|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
شهيوااااتي بالسلللق,, تفضلي جربي واستممممتعِي
 |
|
|
أدوات الموضوع | انواع عرض الموضوع |
2016-01-10, 13:38
|
رقم المشاركة : 1 | ||||
|
شهيوااااتي بالسلللق,, تفضلي جربي واستممممتعِي
 سلام الله عليكم احبتي في الله لمحبات السللللق ’’ جيتكم بشهيوات كنت نعملهم دائما في موسم السللق نعلم جميعا فائدة السلق او السبانخ ولكن يوجد الكثير ممن لا يُحبذُ ذوقه طبعا مثل زوجي  ومع حيل بسيطة وتكليحة يعودوا ياكلوه بل يستمتعوا بيه هههههههههههههههاسمحولي مسبقا لان الموضوع طويل نوعا ما لكن فضلت جمعه في موضوع واحد ليسهل عليكن التصفففح  بدون اطالة نبدأ على بركته تعالى الاولى فطائر بالسلق  العجين : كاس فرينة م ص خميرة خبز 2 م كبار زيت عادي بيضة حبة صغيرة بطاطا مشرشمة (مغلية في ماء وملح) ومن بعد هرسيها بالفرشيطة ملح ماء دافي  خلطي كلش معا بعض واعجني بالماء الدافي حتى تتحصلي على عجينة ما تكونش طرية وما تكونش ياااابسة بزاف المهم تكون حاكمة روحها كيما نقولوا   غطيها وخليها ترتاح بجيهة راها تاخذ وقت شوي طويل على العجينة العادية لانو فيها البطاطا ملاحظة فقط : ماتقولوش كيفاه العجين فيه البطاطا راكم تتحصلوا في الاخير على عجين طري ومقرمش في نفس الوقت رووووووعه روووعه  نروحو للحشو : اغسلي السلق وقطعيه وحطيه في مقلة مع شوي زبدة او زيت والفكرة هنا انك تكثثثثثثثثري الثوم  وتقللي على نار هااااادية وتضيفي الفطر  قلبي مليح وضيفي الفلفل الاسود والملح  بعد ما كلشي يذذذبل مممليح ضيفي قطع من الفروماج وخليها بجيه  تخدمي شكشوكة عاااادي كيما اللي تديريها   ومن بعد تضيفيلها الدبشة او لحشيش بعد ما تطفي اي الدبشة تكون فراش كيما نقولوا صدقوني هنا تزيد بنننننة للطعم احسن من انها تطيب طبعا خلطي الخليطين معا بعض وزيدي الماييس او الذرى يزيد عالبنة بنتيـــــــــــــــــــن   نأتي للتطبيق : حلي لعجين دوائر فوق سطح مرشوش بالفرينة وادهني الحاشية بصفار البيض وحطي في الوسط شوية من الحو وقطعة من الفروماج    واغلقي كيما في الصورة واضغطي ممممليح باش ما يتحلوش من بعد في الفرررن  ستفيهم في بلاطو فرن مدهون بالزيت  تقدري تغيري في الشكل عادي انتي وابداعاااتك   ثم للفرررررررررررن ومن بعد استمتعوا باشهى فطاير بالسللللللللللق يممممي   هنا قدمتها مع سوووووب الشوفلووور تششهههههههههههي  جربوا واحكموووووا  وهاذا الشكل الاخر   هنا فضلت الشكل القديم درت نفس حشوة السلق بالشكشوكة وزدت الخضر اي قطعت البطاطا والجريوات والزرودية مربعات صصغاااااار وقليتهم خلطتهم مع السللللق والفروماج وحشيتهم يجيوا واقفين حاكمين رواحهم والمنظر يشهههههي الصور تبين    محنشاااات بالسلق قطعي المرقاز الى قطع حطيه في مقلة مع القلللييييل من الزيت يتقللى  ثم لوحي عليه السلق والثوم والقليل من البصل وخلي كلللللشي يتقللي   بعد ما يذبلوا مليح نحيهم من على النار ووجدي باقي الخلطة اللي هيا بطاطا مهروسة مع الهريسة والفرماج والسلق اللي وجدتيه والقليل من البيساميل  جيبي زوج اوراق ديول او ديري بالطريقة اللي معتمدتيها في المحنشات وتاني اذا بغيتيهم ميني او كبار    تروليهم بعنااااية وتتحصلي على محنشة كبيرة  اقليهم وقدميهم  عن قرب  بنيـــــــــــــــــــــــــــــــــــــــــــــــ ـــــنــ ــــــــــــــــــــــة غراتان الشيفلور بالسلق : انا نسميه قراتان حيلة وتكليحة ههههههه لانو معظم الاشخاص ما يحبوش السلق والشوفلور وبهاذ الطريقة يعجبهم باذن الله تغلي الشيفلور  تطيبي صدر دجاج في مرق عادي ومن بعد راح نستعملوا هاد المرق تطيبي السلق كيما في الوصفات اللي لفوق مع الثوووووووم وتزيديلو فررماج دبشة موطارد فلفل اسود , عكري ,’ شويية كركم وشوييييية كررروية  من بعد تخلطيه مع الشيفلور وتهرسي بالفرشيطة مع اضافة الشابلير والقليل من الفرينة حتان توليلك عجينة مليحة تقدري تكوريها  تشكلي كويرات وتبطيهم شوي وتغمسيهم في البيض ولاشابلير وتقليهم    تخدمي صوص بيشاميللووووو  وجدي البطاطا قطعيها مربعات واقليها وزيدي الزرودية او الجزر وفتتي الدجاج الي طيبتيه في مول الفرن مدهون بالزبدة حطي طبقة البطاطا المقلية  ثم الجزر  ثم الدجاج مفتت  ثم اسقي بمقدار غراف القدر من مرق الدجاج وهاذا سر بنة القراتان  ثم ستفي كرات الشيفلور والشلق  واسكبي عليها البيشامييييييييييل   هنا بعد ما خرجت من الفررررررررررن انا ما كانش عندي الجبن الروج اذا كان عندك ذري فوقها ورديه للفرن يذوب فقط مممممممممممم  وقدمي واستممممتعي بالقراتان البريستيييييج    علابالي تعبتوا اصبروا نزيدلكم شوي برررررك ههههههههه غراتان الباذنجان والسللللق : هاذا سههههل وسريييع واقتصادي تقلي دوائر البطاطا وتزيدي شرائح الباذنجان  واطبخي السلق كالعادة تحبي تضيفيلو الفطر احسن واحسن ووجدي البيشاميييل  ثم في مول الفرن ضعي طبقة البطاطا ثم السلللق  ثم شرائح الباذنجان  اذا عندق مرق للحم او الدجاج ضيفيه وفرغي عليهم البيشاميل    نزيدلكم سفيرية السللللق وخلاااااص هههههههه سفيرية السلق طبعا معروووووفة لكن ماعليهش نحطها تفيد المبتدئين في الطبخ تقدري تقدميها معا صوص بيضاء او تكتفي بها كمقبلة تطبخي السلق بالطريقة اللي معتمدتيها عاااادي  نفضل فقط تكثثثثثثري الثوم كي يبدأ يذبل زيدي الزعيترة فلفل اسود وملحي كي يطيب حطيه في صحن وزيديلو بطاطا مغلية ومهروسة موطارد وهريسة دبشة مقططططعة ومورصو فروماج وشوووووووي كروية من المستحسن تديريها على السلق قبل ما تطفي النار خلطي كلشي ما ننصحكش بصفار البيض لانو هكا راها تجيك جارية شوي اذا بغيتي تزيديه اذا ضيفي للخليط شوي فرينة وخبز مرحي   من جهة اخرى طيبي اللحم المفروم نتاعك تبليه واطبخيه ومنبعد خلطيه معا الخليط الاول   شكلي صبيعات او الشكل المفضل عندك او ممكن شكل التمرة اغمسي في الفرينة ,, البيض ثم لاشابلير واقليها وبالصحة والعافية   ايا واش قلتو فيها يا لفحلااات تمدولي تقييم مليح ولا والووو ؟؟؟ كثروا كثثثروا التقييمات  ههههههههههنتمنى الموضوع عجبكم وحتى الاطباق كذلك  ماتنساونيش بالدعاء الطيب ولكن بالمثل احبابي في الله
|
||||
|
|
2016-01-10, 14:05
|
رقم المشاركة : 2 | |||
|
روووووووووووووووووووووووووعة يارك الله فيك |
|||
|
|
|
2016-01-10, 14:42
|
رقم المشاركة : 4 | |||
|
يعطيك الصحة على الاطباق و على الجهد المبذوووووووووووووووول |
|||
|
|
|
2016-01-10, 15:51
|
رقم المشاركة : 10 | |||
|
شكرا اختي على الوصفة مشكووووووووووووووووووورة اختي في الله وربي يجازيككل خير |
|||
|
|
|
2016-01-10, 16:00
|
رقم المشاركة : 11 | |||
|
ماشاء الله عليك ،روووعة وافكار بسيطة لككككن تححححفة |
|||
|
|
|
2016-01-10, 16:13
|
رقم المشاركة : 12 | |||
|
ما شاء االله عليك اختي افكار روعة و مشهية امممم ربي يحفظلك دوك اليدين تستاهلي مني احلى تقيييم |
|||
|
|
|
2016-01-10, 16:31
|
رقم المشاركة : 13 | |||
|
الله الله يعطيك الصحة كل شيء يشهي روعة |
|||
|
|
|
2016-01-11, 16:39
|
رقم المشاركة : 15 | |||
|
روعة بارك الله فيك |
|||
|
|
|
| الكلمات الدلالية (Tags) |
| تفضلي جربي, شهيوااااتي بالسلللق, وااااستمممتعــــي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
