السلام عليكم ورحمة الله تعالى وبركاته
جبتلكم وصفتي في الموسكوتشو بنين وخفيف هااااااااااااااااااااايل
نبدا بسم الله بالمقادير
2 حبات بيض
13 مغيرفة زيت
13 مغيرفة حليب
13 مغيرفة سكر
2 خميرة كيميائية levure
الفرينة حتى تولي عجينة سائلة تاع الموسكوتشو
2 مغارف كاكاو
2 شيكولا embassadeur noir
zest de citron
التحضير
نكسرو البيض وانضيفولو السكر ونخفقوه بالباتور حتى يولي شغل كريمة اومبعد انضيفولو الزيت والحليب مع الخفق بالباتور حوالي عشر دقائق ثم انضيفو zest de citron وlevure ةانفرغو الفرينة بشوية وانخلطو بالباتور حتى نتحصلو على عجينة الموسكوتشو
نحكمو المول تاعنا ندهنوه بالزيت ونقسمو العجينة على زوج
النصف الاول انفرغوه ف المول والنصف التاني انديرولو الكاكاو وانخلطوه مليح وانفرغو ف المول وانحطوها في فرن يكون مسخن شوية من قبل حتى يطيب
بعدها انخلوه يبرد شوية
نحكمو الشيكولا تاعنا انذوبوها ف مغيرفة حليب وانزينو بيها الموسكوتشو ديالنا
انا كان عندي فيرميسال تاع الشيكولا زينت بيه الموسكوتشو ديالي وضفت تاني وريدات التزيين
هاوليك الموسكوتشو ديالي ان شاء الله يعجبكم
الف صحة وهنا وان شاء الله اللي تجربها تدعيلي
( تقرير عن مشاركة سيئة )، و الموجودة أسفل كل مشاركة .
2014-02-02, 11:01
موسكوتشو بالشيكولا خفيف وبنين
العرض العادي
