استفسار و مساعدة من الاخوة حول حالتي اتجاه الخدمة الوطينة هل من جواب

[Mr.Saddam]

السلام عليكم و رحمة الله تعالى و بركاته

خاوتي انا طالب 2 جامعي شعبة تسيير و اقتصاد و جاني الاستدعاء الثالث للخدمة الوطنية دفعة سبتمر في المدرسة التطبيقية لمدفعة الميدان في بوسعادة

علما انو عندي تاجيل و لكن بسبب غياب الشهادة المدرسية و بعض الاوراق مقدرتش نكاشيه هاد العام
و الان راني دبرتهم فهل نقدر نكاشي السورسي في سبتمبر ظرك ولا لازم نخلي حتان لجانفي 2016 لانو جماعة قالولي ميقدروش يكاشوهلك على 4 اشهر فقط
+ في حالة منكشيهش هل نلقى صعوبات معاهم

و شكرا سلفا من الجميع

[electronicdz]

habite anssakssik khoya madam khrajlak ordre talate !!! sa fai hakda rak 3assi ?

[Mr.Saddam]

المشاركة الأصلية كتبت بواسطة electronicdz

habite anssakssik khoya madam khrajlak ordre talate !!! Sa fai hakda rak 3assi ?

هوما دارولي الامر الثالث و ورقة معاها بلي لا مرحتش نولي عاصي
بصح هل نقدر نقدملهم سورسي نورمال !!!!

[electronicdz]

3andak sourci ou yakhrajlak ordre d'appel makansh manha hadi !!! a par ila srate ghalta !!!

3andak sourci ma yakhrajlaksh l'ordre dappel !!!

[سطايفي19]

السلام عليكم ورحمة الله تعالى وبركاته اخي الفاضل مادام خرجتلك استدعاء متقدرش دير تاجيل

كي تمسي هدي الدفعة هز الاستدعاء تاعك والوثائق لي رايح دير بيها سورسي دوك يخدموهلك لتم

[canada_13]

نورمالمون تقدملهم الوثائق بلي راك تقرا كامل الوثائق اللي يطلبوها كاشهادة الدراسية و غيرها
ممبعد يصنعولك تأجيل و تسقط عنك جميع الاستدعاءات , محسوب كيما تكمل قرايتك يجييك الاستدعاء الاول

[Mr.Saddam]

المشاركة الأصلية كتبت بواسطة canada_13

نورمالمون تقدملهم الوثائق بلي راك تقرا كامل الوثائق اللي يطلبوها كاشهادة الدراسية و غيرها
ممبعد يصنعولك تأجيل و تسقط عنك جميع الاستدعاءات , محسوب كيما تكمل قرايتك يجييك الاستدعاء الاول

انا ايضا سمعت هكذا و الله اعلم
انا السورسي عندي منذ سنة فقط هذا العام طلبولي شهادة مدرسية اصلية مقدرتش نجيبها حتان فتحت لفاك في سبتمر هاد ليام للتسجيلات باه عطاوهالي . نديهالهم يكاشوهولي قالولي تسقط كل الاستدعاءات