اللحم المفور بالياؤورت الطبيعي في اكياس الشواء

[ام ساجد]

البسملة1



عيدكم مبارك وكل عام وانتم بالف خير

المفور من الاطباق لي نحضرو ها في عيد الاضحى وهاد المرة حبيت نغير في الطريقة
وبما انو الالمنيوم قالو مضر بالصحة فكرت اني نستعمل اكياس الشواء واضفت في الخلطة
الياؤورت الطبيعي نتمنى تعجبكم الوصفة ، واهم حاجة في المفور انك تعطيه وقت كافي
باش يطيب ويكو ن طري




اللحم المفور
طماطم علب وراس الحانوت وزعتر واكليل وزنحبيل وكركم وفلفل عكري وهريسة وكمون وثوم بودرة وسنات ثوم مقسومين على اثنين وملح وعصير ليمون وعلبة ياؤورت طبيعي نخلطهم جيدا ونضيف قطع اللحم ونمسحها بالخلطة جيدا ثم نحط اللحم في كيس شواء ونحطها في كسكاس وندخلها لثلاجة ليلة كاملة وفي الصباح نثقبها 3او4ثقبات ونحطها تفور 5ساعات اقل او اكثر حسب حجم اللحم ويقدم مع بطاطا مقلية او لابيري او ارز مع الصوص لي راح نتحصل عليه في الكيس ولتحمير اكثر ممكن بعد يتفور ويطيب نزيد
ندخلو اللحم بالكيس للفرن نصف ساعة

[**وحدها غريبة **]

عيدك مبارك سعيد ام ساجد
الطبق يشهيييي جزاكي الله خيرا
نجرب باذن الله

[زهرة الريف*]

روووووعة أم ساجد اطباقك كلها ثقة بارك الله فيك

[حياتي كلها امل]

يعطيك الصحة ام ساجد جاك هاايل ووصفاتك داءما روعة

[om mouez]

الله يعطيك الصحة اختي ام ساجد فكرة رائعة احسن من الالمنيوم نجربها باذن الله

[طيور الجنان]

خرج هااايل يعطيك الصخة اختي ربي يجازيك

[أ م ساجد وسيم]

يعطيك الصحة باين بنين وعجبتني عفسة اليايورت كيما العادة وصفاتك روووووعة بارك الله فيك

[الجمان]

يعطيك الصحة خرجلك هايل

[ام ساجد]

بارك الله فيكم اخواتي وجزاكم كل الخير
على مروركم الطيب الكريم

تسلمو

[ام هدول]

امممممممممممممممممم رووووعة ......اكيد نجربها ...يعطيك الصحة

[أم ياسين الزهراء]

الفكرة كانت في بالي لاني نكره الالمنيوم وانا نعوض اليايورت بالرايب بارك الله فيك روعة سخفتيني بادن الله نجربها

[رنيم مهدي]

روعة باين يشهي يعطيك الصحة

[fati13]

روووووووووووووووووعة يعطيك الصحة

[ام هاديل وياسين]

يعطيك يبان يشهي جاري التجريب

[kahina maam]

يعطيك الصحة خرجلك هايل