بوتي فوغ مستحيل ماتنجحيش فيهم ممممم

لينا11 · 2014-11-10, 10:13

المقادير:
04بيضات
قشور ليمونة
كاس زيت
كاس سكر
03مغارف كبار مايزينة (ممكن استغناء عنها بصح انا ننصحكم تزيدوها ترجع القاطو خفيف ريشة مممممم)
رشة ملح
كيس خميرة قاطو
03كيسان فرينة +02اضافيين
للتزيين :
سكر عادي
الطريقة بالصور كالعادة والعوايد:
نخلط بالباتور البيض وزاست قارص

ونزيد عليه سكر ونخلط مليح حتى يذوب

ونزيد الزيت

ونزيد نشاء(مايزينة )ونخلط بالسباتول

ونزيد 03كيسان مخلطة معاهم خميرة

نتحصل على العجينة بهذا شكل مهم جدا

ونبدى نزيد فالفرينة (02كيسان اضافيين بلعقل) لانو نوعية فرينة تلعب دور
لازم نتحصل على عجينة خفيفة

نصنعو منها اصابع ونمرروهم فالسكر (ممكن تديروهم كويرات وتبسطوهم شوية )

شوفو العجينة مازالها شوية رخوة ماشي قاسية بزاف نديروها على صينية فرن مدهونة بشوية زبدة وزيت

الى الفرن180درجة لمدة حوالي 30 (بعدمرور15د راقبوها )

لكم النتيجة ماشاء الله تبارك الرحمان

نصيحة يفضل الاحتفاظ بها في علبة محكمة الاغلاق باش تبقى مقرمشة من برى وطرية من داخل