علمتني معنى الالم الحقيقي

[SAYA1998]

كاين وقات يجرحنا انسان قريب هذا يخلينا نفقدو الثقة فكامل الناس القريب والبعيد الصاحب والغريب،لكن كاين وقات نلقاو عباد قلوبهم محطمة وعمرهم ما فارقت البسمة شفايفهم ،عندي صديقة عرفتها العام الماضي اصغر مني بحوالي عام دائمة الابتسامة تبان عليها ما عندهاش كامل مشاكل كلما نتقلق نروح نحكيلها، تصرفاتها قمة متفتحة وابدا ما شفتها مقلقة ولا تبكي ، المهم ماكاش اللي ما خانوش اعز الاصدقاء عندو ، هذي كانت قصتها تحب صحبتها لدرجة كبيرة ، حتى اليوم عرفت بعد ما مدتلي مذكرتها قريتها، الغريب انو حتى انا مريت بهذي القصة و الاغرب انها من عند البنت اللي في حياتي ما توقعتها اديرها ، هذي صديقتي المجروحة مرة تأنب روحها على ثقتها بذيك البنت ومرة تتمناها ترجع لها، غريبة الاطوار هذي حفرت لروحها مكانة فقلبي مستحيل تتنسى ،خلاتني نحبها اكثر من اي شخص ،عندها حلم يشبه حلمي نتمنى يتحققلها في اقرب وقت, هي اللي صح تعرف معنى الالم، رغم كل شئ بقات ساكتة وتتمنى رجوعها الله يعوضها بخير منها ، والي يقرا هذا الموضوع اتمنى يدعيلها بالخير والتوفيق في حياتها ،ربي لا يحرمني منها انشاء الله، ونصيحة لكل انسان اتمنى انو ماتفارق البسمة وجوهكم,

[rose de sable s]

ربي يفرج علينا كامل
سلام

[رنيم الجنة]

ان شاء الله نكونا دائما مبتسمين
رغم هومنا واحزاننا نحمد الله على كل شيئ
ألا بذكر الله تطمئن القلوب
ااااااااااااااختتي مشكورة
تقبلي مروري

[ريهانة]

ربي يفرجها علينا وعليكم وديما نقولوا الحمد لله ونحاولو نرسموا البسمة لانو هاد الدنيا متستاهلش الحزن

[SAYA1998]

الله يخليكم ويحفظكم على المرور وكتابة الردود

[طيور الجنان]

ربي يفرج ماكانش اللي ماعندوش هم يخمم فيه هاذي حال الدنيا