كرات اللحم المحشوة بالبيض
نأخذ اللحم المفروم نضيفلو الملح + الفلفل الأسود و نطمو بقليل من البيض ليصبح سهل التشكيل
نأخذ حبات البيض المغلية بعدما تكوني قشرتيهم تأخذي كمية من اللحم و تبسطيها على راحة يدك و تحطي البيضة في وسطها و تغلقي عليها غير بلعقل و تسويها باش تجي متحوفة مثل ما توضح الصورة

بعدما تنتهي من تشكيل الكرات ترمديهم في الفرينة و تقليهم في زيت ساخنة حتى يتحمرو و جففيها بالورق المجفف

عند التقديم ضعي اطراف الدجاج في الوسط و كرات اللحم دايرا بيها مع الحمص و اسقي بالمرق زينيه بالمعدنوس

و هذا عن قرب بعدما تقطعي الكرية امممممممممممممم

أنصح فقط بعدم ترك البيض يغلي لمدة طويلة لكي لا يفقد الصفار لونه الجميل و يجي شباب لما تقطعيه
اتمنى تطبقوه في هذا رمضان و ما راحش تندمو
أعتذر فقط لأني لم أضع كل صور المراحل لان ابني حذفهالي
لا تنسوني من صالح دعائكم
تقبلوا تحياتي

صدفات · 2015-07-01, 14:46

يعطيك الصحة خرجلك شباب و راكي فكرتيني به أحنا في الغرب نقولو له طاجين الرخام يجي بنين طاجين رمضان و لا نتاع ضياف .

أمل الاحلام · 2015-07-01, 15:15

يعطيك الصحة انا نحب الاطباق التقليدية و ان شاء الله نبرمجو ..

tong2 · 2015-07-01, 15:29

مممممممم يشهي
الله يعطيك الصحة حبيبة

منال100 · 2015-07-01, 15:58

راني جربتو اليوم في المساء نردلك بالخبر
فقط انا نحب الجبن كثيرا راني زدت للحم جبن مبشور ان شاء الله لا يؤثر على الوصفة

أم فاطيمة · 2015-07-01, 17:30

اممممممممممممممممممم ام صابرين يعطيك الصحة
روووووووووووووووووووووووووعة

sinner · 2015-07-01, 17:43

يعطيك الصحة ماشاءالله يشهي

أمنية غفران · 2015-07-01, 17:59

بارك الله فيك أختي و يعطيك الصحة
صحا فطورك

ام محمدْ ومريمْ · 2015-07-01, 21:52

اممممممممممممممممممممممممممممممممممممممممممممممممم ممممممممممممم

ام حمزة22 · 2015-07-01, 22:00

السلام عليكم
اهلين ام صبرين مرحبة بيك في قسم الاطباق الرئيسية هادي غيبة ما راكيش تباني يا مرت لوسي وقيلة صرعك رمضان
بصح واش نقلك يا لحبيبة لوكان تضربي طلة على موضوعي راح تلقاي نفس الطبق لي درتو اليوم سبحان الله
يا اما كبييتي عليا او كوبييت عليك ههههه انا برك ما درتوش باللحم المفروم درتو بالداندوما درتش المرق تعرفي ولادي بسلامتهم يحبو غير الحاجة الناشفة
المهم بصحتكم ويعطيك الصحة
تحياااااااتييييييييي

oum sabrin · 2015-07-01, 23:23

صح فطوركم

اقتباس:

المشاركة الأصلية كتبت بواسطة صدفات

يعطيك الصحة خرجلك شباب و راكي فكرتيني به أحنا في الغرب نقولو له طاجين الرخام يجي بنين طاجين رمضان و لا نتاع ضياف .

الله يسلمك اختي صاح يشبه طاجين الرخام و لكن الفرق انو طاجين الرخام يندار ناشف او اذا دارولو المرق يطيبوه في الفرن
سعدت بمرورك

اقتباس:

المشاركة الأصلية كتبت بواسطة أمل الاحلام

يعطيك الصحة انا نحب الاطباق التقليدية و ان شاء الله نبرمجو ..

الله يسلمك اختي في انتظار تطبيقك بالتوفيق

اقتباس:

المشاركة الأصلية كتبت بواسطة tong2

مممممممم يشهي
الله يعطيك الصحة حبيبة

الله يسلمك حبيبتي تانغ شكرا على المرور

اقتباس:

المشاركة الأصلية كتبت بواسطة منال100

راني جربتو اليوم في المساء نردلك بالخبر
فقط انا نحب الجبن كثيرا راني زدت للحم جبن مبشور ان شاء الله لا يؤثر على الوصفة

يعطيك الصحة حبوبتي منال اكيد راح يزيدلو بنة ان شاء الله ينجحلك و نشوف تطبيقك
بصحتكم

اقتباس:

المشاركة الأصلية كتبت بواسطة أم فاطيمة

اممممممممممممممممممم ام صابرين يعطيك الصحة
روووووووووووووووووووووووووعة

الله يسلمك حبيبتي ام فاطمة هذا من روعة ذوقك

اقتباس:

المشاركة الأصلية كتبت بواسطة sinner

يعطيك الصحة ماشاءالله يشهي

الله يسلمك اختي شكرا لك على المرور و التشجيع

اقتباس:

المشاركة الأصلية كتبت بواسطة أمنية غفران

بارك الله فيك أختي و يعطيك الصحة
صحا فطورك

و فيك بارك الرحمن
الله يسلمك و صح فطزرك انت كذلك

اقتباس:

المشاركة الأصلية كتبت بواسطة وداد ام محمد

اممممممممممممممممممممممممممممممممممممممممممممممممم ممممممممممممم

شهيتك في الجنة اختي وداد شكرا لك

اقتباس:

المشاركة الأصلية كتبت بواسطة ام حمزة22

السلام عليكم
اهلين ام صبرين مرحبة بيك في قسم الاطباق الرئيسية هادي غيبة ما راكيش تباني يا مرت لوسي وقيلة صرعك رمضان
بصح واش نقلك يا لحبيبة لوكان تضربي طلة على موضوعي راح تلقاي نفس الطبق لي درتو اليوم سبحان الله
يا اما كبييتي عليا او كوبييت عليك ههههه انا برك ما درتوش باللحم المفروم درتو بالداندوما درتش المرق تعرفي ولادي بسلامتهم يحبو غير الحاجة الناشفة
المهم بصحتكم ويعطيك الصحة
تحياااااااتييييييييي

و عليكم السلام ام حمزة
الله يسلمك ترحب بيك الجنة صح ما رانيش ندير مواضيع في هذا القسم بصح دايما ندور هنا من كوزينتي لكوزينة المنتدى علا بيها ما رانيش نبان
و اله ما رمضان لي صرعني الكوزينة لي هبلتني ههههههههههههه

على حساب الشوفة انت لي كوبييتي عليا انا درتو البارح و انت درتيه اليوم و لا القلوب راهي عند بعضاها

بصح هذا لي يجي ناشف هو طاجين الرخام الي تكلمت عليه الاخت صدفات من قبل
المهم بصحتكم ربي يحفظلك اولادك و زوجك شكرا على المرور

ام مؤمن · 2015-07-02, 15:17

هايل حنونة بصحتك حبيبتي احنا نسموه طاجين الرخام و انا مانحبش الحمص نديرو مرقة بيضة بالدجاج و كي نقليه ندير العضمات المغلفة بالكفتة في بيض مخفوق و نزيد نغمسهم في لاشابلير و نقليهم و ساعات نديرهم في ورق المنيوم و نفورهم في كسكاس على الماء
تقريبا نديرو مرتين الى 3 مرات في رمضان خفيف و بنين و يشهي

سلمت يداك حنونة

بنت ابوها~ · 2015-07-02, 15:32

شكرا على الوصفة مشكلتي انه اللحم يتحل و يبقى البيض وحدو مانعرف المشكل وين؟

sarah sirrata · 2015-07-02, 22:23

ام صابرين يعطيك الصحة
روووووووووووووووووووووووووعة

منار 96 · 2015-07-02, 22:52

يعطيك الصحا يهبل واسمو عجبني اكثر هههههههههههههه