الجزء184 من واش طيبتي اليوم.... كوزينة التألق و النجاح - الصفحة 34

أم فاطمه · 2017-11-21, 10:34

اهلا بيكم احبابي الاهي يسرلي امري مرحبا نورتي الكزينة

شكرا محتاجة كلامك الطيب

ام رحاب اهلا حبيبتي الله يشفيك شفاء لا يغادر سقما جوعتني في هدا الصباح الله يبارك كلش يشهي
سحابة شكرا اختي كلامك سكر الوصفة رني عدا محطيتهاش

طريقة طرطة الليمون

عبري بي علبة اليايورت الطبيعي
2. بيض
علبة واحدة زيت
2 علب فرينة

2 علب ميزينة
2علب يايورت طبيعي
2 سكر
رشة ملح
بشور 2حباةليمون وعصير حبة
2خمارة
خلطي البيض والسكر وكل المقدير ودخليهم يطبو في الفرن على 160

.

.

اتمنى تعجبكم انا. دكريتها بي لكرام شتي ولكم الاختيار باش حبتو زوقها

nihal159 · 2017-11-21, 10:57

صباح الخير و الربح عليكم، الله يبارك يالحراير راكم قايمين بالكوزينة كما ينبغي، ربي يبارك فيكم و في وليداتكم، و ان شاء الله دياركم ايما عامرة بالخير و الافراح.
ام رحاب ربي يشفيك يالغالية و أرشيفك روووووووعة، ربي يدوم عليك نعمة الصحة.
حيوتة فطورك الله يبارك خمس نجوم و المقروط يشهيييييييييي، واقيلا رايحة نتشجع و نجربو.
ام هدول و الايام الخوالي ههههههه كسرة الشحمة من اروع مايكون و الخيز الاقتصادي خرجلك تحفة،
مريومة بصحتك كسرة و لبن، نموووووووت عليها، كولي مرتين مرة ليك و مرة ليا.
ام عبد الله، الله يبارك زهيتينا بأطباقك، شكرا حبيبتي و ربي يدوم عليكم النعمة.
ام فاطمة جوهرة الكوزينة، الكيكة تهبل ربي يحفظك و يحفظلك فاطمة.
ام سيرين، اميرة، سحابة و لي نسيتيها تسمحلي و الله نراجع فالصفحات و مستمتعة بالقسرة نتاعكم هههههههه نسيت الأسماء .

nihal159 · 2017-11-21, 11:08

لبارح عشايا، افخاد الدجاج، سبق و حطيتلكم صورتهم فالكوزينة، هذي المرة جبتلكم طريقة عملهم بجميع المراحل مصورة.
بعد مانغسل فخد الدجاج و نشوطو و نحكو بالملح و الخل، و نشللو بالماء، نحطو فوق لوح التقطيع كما هو موضح فالصورة، و نقطع بالسكين على طول العضم.

و نحاول نزيل لعظم حتى نتحصل على شريحة لحم

ثم نتبلو بملح، فلفل اسود، كمون، توم بودرة، راس الحانوت، و نحط عليه خليط من البصل مرابي و التوم مرابي و المعدنوس مقطع رقيق، و نحك اللحم مليح باش يذخلو فيه التوابل.

نحط قطع من الجبن في مناطق متفرقة، ونرولي اللحم نتاعي و نربط بالخيط

في مقلاة فوق النار نحط الافخاد نتاع الدجاج، مع قطع بصل و طماطم و فصوص ثوم، و نقلي كلشي مليح حتى نتحصل على لون ذهبي للأفخاد، لما يتقلى نمرق بفنجان ماء و نغطيه بورق المنيوم و نذخلو للفرن، لمدة ساعة تقريبا

nihal159 · 2017-11-21, 11:12

كي يطيبو يكون هذا هو شكلهم، الصوص لي تحصلو عليخا صفوها و سقو بها الروتي

انا قدمتهم مع لفريت

nihal159 · 2017-11-21, 11:13

ليوم غذايا شوفلور و خبز الفيسال

ام هدول · 2017-11-21, 12:48

غدايا ليزابا بالمرق تقريبا كيما الكمونية فيها الكبدة بزاف مع وش قعدلي من كسرة الشحمة مممم منحكيلكمش

ام هدول · 2017-11-21, 12:57

ام فاطمه واش حال عجبتني كيكة. الليمون ومقديرها بسيطة...ياريت...اديروهانا..وصفه مصورة. وينكم امونه وحيوته.....????
سحوبه ربي يعيشك. حنونه كلامك حلو ..ياحلو...راح نشوف. الرابط
ام عبد الله...راكي قايمه بالكوزينه كيما يحب الخاطر...ونحب نقره تعليقك
ام رحاب غاليه سلامتك. الف سلامه من المرض..كلش حطتيه رايع....بصحتكم...كي نخاي قوليلي على اصابع اابادنجال...شهاوني....

ام هدول · 2017-11-21, 13:00

نهوله. مولات الخيمه ......راني نشوف. لي في الكواليس..دخلتيهم الكوزينه..مشاء. الله ....وعونونا في الوصفات ....نشكرهم بزااف
نهوله النحوله شكرا على الشرح الواافي للافخاد الدجاج ....منزوعة العضم .ا.ممم.يسلم يديك ويهنيك ...

ام هدول · 2017-11-21, 13:05

ام هدول · 2017-11-21, 13:08

راني حطيتلك وصفه. الكعك الاقتصادي....سحوبه...ونشكر امونه....بزاااااف

سحابة باردة · 2017-11-21, 13:15

أم هدول حبيبتي بصحتكم ليزابا
قريت وصفة الكعك شكرا
حبيت نعرف حتى الزيت كوب كامل موش بزاف؟

ام هدول · 2017-11-21, 13:17

ام فاطمة. سقسيتيني على البرد البرد يقتل....راني رايحة. تحت الزوره....خخخخ
سلااام.......

ام هدول · 2017-11-21, 13:22

ط§ظ„ظ„ظ‡. ظٹط³ظ„ظ…ظƒ ط³ط*ظˆط¨ظ‡......ط¥ظٹظ‡..ظگط§ظ„ط²ظٹظ† ط¨ط²ط²ط§ط§ط§ظپ..ط§ظ†ط§ ظ…ط§ط¹ظ…ط±طھظˆط´. ط*طھظ‰ ظ„ظ„ط¢ط®ط±...ظٹط¹ظ†ظٹ طھظ„ط§ط« ط§ط±ط¨ط§ط¹....

ام هدول · 2017-11-21, 13:25

ههههههه...شينق شان شو...
نعاود....سحوبه ايه الزيت يبان بزااف.
ديري.تلات..ارباع....أحسن...أنا ماعمرتش الكأس.....

Fifilondon · 2017-11-21, 13:27

سلام لبنات واش راكم
الله يبارك كل شيء روعة يسلم يديكم جميعا
نروح نجيب فطوري ونجي لكن عندي سؤال ياريت تاعطوني وصفة المقروط تع بحورة مالقيتهاش تعيشو
لي تعرف تحطلي الرابط من فضلكم