** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله * - الصفحة 4

بسمة فرح07 · 2013-02-11, 15:14

شكرا اختي وجزاك الله خيرالجزاء

ghagha · 2013-02-11, 23:19

برك الله فيك فكرة رائعة ربى يوفقك

terrou · 2013-02-12, 00:43

Meeerciiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiii

nina.16 · 2013-02-12, 08:52

chkraaaaaaaaannnnnn ya mobdi3a

ام رويدة · 2013-02-12, 12:51

شكرا اختي فايزة على اهتمامك الكبير....لكن انا عندي مشكل في مواضيعك وهو ان اللغة تخرج باليابانية او لغة اخرى لا اعرفها لا ادري ما هو السبب اذا ممكن تفيديني انت او الاخوات واكون لكن شاكرة جدا...

fouzia alger · 2013-02-12, 16:01

فكرة جميلة و الوصفات المختارة أجمل
شكرا لك♥

faizarbh · 2013-02-12, 18:07

اقتباس:

المشاركة الأصلية كتبت بواسطة ام رويدة

شكرا اختي فايزة على اهتمامك الكبير....لكن انا عندي مشكل في مواضيعك وهو ان اللغة تخرج باليابانية او لغة اخرى لا اعرفها لا ادري ما هو السبب اذا ممكن تفيديني انت او الاخوات واكون لكن شاكرة جدا...

و الله ما عرفت يا اختي سقسي المشرفات بالاك يعرفو

شلال فرح · 2013-02-12, 23:17

اقتباس:

المشاركة الأصلية كتبت بواسطة ام رويدة

شكرا اختي فايزة على اهتمامك الكبير....لكن انا عندي مشكل في مواضيعك وهو ان اللغة تخرج باليابانية او لغة اخرى لا اعرفها لا ادري ما هو السبب اذا ممكن تفيديني انت او الاخوات واكون لكن شاكرة جدا...

انا ايضا نلقى نفس المشكل

احيانا بسبب الخط و احيانا لانها تكتب بخط مائل

اضغطي على تعديل ثم سيليكسيوني موضوع فايزة و غيري الخط هكذا تقدري تشوفيه كامل انا هكذا نعمل مع مواضيعها و الواضيع لي يخرجولي بالجابونية على قولك يكونو مكوديين

faizarbh · 2013-02-13, 11:38

اقتباس:

المشاركة الأصلية كتبت بواسطة شلال فرح

انا ايضا نلقى نفس المشكل

احيانا بسبب الخط و احيانا لانها تكتب بخط مائل

اضغطي على تعديل ثم سيليكسيوني موضوع فايزة و غيري الخط هكذا تقدري تشوفيه كامل انا هكذا نعمل مع مواضيعها و الواضيع لي يخرجولي بالجابونية على قولك يكونو مكوديين

مزية نبهتيني اختي ما نزيدش نكتب بالمائل شكرا

YAKMISSOU · 2013-02-13, 13:47

شكرا لك فايزة عندي سؤال هل جربتي البسكوي رولي نتاع هدا الشيف

faizarbh · 2013-02-13, 14:49

اقتباس:

المشاركة الأصلية كتبت بواسطة yakmissou

شكرا لك فايزة عندي سؤال هل جربتي البسكوي رولي نتاع هدا الشيف

ما زال من نجربو حنونة قريب ان شاء الله

hony · 2013-02-13, 17:44

salem faiza al youm dar al chef une tourte au légume w dar biscuit roulé poid cassé gateau au fromage tarte au chocolat et gateau au moule silikone

faizarbh · 2013-02-13, 19:01

اقتباس:

المشاركة الأصلية كتبت بواسطة hony

salem faiza al youm dar al chef une tourte au légume w dar biscuit roulé poid cassé gateau au fromage tarte au chocolat et gateau au moule silikone

ايه حبيبتي راني كتبتهم و دوك نحطهم هنا

faizarbh · 2013-02-13, 19:07

وصفات يوم الاربعاء 12/02/2013

طورطة بالخضر:
للعجينة نحتاج 400غ فرينة ، 2 ملاعق أكل زبدة بوماد،مغرف صغيرة ملح،3 ملاعق أكل عصير ليمو و 6 ورق نعناع طازج مقطع رقييييييق، نلمها بالماء بارد و نخليها ترتاح 30د.
للحشو نحتاج : 200غ لحم داند مطحون،نص كاس جلبانة مفور ،نص كاس لوبيا خضرا مفورة و مقطعة ، 2 حبا قرنون مقطع و مفور، 2 حبات جزر مقطع و مفور+ 2 بصل مقطع + 2 ملاعق زيت+2 ملاعق اكل سميد متوسط + 4 بيض + باكي خمارة كيميائية+ملح و فلفل .
العجينة نحلها 2 مم و نقسمها على اثنين الفراش و الغطاء و ندهن السنيوة بالزبدة و نضع العجينة و نطيبها نص طياب و الغطاء نتركه اخضر .
تحضير الحشو:3ملاعق زيت + حبة بصل و نقلي 10د ثم ندير الملح و الفلفل+داند مطحون و نقلي 5د + كل الخضر + و نتركها تتجمر على نار خفيفة 10د .
نفرغ الحشو على العجينة الناضجة ثم نضرب البيض + المارة + السميد ثم نفرغه على الخضر ثم نغطي بالعجينة الباقية و ندخلها جيدا من الجوانب و نخطط من فوق بالسكين للتزيي و نعمل خطوط متشابكة و ندهن بصفار البيض + الموتارد و نرش بالجلجلا و الى الفرن مدة 25د على نار متوسطة.

جلبانة مطحونة (بواكاسي):

رطل بواكاسي+بصلة مربعات + 2جزر مقطعين على الطول + حبة بطاطا على الطول+ كروية و ملح و فلفل عكري و فلفل اسود + ملعقة اكل زبدة +باقة كرافس و نمرق بالماء البارد على نار متوسطة حتى تنضج ثم نطحنو الكل و يقدم .

قاطو ناشف /حلوة بالجبن/:

50غ زبدة بوماد+ 4 قطع جبن + كيلو فرينة و ننقص كاس + صفار بيضة و للتزيين عسل عاقد و بارد+ مكسرات مدششة.
ندير المرغرين و الجبن و الصفار على شكل كريمة ثم ندير الفرينة تدريجيا+لافاني او قشور ليمون و العجينة اجي طرية .
نرش المايزينة و نحل العجينة 3 ملم و نقطع بالطابع الدائري اللي يجي مبرج اجي 40 حبة و نطيبها 15د و كي تبرد نلصق 2 حبات بالعسل و ندير شوية عسل من فوق و نرش المكسرات .

طورطة بالشوكولا:

4 حبات بيض مضرب+ملعقة صغيرة قشور برتقال و نضرب + ملعقة صغيرة فانيلا + 125غ زبدة بوماد و نضرب + 3لاعق اكل حليب بارد+3ملاعق اكل بودرة شوكولا و نضرب + 2ملاعق اكل فرينة + 2 باكي خمارة حلوة و نواصل ب 2 و نص كؤوس فرينة و نطيبها في مول دائري و كي نخرجها من الفرن و نقلبها في قماش مبلل بالماء البارد و نغطيها و نضعها في صحن مسطح و نقسمها على اثنين .
الحشو : باطة شوكولا نذوبها و نزيدلها الزبدة .

قاطو في مول السيليكون:
250غ زبدة بوماد نضربها + 2 صفار بيض و نضرب + بيضة + قرصة ملح و نضرب و مغرف صغيرة فانيلا + كاس مايزينة تدريجيا حتى تنشف و نضيف الفرينة حسب الطلب و اجي عجينة طرية جدا و نكورها بولات و نثقبها و ندير داخل البولات الشوكولا اللي اجي كرات و نغلق و نكور و نضعها في مول السيليكون و نضغط تبقى مسطحة و نقدر نرمدها فالمايزينة و نضعها فالمول و اطيب 15د ثم نقلب السيليكون و ضغط فالوسط .

بسكوي غولي بالشوكولا :
4 بيض + 180غ سكر رطب+180غ فرية+ملعقة صغيرة فاي+2ملاعق اكل كاكاو اسود قاتم.
نضرب البيض بالباتور + سكر و نضرب و الباتور كي نخلط بيه مش بشكل دائري بل نطلع و نهبط + الفرينة تدريجيا + فاني و في الاخير الكاكاو ثم ندهن السنيوة بالزبدة و كي تنشف نفرغ الخليط و نطيبها 20د الى 30 د
و الحشو اختياري

hony · 2013-02-13, 20:58

salut faiza makanetch al ketiba maban walo