مسائل الزوااج و ناس المنتدى

[بروكن انجل]

حابة نعرف علاه
كي يصلي خلاص
و علاه الغني ما يصليش

اي وحدة تحب حياة مرتاحة
وحدة ما تحب لفقر و راجل مكسر ليدين المهم يصلي
وين هاذي
وش من عرف
يعني اذا طلببت ابسط الحقوق و شروط الزواج هي منزل و سيارة مش لازم و خدمة قد قد
هكذا تصبح مادية

اهدرو لواقع شوي يزونا بلا مثاليات

و الا وحدة قارية فاهمة تدي واحد قل منها تصرف عليه
عالاول يديها الزف المهم تتزوج

ابقاي في دار والديك معززة مكرمة و الا واحد تعيش معاه لاسوفرونس
و مشاكل و طلاق
و الاولاد

و علاه لازم يكون هو و الزيرو ما عندو والو و يحب يتزوجح
يا ما واش الثقة هاذي بالنفس

وش من وجه تروح تخطب بيه

اه حقا المهم يصلي


الصلاة فرضضضضضضضضضضضضضضضضضض يعني بلا مزية
و الا ما يصليش قادرة هي تردو يصلي و يهديه ربي

مثلا واحد مرفه بصح ما يصليش
و واحد ما عندو والو و يصلي

تخير الاول و تروح للثاني

استغفر الله يا ربي


ثاني كاينين اللي يقولو نديها ماكثة فالبيت و الا تخدم و نحبسها

خير نشاللله
امالا من الاساس علاه دخلت تقرا علاه ضيعت عمرها
كي تجيب طفلة احبسها خرجها جاهلة

و الا راح تكون نتا تخاف عليها كثر من باباها و خوها
فدار واليدها تخدم تجي عندك لالا تولي تضيع

واش التخلف هاذا
نقرا ساعات مواضيع نتشوكا

و مازالو في عقلية اديها 18 سنة
و 25 سنة لالا
علاه؟
علاه؟
في مجتمعات اخرين 18 سنة راهي طفلةةةةةةةةةةةةةةةةةةةة يا عباد ربي
صغيرة يعني وحدة 18 سنة تهز مسؤولية ؟ ترببي ولاد ؟ راجل و دار؟
ما تقولوش العقلية
و الا نديها قط مغمض نربيها كيما نحب

لالا و كاين نسا يقبلو



هكذااا وين راح نوصلو

اذا نتوما جيل تاع ثمانينات و التسعينات تخممو هاك
كيفاه راح تخرجو ولادكم

[amira39]

ربي يهدي اختي هذا واش نقلك هذي عادات رسخت في المجتمع تاعنا ثاني نقلك حاجة الفقير ثاني ربي يرزقو متدري على الدنيا والغني قادر يولي فقير في ليلة يعني تقعد غير الاخلاق والدين

[مراد الأمل]

السلام عليكم
و الله ما فهمت بالضبط واش حابة تقولي؟؟؟

[zineb_saib]

اييييييييه مزال الخير اختي ربي يهدينا ويصلحنا

[jihanne]

السلام عليكم

ختي انا نوافق فنقط و نخالف فوحدين خرين
.


كاينني رجال كي يتقدمو لوحدة خدامة للزواج
يحبو نساهم ما يخدموش نورمال حقو حتى هو يشرط اذا شايف روحو راح يوفرلها كلشي و في عقليتو لمرا ما تخدمش
هنا هيا و رايها تحب تخدم ما تقبلش بيه
تحب ما تخدمش تقبل بيه
و الشهادة تعها ما راحش تضيع يبقى مستواها محفوظ كيما نقولو و تنفع بيها ولادها
.
.
الزواج هو تعاون
معليش لمرا تخدم و الراجل يخدم و يتعاونو ياخي ليهم و لولادهم مش عيب و الا حرام
كي تكنزهم مش راح تديهم معاها
.
.
ممم فالنقطة تاع وحدة قارية تدي واحد مش قاري
راني معاك
لازم يكون توافق
باش ما توليش مبعد معايرة و تحشم بيه و الا تشوف روحها كثر عليه
عادي تكون مرا قل من الراجل بصح العكس تجي شوي

يعني قارية ادي قاري
ماكش قاري..
.
.
.
واحد ماريكاني سقسا جزايري وش هي احلامك
قالو بيت و سيارة و عمل
قالو لماريكاني سالتك ما هي احلامك و ليس حقوقك

.
.
و معاك
في فكرة انو الشاب ما يتقدمش للزواج حتى يشوف روح كون نفسو جاهز مستعد يقدم لبنت الناس اللي راس يبني معاها عايلة حياة كريمة
.
.
مممممممم انا تعبت هدو هدرات مخلطين
و افكاري مش منظمة الشي اللي لقيتو في فمي هدرتو
...................
.
.
.
ودي

[kamilia85]

3andek klhak f bezaf hwayej
khassatan hkayet lmitaliya zayda 3and ba3d l aa3daa
f rayi li 3andou ray mn lwake3 yahkih lkedb w tfalssif zayed makalh

[بومدين الموصطاش]

أظن أنك تمتلكين نظرة طبقية و اشمئزاز للزوالية و الناس اللي ما عندهمش
يقال الرجل مادام بذراعه ما يمدش يده.
أين المشكل لو أن انسان فقير تقدم لخطبة وحدة خدامة .
و فيما يخص الدين والصلاة أقول لك نصيحة في وجه الله الرجل اللي يخاف ربي أكيد راح يخاف ربي في زوجته .
و تبقى قدوتنا السيدة خديجة رضي الله عنها التي تزوجت الرسول صلى الله عليه وسلم وهو راعي للغنم .
و لا ننسى الطيبون للطيبات والخبيثون للخبيثات كل شخص ربي يعطيه على حساب نيته.

[بومدين الموصطاش]

أظن أنك تمتلكين نظرة طبقية و اشمئزاز للزوالية و الناس اللي ما عندهمش
يقال الرجل مادام بذراعه ما يمدش يده.
أين المشكل لو أن انسان فقير تقدم لخطبة وحدة خدامة .
و فيما يخص الدين والصلاة أقول لك نصيحة في وجه الله الرجل اللي يخاف ربي أكيد راح يخاف ربي في زوجته .
و تبقى قدوتنا السيدة خديجة رضي الله عنها التي تزوجت الرسول صلى الله عليه وسلم وهو راعي للغنم .
و لا ننسى الطيبون للطيبات والخبيثون للخبيثات كل شخص ربي يعطيه على حساب نيته.

[النجمة القطبية]

المشاركة الأصلية كتبت بواسطة بروكن انجل

حابة نعرف علاه
كي يصلي خلاص
و علاه الغني ما يصليش

اي وحدة تحب حياة مرتاحة
وحدة ما تحب لفقر و راجل مكسر ليدين المهم يصلي
وين هاذي
وش من عرف
يعني اذا طلببت ابسط الحقوق و شروط الزواج هي منزل و سيارة مش لازم و خدمة قد قد
هكذا تصبح مادية

اهدرو لواقع شوي يزونا بلا مثاليات

و الا وحدة قارية فاهمة تدي واحد قل منها تصرف عليه
عالاول يديها الزف المهم تتزوج

ابقاي في دار والديك معززة مكرمة و الا واحد تعيش معاه لاسوفرونس
و مشاكل و طلاق
و الاولاد

و علاه لازم يكون هو و الزيرو ما عندو والو و يحب يتزوجح
يا ما واش الثقة هاذي بالنفس

وش من وجه تروح تخطب بيه

اه حقا المهم يصلي


الصلاة فرضضضضضضضضضضضضضضضضضض يعني بلا مزية
و الا ما يصليش قادرة هي تردو يصلي و يهديه ربي

مثلا واحد مرفه بصح ما يصليش
و واحد ما عندو والو و يصلي

تخير الاول و تروح للثاني

استغفر الله يا ربي


ثاني كاينين اللي يقولو نديها ماكثة فالبيت و الا تخدم و نحبسها

خير نشاللله
امالا من الاساس علاه دخلت تقرا علاه ضيعت عمرها
كي تجيب طفلة احبسها خرجها جاهلة

و الا راح تكون نتا تخاف عليها كثر من باباها و خوها
فدار واليدها تخدم تجي عندك لالا تولي تضيع

واش التخلف هاذا
نقرا ساعات مواضيع نتشوكا

و مازالو في عقلية اديها 18 سنة
و 25 سنة لالا
علاه؟
علاه؟
في مجتمعات اخرين 18 سنة راهي طفلةةةةةةةةةةةةةةةةةةةة يا عباد ربي
صغيرة يعني وحدة 18 سنة تهز مسؤولية ؟ ترببي ولاد ؟ راجل و دار؟
ما تقولوش العقلية
و الا نديها قط مغمض نربيها كيما نحب

لالا و كاين نسا يقبلو



هكذااا وين راح نوصلو

اذا نتوما جيل تاع ثمانينات و التسعينات تخممو هاك
كيفاه راح تخرجو ولادكم

شوفى اختى هى مش قضية غنى وفقير هى قضية اللى يحفظ الامانة وبقيم حدود الله
يعنى مكاش اللى قال الغنى مش مليح بالعكس الرزق خير وبركة لكن التركيز على الغنى من اجل ماله فقط دون امور اخرى هو اللى مش مليح
المقصود كاين اولويات فى الحياة ولازم عند ترتيب الاولويات يكون الدين والاخلاق والسمعة فى اعلى الترتيب ثم الباقى فى ترتيب اقل واحيانا الانسان يقدر يستغنى عن بعض الامور الثانوية لكن مستحيل يستغنى عن الاساس فهمتى القصد
يعنى فرضا تقدملك شخص فى نفس مستواك وغنى ومرتاح لكن افكاره متحررة جدااا لا تتوافق مع افكارك وتقدملك اخر متوسط او ربما اقل قليلا لكن هو انسان معروف بالاحترام ورجل عند الشدائد منطقيا من ستختارين فهمتى المقصود
اما حكاية واحدة خدامة وتبطل او قارية وتقعد فى الدار هذى مكاتيب واذا هى موافقة انت علاش تزعفى :d:d كل واحد حر وكل انسان وتفكيره
المسالة كلها ترتيب اولويات والانسان لازم يحدد وجهته بكل تاكيد ويكون مقتنع بما يريد ويختار الافضل من وجهة نظره بطبيعة الحال وهنا فى المنتدى وجهات النظر تختلف كل واحد يفكر حسب ما يراه الانسب ولازم نحترمو راى الغير
موفقة

[محمد...عبد النور]

السلام عليكم و رحمة الله و بركاته
ما يقال هنا يا اختي هي افكار لاشخاص مختلفين و لهم وجهات نظر فقط
في الواقع امور مختلفة .................فقط النصح يكون من عند البعض فينصحون بامور قد تتراءى للغير انها عظيمة او هم يغالون فيها و قد تكون لمن ينصح بها من الامور البديهية و اللازمة التي لا تتم الحياة بها
بالنسبة للغنى و المال الكل يحب ذلك ................لكن لكل له فهم حسب ثقافته ..............انت قلتي الصلاة و ربطتيها بالفقر او الغنى
بالنسبة الصلاة ليست معيار كاف لتحديد الزوج الصالح بل هناك امور اهم منها تتعلق بالاخلاق و المعاملة التي يبديها الزوج المستقبلي لغيره
ليس الزواج لعبة ...............فقد نأتي بالنظريات و التجارب الكثيرة و لكن لما يأتي الدور علينا قد لا نعرف ما نفعله او تعمى علينا الانباء و لا نعرف اي شيئ
الزواج من صغيرة او كبيرة هي على حسب فكر اي شخص و قبل ذلك قضاء و قدر
و الناس في هذا الامر لهم معايير متعددة فيمكن من يقيس الشخص الامر على عقل الطرف الثاني و منهم من يقيس على الجمال ..............ربما على هوى في النفس ..................ربما على امر اخر
فالنظري و العملي متباعدان .....................و في الاخير الزوج يختار واحدة و يتزوجها و انتهى الامر و الفتاة كذلك
شكرا على الموضوع و جزيتي كل خير
ســـــــــــــــــــــــــــــــــلام

[nibrasse 76]

بالنسبة لبنت 18 ...نعم الصغيرة ومغمضة احسن ...قبل ما تدخلها افكار مثل التي ترددينها عينا الان . وجهة نظرك هذه تثبت اننا على حق .

بالنسبة للتوقف عن العمل ....وحتى لا تتعجبي من تعب اهلها في دراستها ...ربي يهنيهم بيها وبدراهمها ...انا شخصيا لا اوافق من يطلب يد

امراة عاملة ويشترط عليها التوقف ...من التناقض ان شخصا يرفض العمل يناسب عائلة تسمح به ...وربما تقدسه .

بالنسبة للمعيار المادي ...تؤكد الدراسات ان معضم الناس الماديين ..عاشوا في الماضي حرمانا ولديهم دكريات مريرة عن الفقر والاحتياج .

[manel 123]

قال رسول الله صلى الله عليه وسلم "من ترضون دينه وخلقه فزوجوه " ماشي المال واذا عاد واحد مايصليش يعني مايخافش ربي كيفاه هي ترجعو يصلي بل عكس انسان يخاف مقام ربي خير من انسان ميركعش لربه ويهدي الله من يشاء

[فـرح]

انا ضدك
اختي المرأة اذا كان راجلها ما يصليش العلماء قالو تطلق منه
المرأة لازم كي يجوها زوج كيما قلتي واحد عندو الدراهم وما يصليش وواحد يصلي وفقير
اكيد تختار اللي يصلي .. خاطر اللي يعرف ربي يوفقو ربي في حياتو ويفرجها عليه
وكون مثلا خيرت اللي ما يصليش على جال الدراهم وما قدرتش ترجعو يصلي مش مشكل هذا؟؟؟؟؟؟؟
المرا الفحلة صح عمرها ما تخير الراجل على ماله تخيرو على دينه وعلى تربيته ورجولته
وربي هو اللي يرزق اذا كان فقير قادر ربي يعطيله واذا كان غني قادر ربي ينحيله .. ما تدريش الدنيا كيفاش تمشي ..
نعرف واحدة تزوجت بواحد ما يصليش وعندو دراهم كيما تقولي .. كانت هي دايما تصلي في الوقت .. كي شافته ما يصليش ما حبتش تديه .. ومن بعد قالت درك نتنزوج بيه ومن بعد نرجعو يصلي .. وفي الاخير ولات هي اللي ما تصليش

[knives55]

اقسم بالله ما فهمت حاجة

خير ان شاء الله

[نسمة تفاؤل]

عندك الحق راني معاك في كل كلمة قلتيها هذه عادة شباب اليوم الله يهدييييييييييييييييييييييييييينا
د