السلام عليكم مشكلتي لا ادري ان تم ادراجها قمن بكتابتها منذ يومين
المشكلة تكمن في خالة زوجي اقل ما قاول عنها انها تحشر نفسها في اموري يعني انا مجبرة على تحمل حماة واحدة ليس اكثر
المشكلة عندها كيما نقولوا خلفيات من ايوم يوم شفتها فيه كرهتها وهو يوم الشوفة في اول لقاء كي دخلت نسلم عليهم حكمتني من يدي جبدتني بقوة وقعدتني قدامها وحقيقة وجعتني حتى يدها بقات معلمة على ذراعي
المهم معليش عقبتها من بعد الشوفة اللي تغير موعدها بسببها جا وقت الخطبة اللي ايضا السبب هو سفرها عند بنتها خارج البلاد معليش في الخطبة لسانها سليط وطريقةة كلامها مستفزة مع اسرتي
معليش فوتناها جا موعد العرس قالت لاختها غيروا الموعد والموعد حددوه الرجال هي واش دخلها ؟ قاتلهم ردوه في الربيع وانا عرسي كان في الشتا يعني في الربيع القادم نكون قفلت 4 سنين باش نتزوج يعني كاس العالم واقيلا والسبب سفراتها وتحواسها في الخارج المهم كان لي موقف ورفضت التاجيل لانه راهو شرط عليا ننتظر ظروفه تتحسن لانه جديد في العمل لم اتفق معه على سفرات خالته العزيزة
المهم معجبهاش الحال هي وعجوزتي ووراها تعرضت للمشاكل المختلفة الان راني في داري والحمد لله محبوش يخطيوني دركا هي جات وبنتها وراجل بنتها حابين يديروا مشروع محل حلويات ؟ بداوني يمعنيولي ومن بعد صرح راجلي قالي شاركيهم في المحل بحكم انا عندي خبرة وشهادة
قتله لا منشاركش منحبش الشراكة بقا يكثر عليا انفعلت وقتله لا منشاركش خالتك قالي علاش قتله خالتك قبيحة وهاد الشيء مش انا اللي قلته فقط حتى هو اعترف به المهم تشاجرنا وصلت الحكاية ليومين زعاف من بعد تحلت ونسينا كل شيء
للان امه مازالت ترن في وذنه حابين يخدموا باسمي قتله يا ولدي منخدمش معاهم يروحوا لغرفة الحرف يديروا تاست ويديروا باسم خالتك ياك هي كبيرة وتعرف الحليوات التقليدية المهم كل يوم يزن على ودنيا كرهلي معيشتي وبالرغم انه علاباله باللي فكرة الشراكة انا ضدها من قبل لاني رفضت نشارك اختي من دمي ولحمي لانه كي يكون شريك هو اصلا مشكلجي وتاع مشاكل ماكالاه تشرك معاه مرح تدي منه لا حق ولا باطل هذا ينطبق صراحة على خالته واختي
واش ندير شوروا عليا محبوش يخطيوني هاذي خالته كرهت من سيرتها
( تقرير عن مشاركة سيئة )، و الموجودة أسفل كل مشاركة .
2015-06-30, 13:10
شريكة
العرض العادي
