¤(( لِمَن هُو بِحاجة إلى طَلب خَطّي / تعهُّد الوليّ / تعهُّد الطَّالِب فليتفضَّل ))¤

[« أبْجَدِيَّاتْ »]

السَّلاَم عليكُم وَ رحمةُ الله ،


***

طَلَبْ خَطِّي :

أنَا المَمضِي(ة) أسفَله ، السيِّد(ة) : ........
المولوُد(ة) بِتَاريخ : ....... بِولايَة : ....... و السَّاكن(ة) في ......
صَاِحب(ة) ب ت و/ رس رَقم ........ الصَّادِرة بتَاريخْ : .........
عَنْ دَائرة ......... وِلاية ............

يسرُّني أن أتقَدَّمَ إلىَ سِيَادَتِكُم المُحترَمَة بهذَا الطَّلَب ، راجيًا (ةً) قُبُولَ
التِحَاقي بالمَطعَم الخَاصّ بالإقَامَة الجَامعيَّة . وفي انتِظَارِ جوابِكُم تقبَّلوا
منَّا أسمَى عِبارَات التَّقدِير وَ الاحتِرامْ . شُكرًا .

صدرَ في ......... يَوم : ........
الإمضَاء : ........
خَتمْ المُصَادَقة : ..........


***

تَعهُّد و التِزَام الطَّالِب :

أنَا المَمضِي(ة) أسفَله ، السيِّد(ة) : ........
المولوُد(ة) بِتَاريخ : ....... بِولايَة : ....... و السَّاكن(ة) في ......
صَاِحب(ة) ب ت و/ رس رَقم ........ الصَّادِرة بتَاريخْ : .........
عَنْ دَائرة ......... وِلاية ............

أتعهَّدُ أنَا علىَ كَامِل الأوصَاف الجَائِزة شرعًا و المُعتبَرة قانُونًا بعدَم التَّسجِيل
في أيّ جامعةٍ أخرىَ ببكلوريَا ثانية علىَ مُستوَى كافَّة التُّراب الوطنيّ .


صدرَ في ......... يَوم : ........
الإمضَاء : ........
خَتمْ المُصَادَقة : ..........

***

تعهُّد و التِزام الوليّ :


أنَا المَمضِي(ة) أسفَله ، السيِّد(ة) : ........
المولوُد(ة) بِتَاريخ : ....... بِولايَة : ....... و السَّاكن(ة) في ......
صَاِحب(ة) ب ت و/ رس رَقم ........ الصَّادِرة بتَاريخْ : .........
عَنْ دَائرة ......... وِلاية ............

أتعهَّدُ بِتَعويضْ الأضرار التيِّ قد يُسبِّبهَا ابني / ابنَتي الطَّالِب (ة) : ........
داخل الإقامة الجامعيَّة كما أرخص لإدارة الإقامة بخضمِ مبلغِ الضَّرر منَ المنحَة
في حالة عَدَم تسدِيد التَّعويضَاتْ .

صدرَ في ......... يَوم : ........
إمَضَاء الوليّ: ........
خَتمْ المُصَادَقة : ..........


***

بِ ت و = بِطَاقَة التَّعريفْ الوَطَنيَّة .
رُ سِ = رُخصَة السِّيَاقَة .

[هدوء قاتل]

وعليكم السلام

بارك الله فيك وجزاك الله خيرًا

أختي هالة

موفقّــة ~

[محفوظ البسكري]

العام اللي فات مفيهاش طلب خطي حتى التعهدات هم اللي يعطوهملنا في الجامعة

هذا من خلال تسجيلي العام الفائت

[ziassia]

و هذا الطلب الخطي و ينتا نحتاجوه ؟ انا سجبت اليوم و مقالولي لا طلب خطي لا تعهد

[أواه منيب]

ziassia

واش طلبولكم ؟!

[هدوء قاتل]

المشاركة الأصلية كتبت بواسطة ziassia

و هذا الطلب الخطي و ينتا نحتاجوه ؟ انا سجبت اليوم و مقالولي لا طلب خطي لا تعهد

نتاع مستحقات مالية تحتاجيه لما تدفعي ملف السكن ( الإيواء )
ونتاع عدم التسجيل بجامعة ثانية في ملف التسجيل البيداغوجي ( احنا ماطلبوهش علينا اليوم )

[ziassia]

المشاركة الأصلية كتبت بواسطة أواه منيب

ziassia

واش طلبولكم ؟!

عمرت الاستمارة اومبعد خلصت 200دج اومبعد يقولك 4 تصاور و شهادة الأصلية و شهادة ميلاد اومبعد خرجولي واحد الورقة فيها واش من الشعبة و اغطاوني الاوراق بلي سجلت
اومبعد درت انتاع النقل و في النقل فيها بطاقة اقامة و شهادة نجاح مصادق عليها و 2 تصاور هذا مكان
و لبورس مزال مدفعتش الدوسي

[ziassia]

المشاركة الأصلية كتبت بواسطة { هُدُووء قَاتِلْ ~ }

نتاع مستحقات مالية تحتاجيه لما تدفعي ملف السكن ( الإيواء )
ونتاع عدم التسجيل بجامعة ثانية في ملف التسجيل البيداغوجي ( احنا ماطلبوهش علينا اليوم )

انا منديرش الايواء يعني منحتاجهمش

[za3boola]

خويا يعيشك...
الطلب الخطي لازم يكون بخط اليد ولا معليش نطبعوه من الميكرو ؟؟

[لالة مريومة]

الا يمكن تقديم هذه الوثائق بالجامعة

[« أبْجَدِيَّاتْ »]

المشاركة الأصلية كتبت بواسطة { هُدُووء قَاتِلْ ~ }

وعليكم السلام

بارك الله فيك وجزاك الله خيرًا

أختي هالة

موفقّــة ~

وفيكِ بَاركَ الله أميرَة ، تعِيشي

المشاركة الأصلية كتبت بواسطة محفوظ البسكري

العام اللي فات مفيهاش طلب خطي حتى التعهدات هم اللي يعطوهملنا في الجامعة

المشاركة الأصلية كتبت بواسطة محفوظ البسكري

هذا من خلال تسجيلي العام الفائت

أنا تاني قالولي نتَاع العَام الليِّ فَاتْ مَا درنَا لا تعهُّدْ لا طَلبْ خطيِّ
بصَّح العام هذا راهي مطلُوبة وِفقًا للوثائق الخاصَّة بالملفّ الاجتِماعي للطَّالِبْ .
المهمّ الواحَد يدير احتِياطُو و يخدم التَّعهّدات هاذي و يصَادق عليهَا
لأنّهم مَا يمدُّوهاش في الجامعاتْ
تكتبهَا بيدّك عادي ، قابِلة للتَّعدِيلْ . وباركَ الله فيكَ أخي محفُوظْ
و صحَّ فطوركُم و قيامًا مقبولاً انْ شاءالله

المشاركة الأصلية كتبت بواسطة ziassia

و هذا الطلب الخطي و ينتا نحتاجوه ؟ انا سجبت اليوم و مقالولي لا طلب خطي لا تعهد

الطَّلبة المَعنِيِّين بالإقاَمة الجامعيَّة فقط لليِّ يحتاَجُوه . ما دام مشْ رح تسكني
في إقامة جامعيّة ، إيمّالا راكي متهنيَة ، تاكلي في داركم علاش حتاَّنْ تروحي للميزيريَّة
نتَاع المطعم

وصحَّ فطوركْ ،،

[« أبْجَدِيَّاتْ »]

المشاركة الأصلية كتبت بواسطة za3boola

أختي يعيشك...
الطلب الخطي لازم يكون بخط اليد ولا معليش نطبعوه من الميكرو ؟؟

كيمَا تقدر تكتبُو بيدّك تقدر تخرجُو بالميكرُو ،
لأنّو قابِل للتَّعديل ، الطَّلَب هاذاك كان النَّموذج لليِّ درتُو أنا في الوثائق نتَاوعي
المهمّ كي تخدمُو صادق عليه في البلديَّة .

المشاركة الأصلية كتبت بواسطة لالة مريومة

الا يمكن تقديم هذه الوثائق بالجامعة

بلىَ ، تقدّميهَا في الجامعة ، بعد ما تديري التَّسجيل البيداغوجي
هوما لليِّ يطلبوها منّك في الملفّ الاجتِماعي للطَّالب المعني بالإقامة الجامعيَّة

صحَّ فطوركم

[موتي ولا دمعة أمي]

يعني نحتاجوه ممكن،:-؟؟

[رنيم الجزائر]

الله ينورك

بارك الله فيك على الموضوع المهم

جزيت كل خير

[تفـღـآؤل ツ وردٍ✿]

جزَآكِ الله خيرًآ .. حِرتْ فيهمْ

شككْرًآ *