مسابقة ملازمي الشرطة هل من جديد

[bboyphysicx]

السلام عليكم اخوتي
راني حاب نسقسيكم اذا بداو يعيطو الاتصال الاخير في حيدرة ولا مزال ؟. انا جوزت الفحص الطبي والبسيكو في سيدي بالعباس يوم 9 و 10 سبتمبر ,,يلي عندو اي معلومة يفيدنا وجزاكم الله خيرا

[mryounes04]

السلام يا أخي

على ما أظن أنهم بدأو الإتصال بناجحين لإجتياز إمتحان الأخير في حيدرة, حاول الإقتراب من أقرب مركز شرطة و إستفسر يا أخي , و بالتوفيق إن شاء الله

بالنسبة لي حتى الإتصال الثاني لم يتصلوا بي الخاص الفحص الطبي و البسيكو ,,,, من أي ولاية أنت يا أخي ؟ ؟

[Ba3touchDz]

لي راك تحكي عليهم فوتو في 9 10 11 سبتمبر في بلعباس هوما الجماعة لي راح يدوهم لشرشال و يدخلو بكري هاذو , اما الناس لي بقات مزال ما عيطولهم و رح يكونو في شكل 3 دفعات كل مرة يعيطو لوحدين على حساب الترتيب بالاسم يعني بلالفابي خخ

[SALAS 34]

نعم بداو يعطوا لامتحان الشفهي لحيدرة لكن كيف يكون هذا الامتحان وهل لكل تخصص وأسئلته (أما تخصص الكترونيك )وشكرا

[Ba3touchDz]

الأسئلة تكون حسب التخصص تاعك يسقسيك وين قريت و واش قريت و يقولك عطيني نبذة على التخصص تاعك و اذا كان هو قاري نفس التخصص ولا عندو عليه معلومات راه يسألك شحال من سؤال و اذا كان ما عندوش ولا فكرة على الالكترونيك يبدا يسقسي فيك أسئلة تع ثقافة عامة و معلومات على جغرفيا و عواصم دول و ... و دير في بالك اخي ماشي لازك أجوبتك يكونو صح المهم ما تكونش مرتبك و مقلق و احكي عادي و روح لابس لباس محترم يعني شوميز و كلاسيك ماشي لاكوست , و زيد شوف فيوتيوب نصائح على كيفاش تجوز مقابلة عمل راه كاين بزاف ناس يفهموك و ربي يوفقك اخي

[joejoe199307]

المشاركة الأصلية كتبت بواسطة ba3touchdz

لي راك تحكي عليهم فوتو في 9 10 11 سبتمبر في بلعباس هوما الجماعة لي راح يدوهم لشرشال و يدخلو بكري هاذو , اما الناس لي بقات مزال ما عيطولهم و رح يكونو في شكل 3 دفعات كل مرة يعيطو لوحدين على حساب الترتيب بالاسم يعني بلالفابي خخ

شحال مدة الانتظار بعد المقابلة الشفهية هذه المرة اذا وفق الله

[4student]

merci beaucoup