كيف تتعامل مع أستاذ متسلط

[مشكلتي]

السلام عليكم

من فضلكم ما هي الطريقة المثلى للتعامل مع هادا النوع من الاساتدة المتسلطين و يقوم بأعمال صبيانية مع العلم انه في الجامعة يحاسبك انك لم تكتب درس او لم تحضر آلة حاسبة فيقوم بطردك و دائما ما يحكي على نفسه انه هو الدي دهب الى فرنسا و الى امريكا و انه هو الدي لديه المال و ما زاد الطين بلة انه يصل الى التلميد عندما لا تقوم بحل تمرينه يقوم بتوبيخ امام الطلبة و كأنك في الابتدائية

فكيف يتم التعامل مع هدا المخلوق

و شكراا لكم

[first first]

يجب على المخاليق الاخرى(الطلبة)ان تتاقلم وحسب.... يبقى استاذ ويجب التكيف مع طريقته.
كامل فاتو علينا اساتذة من هذا النوع وانواع اخرى.... فتاقلم(ي)وحسب.

[نور العلوم17]

وكل عنو ربي وخليه هذا ماهوش عبد

[toulay]

وعليكم السلام ورحمة الله وبركاته
يبانلي التصرف تاعو عادي جدا غير في حاجة معجبتنيش تاع فرنسا ومريكان ماعدا هذا كل شيء يبان مليح
هذا راهو استاذ حريص
اصلا الطلبة تاعنا الاغلبية تاعهم والفو كل شيء بالصادر ميقراش ويحب يدي la note مكيتبش الدرس ونهار يقرب الامتحان يروح يحكي مع هذاك الطالب النجيب لي jamais حكى معاه باش يصور من عندو الدروس
علاش هكذا
علاش متحبوش الاستاذ الجدي وليخدم خدمتو
علابالي مراحش يعجبك الرد تاعي بصح كلمة الحق تنقال
كون مثلا جاء استاذ ميشرحش الدرس ونهار طول هو غايب هنا صح نقولك عندك كامل الحق بصح باش تقولي بلي معجبكش الحال مين يحاسبكم هنا راك غالط وغالط بزاااااااااااااااااااف
تحبوا في بالي الاستاذ الناعس ولفوت فوت واخطي راسي برك
من الاحسن تركز في قرايتك وخلي الاستاذ يخدم tranquille
ودرك جات دالتي نقولك واش رايك فالطلبة ليكون عندهم un cour مثلا فالفرنسية والانجليزية ويكون مثلا من ثلاثة ونص حتى الخمسة والاستاذ يجي من طرف الدنيا وفالاخير مايلقى حتى واحد وحتى لو كان cour على الزوج واحد مايجي
ونهار الامتحان يبقاو يدمعوا في عينيهم وجانا صعيب وووووو اقرا احضر cour تاعك ومبعد ساهل الحال
ياو الطلبة لمشي قاريين
انا كانت تقريني استاذة ماشاء الله وكانت مين تمدنا واجب نحلوه نهار نقراو معاها دور علينا بالواحد
هكذا باش يكون عدل مشي لديما يحضر ومواظب ويحل التمارين كيما الكسول
وكل واحد يدي النقطة ليستاهلها
نظموا رواحكم اولا ومبعد ارواحوا حاسبوا الاستاذ
bref حكيت بزاف ومدابيا نزيد نحكي ونكتب article طويل عريض بصح المكان والزمان لا يسمحان
بالتوفيق

[tassnim5]

الطلبة هم الذين يقومون باعمال صبيانية و حين يجدهم الاستاذ مهملون و غير مبالين فمن واجبه توجيههم و توبيخهم ان لزم الامر، لان المستوى تدنى جدا و شتان بين طلبة الامس و اليوم . فكيف لطالب يملك هاتفا من اخر طراز ولايملك الة حاسبة و كيف له ان ياتي الدرس دون قلم ودفتر و يتفرج فقط و كانه في قاعة سينما و الادهى لا يبالي بالواجيات و الاعمال التي يطلبها منه استاذه.....استاذك جاب العالم و حينما رجع وجد امامه اهمالا و عدم الجدية بالنسبة للطلبة و تسيبا في الادارة و هو يحاول اصلاح ما يستطيع. لا ضير ان قمت بواجباتك و احضرت ادواتك و تجنبت الاستعارة من اصدقائك فهو حتما لا يظلم الطلبة الجديين و المجتهدين و المهتمين بدروسهم.

[نور العلوم17]

المشاركة الأصلية كتبت بواسطة tassnim5

الطلبة هم الذين يقومون باعمال صبيانية و حين يجدهم الاستاذ مهملون و غير مبالين فمن واجبه توجيههم و توبيخهم ان لزم الامر، لان المستوى تدنى جدا و شتان بين طلبة الامس و اليوم . فكيف لطالب يملك هاتفا من اخر طراز ولايملك الة حاسبة و كيف له ان ياتي الدرس دون قلم ودفتر و يتفرج فقط و كانه في قاعة سينما و الادهى لا يبالي بالواجيات و الاعمال التي يطلبها منه استاذه.....استاذك جاب العالم و حينما رجع وجد امامه اهمالا و عدم الجدية بالنسبة للطلبة و تسيبا في الادارة و هو يحاول اصلاح ما يستطيع. لا ضير ان قمت بواجباتك و احضرت ادواتك و تجنبت الاستعارة من اصدقائك فهو حتما لا يظلم الطلبة الجديين و المجتهدين و المهتمين بدروسهم.

و الله غير عندك الحق 100 ب100

[زبدة ذايبة]

أنا نقري في الجامعة

ونهار ما يطيروهالي (لبنات) نولي رايحة ناكلهم

اللي تتأخر نخرجها ماتدخلش

واللي تخرج الهاتف تاعها أثناء المحاضرة نخرجها

واللي تكثر الهدرة نخرجها

يعني ما يفوت الشهر حتى يتسقمو

بالتالي سواء كنت طالب أو طالبة

تصرف الأستاذ عادي

تقرى في الجامعة وتدخل لقاعة الدراسة بلا طاي

لا أدوات دراسة ، ولا أقلام ، ولا واجبات ولا أي شيء يثبت أنك طالب

من المفروض أنك تحترم نفسك وتكون في االمستوى المطلوب وماتعرضش نفسك للإهانة


وبهذ الطريقة تتفادى أي إزعاج من أي شكل كان

أما حكاياته عن السفر والدول فمن الممكن أنه يريد أن يعزز في أنفسكم معنى النجاح

تأكد أن الشخص اللي يهتم بيك هو اللي يعرف أحوالك كيفاش

يعرف إذا حضرت أو ماحضرتش

إذا جبت أدواتك أم لا

إذا راك تتقدم أم لا.

لذا خذ الأمور ببساطة وخذها من الناحية الإيجابية

الشخص الذي يقف أمام الطلبة يحمل في قلبه عواطف الأبوة

ويحمل في قلبه هم نجاحكم حتى وإن كان أسلوبه غير مرض بالنسبة لكم.

[om_hadil]

استاذة زبدة ذايبة،،، كفيتي و وفيتي،،، شكرا

[BAROUD]

أنزلوا الناس منازلهم

التواضــــــع و حسن الخلق من شيم الرجال

[mohamed nadim]

لا تترك له المجال

[قدور بن عاشور]

هذا متخلف ذهنيا و ليس أستاذ،
كيف يسمح لنفسه بتوبيخ طالب جامعي

و ليس تلميذ كما ذكرت، اللهم إلا إذا كنتم تتصرفون كتلاميذ
قدم درسك و فهم لي يحب يفهم
و لي ماقراش الله لا قرا
هذه جامعة و ليست دار حضانة
علابيها الجامعات الجامعية صارت غير مصنفة أصلا

[نور العلوم17]

لا لا عندو الحق خطراكش كاينة طلبة قليلين ادب

[خالد عنابي]

ليس من حق الاستاذ معاملة الطلبة الجامعيين كانهم تلاميذ في الابتائي ومحاسبتهم على كل صغيرة وكبيرة


لديه الحق في فرض الانضباط والنظام داخل الصف نعم
لديه الحق في صرف اي طالب جامعي يقوم بالتشويش او افعال غير متناسبة مع الحصة نعم
لديه الحق في عدم السماح بدخول تلميد متاخر اكثر من المدة التي يسمح بها القانون نعم
لديه الحق في ادخال جل التمارين والنشاط في الصف ولاسلوك والغيابات في نقطة التقويم نعم


ولكن .........


ليس لديه الحق في توبيخ طالب لانه لم يحسن الجواب او لم يقم بواجب منزلي
ليس لديه الحق في طرد طالب من الحصة على خلفية عدم تمام الادوات
ليس لديه الحق في التفاخر في الحصة بالذهاب لفرنسا وامريكا وانه عنده المال !


اما التعامل مع هذا الانسان فيكون ببرودة الاعصاب واذا كانت هناك تجاوزات واضحة غير ملتبسة يمكن للطلبة بالتظافر بينهم ايصال الانشغال الى رئيس القسم او الى سلطة اعلى في حال عدم اخذ انشغالهم على محمل الجدية وصولا الى الاضراب او مقاطعة حصصه


هذا والاحسن هو برودة الاعصاب ومحاولة التكيف معه قدر المستطاع لانه في حال اتخاذ خطوات تصعيدية سينتقم بطريقة او اخرى

[Hanan salim]

عيب عليه يتصرف بهاي ألطريقه المفروض يكون قدوه لباقي الطلاب

[زبدة ذايبة]

طالب في الجامعة من باب أولى يكون أحرص الناس على أدواته وعمله.

وش مازال ماتجيبش الأدوات؟؟؟؟؟

اللي في الابتدائي يبدى يبكي حتى يشريولوا

فمابالك بطالب في الجامعة سلاحه أدواته واحترامه لذاته.

مثل الجندي اللي يروح بدون سلاح لأرض المعركة.

الحمد لله عندنا الدراسة مجانية.

فلما الاستهتار والتماطل ووضع النفس في غير محلها.!!!!!!!!

جيل الجامعة جيل الإطارات التي تعتمد عليها البلاد.

فكيف به لايحضر أدواته ولا يتابع واجباته.؟؟؟؟؟

متى ستفعل ذلك؟؟؟؟؟

يعني إذا تخرجت مارحش يلحقك الأستاذ ويسقسيك على أدواتك.

أما النوبيخ فلاحق له في ذلك.

يبقى أن تفرض انت احترامك.

اولا بعدم تعريض نفسك لمثل هذه المواقف.

وإذا كنت ماديا ماشي لاحق. أهدر معاه قبل ماتدخل للمحاضرة.

وثانيا أطلب من الأستاذ أن يحترمك.

إن أهانك على ملئ أطلب الاحترام على ملئ وإن اهانك سرا أطلب احترامك سرا.

رب يوفقك.