اقتباس:
المشاركة الأصلية كتبت بواسطة zahra13
السلام عليكم
الله يخليكم لي عندها خبرة في كيفية استقبال اصحاب العمرة في المطار وكدلك المؤكولات والحلويات وخاصة الطريقة الله يجازيكم العمرة والحجة ان شاء الله.افيدوني.
|
السلام عليكم اختي
اولا مبارك عليكم
حج مبرور وذنب مغفور ان شاء الله
حين جاء اخي من الحج ذهبنا الى المطار لاستقباله واستقبلناه بالزغاريد والدموع ايضا
وقمنا بكرتاج بالسيارات والخ
خدمنا القاطو وطبخنا العشاء عادي والناس الىي جاو في ذاك اليوم جاو يحمدو على رجوعه وقررنا وينا نهار نعشيو وتفاهمناوعرضنا الناس عشينا الرجال ومبعد النساء والسهرة كان لاتاي والمكسرات وبعض الحلويات ويقوم المعتمر بصب ماء زمزم اذا جاب معاه في كاس صغير لاصحابه والعائلة
ونوصيك عزيزتي انو دنهار فيه العشاء او القهوة سواء كان للرجال او النساء
مثلا اذا الكان المعتمر رجل ديرو نهار فيه صحابو وجماعتو باه ما يتخلطش عليكم كل شيئ وتتعبو كل شيئ بتنظيم احسن
وايضا اذا جاب معاه هدايا ما تفتحوهاش في نفس اليوم خلويه يرتاح وبعد ديرو لكل واحد هديتو وكي جويكم اهدوهالهم
ونوصيك اختي انو ما ديروش الغناء والموسيقى في السهرة لانه جاء من بيت الله حتى وطلبو منك ذالك فهميهم بالتي هي احسن لانو صرا معايا هذا الشئ كاين ناس يحبو يزهيو رواحم على حساب الغير
ان شاء الله نكون افدتك حتى بالقليل
ربي يكون معاكم ويفرحكم وفرحنا نحن كذالك بالزيارة للبيت العتيق ان شاء الله
( تقرير عن مشاركة سيئة )، و الموجودة أسفل كل مشاركة .
2014-04-01, 00:48
العرض العادي
