وقتاش نبدى نقعد وليدي?

[oprah]

السلام عليكم
وقتاش نبدى نقعد وليدي? و كيفاش?

[kikimnarim2]

ست شهور يتباع siege لوضع الطفل في السيارة راح يعاونك بزاف او دوري بيه المخاد حتى يبدا يحكم روحو برك احرصي باش يكون الغمود الفقري انتاعو مستقيم باش ما تتقوسش ظهرو وربي يسهل

[hayam1988]

ست شهور وحتى في الخامس يبدى يقعد كيما قالت الاخت ديريلو المخاد ولا يتباع كرسي الجلوس و متكثريش الجلوس ياسر برك

[*أم جابر*]

السلام عليكم يا اختي 5اشهر هو السن المناسب للذكور ناس زمان يقولو في الخامس يركب فارس ربي يحفظهولك و يجعله من الصالحين

[ام نهوله]

انا بنتي راهي في 7شهور و مازال ماتشدش القعده راني ندور عليها الكوفيرطات بصح تم تم ترمي روحها للوراء يعني ما تحبش

[loji]

كل طفل وكيفاه متقيسيش على الاطفال الاخرين بصح مرة على مرة جربي حوطيلوا وشوفيه

[ام مريم الجزائرية]

الرابع تولي تولفيه دوري عليه المخاد وخليه شوية وكسليه حتى يوالف العمود الفقري تاعه ومبعد تولي تحطيه في الكرسي

[البوسعادية]

اهلا اختي
شوفي كل واحد وكيفاش..انا وحده حبيبتي بنتها والله 4 شهور الله يبارك بدات تقعد بلا متحطلها مخاد ولا حاجه ...موصلتش للخامس حتى صايي ولات تشد القعده وحدها....
اما وليدي كنت من الشهر الرابع ولا اقل شوي كنديه لطبيبتو تقلي جربيلو قعديه مره على مره ....ونحوطلو بالمخاد ومشدليش القعده مليح حتى وصل 8 اشهر باش ولا يقعد ويركز روحو بلا ميطيح.....
موفقه اختي

[*سيرين نور عيني *]

السلام عليكم ورحمة الله وبركاته
انا بنتي عندها ست شهور بدات تقعد شوية بصح تكره و ترمي روحها نلقاها راقدة ولا علي كرشها

[oprah]

صحيتو حبيباتي
أنا راهو عندو اربع شهور و خفت لوكان نبدالو من دوكا كاش مايصرا للعمود الفقري تاعو على هادا حبيت نستفاد من تجاربكن
شكرا حبيباتي
تحياتي الخالصة

[*سيرين نور عيني *]

بلا مزية حنونة ربي يشدهولك

[أم مبين]

من خمسة شهور ابداي تعودية بصح غير شوية برك ومن الشهر السادس حطيلو المخايد ولا تاني السياج تاعالسيارة

[oprah]

شكرا خياتي

[ام اسيل امتنان]

السلام عليكم
انا عجوزتي تقول البنوتة نبداو نقعدوها في 4 اشهر و الولد في 5 اشهر وتبداي تقعديه بوقت محدد كل يوم مثلا اليوم 2 د ثم 5د ثم..........بين رجليك حتى مرور 15 يوم تحطيه في مكان معين او تحوطيلو المخاد ,ثم بعد ايام تحطيه في بلاصة بحجمه, مثلا انا استعملت كارطون و ملاته بالبطانية يعني زورة و قعديه حتى يحكم لقعاد.او في الاسواق يباع كرسي خاص بالجلوس للاطفال او لا بوسات اذا كانت عندك .انت الام فكري و جدي الحل المناسب الذي يريح الولد.
اتمنى انني قد افدتك و سلااااااااااااااااااااااااااام

[oprah]

مشكورة جدا أختي الغالية