ساعدوني تمايم عند خويا

[مشكلتي]

السلام عليكم راني مشوكيه مشوكيه اليوم احد اخواني راح يقيس فاست تاع خويا الاصغر لقا في جيبها تمايم ملفوفين بكتان و في الداخل مكتوبين و فيهم ريش المهم داهم لامي و ابي بابا تخلع قرا عليهم قران و حرقوهم كيجا اخونا الاصغر قالتلو امي واش هذاك في اللول بدا يكفر قالها واش داكم مش تاعي لقيتهم قلت نديهم للراقي و مبعد قعدنا نزيرو فيه قالنا راني لقيتهم في غرفتنا في سله الغرفتنا منكذبش عليكم شفت في عينيه الكذب ظهرلي يكذب انا درك راني مصدومه كفاه خويا دار حاجه كما هاذي احنا عايله محافظه و الله الراقي منعرفوهش عاونوني واش ندير

[قدور بن عاشور]

هناك احتمال و لو ضئيل أنها ليست له
المشكلة الكبيرة و التي لا يرقى إليها الشك أنه كفرعلى أمه
سب الدين كفر مخرج من الملة
في شرع الله يقتل فاعله ردة ولا يستتاب،
لا يغسل و لا يصلى عليه و لا يدفن في مقابر المسلمين
المهم إنسوا قضية الحروز، و ركزو على قضية الكفر و سب الدين.
قال لك عائلة محافظة يكفر فيها الولد على والدته!!!!

[abdou30]

لابد من التروي وأخذ الموضوع بعقلانية و أحسن شيء الحوار واجهوه بلعقل وحاولو تعرفو منو أصل الموضوع واذا استأمنكم راح يحكيلكم وربي يهديه

[beautifulmin85]

والله مشكل ابتلينا به اضافة للمشاكل التي لها اول وليس لها آخر

انا بنظري تربية الوالدين للأبناء كلما تقدم الزمان الا واصبحت اضعف واضعف

حتى يصبح الوالدين دورهما الانجاب ورمي الاولاد للشارع وترك التلفزيون والانترنت يفعلان بهم ما يفعلون

والمشكل الادهى عدم الاهتمام بالعلاقات التي يقوم بها الابناء فلا الام تسأل وتحاسب ابنتها مع من تمشي

ولا الاب يراقب ويسأل عن امه والطامة الكبرة العشق يتركون اولادهم فريسة للمسلسلات ولما يعشق الولد او ابنت احدهم

يدخلون في متاهة لها اول وليس لها آخر ولا استبعد ان يكون المسكين ضحية لعشق ما اوصله رفقاء السوء في استعمال السحر

انا اقول لا استبعد اعتمادا على تفاصيل القصة حيث لاحظتي انه يكدب ويخفي سبب وجودها عنده

على كل حال على الوالدين مسؤولية كبيرة في تداكر حالة ابنهم فان كان يحب فتاة فعليهما معرفة دلك

وعليهما اقناعه بكل الاساليب ان هده الطريق مرة ولن تكون نهايتها الا التعاسة واليأس والكآبة والخسران

فان كان صغير فليهتم بدراسته وان كان في سن الزواج فليزوجوه بمن يحب والا فاي فتاة تنسيه ما هو فيه

انتم ادرى بحاله ولا تتركوا الامر يمر هكدا فالشباب اليوم ضائع تائه ان لم يجد من ياخد بيديه فالمعيشة الضنكة مصيره والله المستعان

[قرويجة]

السلام عليكم
حبيت نشارك لاني نعرف قصة مثل هذي
كان هناك شاب من عائلة محافظة دارت بيه وحدة والعياذ بالله امها مشعوذة اهلوا رفضوا يخطبوهالو ايا رجعت يماها تعمل العمايل و تعطيلو يحطهم في دارهم باش يوافقو على بنتها وهو مشى معاهم فالخط حتى وفعلا أحوال دارهم تقلبت نصحوهم العائلة يجيبو راقي للدار باش يرقيها رجعو الأعمال تسقط من كل مكان في البيت هنا بعد ما زيروه دارهم اعترفلهم بالحقيقة الشاب كان عمرو 21 سنة و هذيك البنت 28

[زبدة ذايبة]

حاولوا تعرفوا خطوات هذا الفلوس اللي راه يدير هكذا.

اخوك الصغير ماراهش وحدو.

كاين ناس يعاونوا فيه. وهوما اللي وراولو الطريق هذي حتى مشى فيها.

وهذ التمائم لغرض معين.

يا إما موجهين ليكم انتوما.

يا إما لأشخاص آخرين عندو المصلحة في سحرهم.

ومن الضروري جدا الانتباه للمال.

يعني هذوك لحروز اللي عندو ماعطاوهملوش باطل.

وكي كفر على يماك هذا دليل هلى أن هذ لحروز يعنيولوا الكثير.

يعني كان حاط كل الأمل تاعو فيهم.

وكي خربتوهم فسدتولوا المخطط تاعو.

بالتالي مايطولش ويزيد يدير واحد أخرين.

انتبهوا لأموالكم وعسوا الذهب تاعكم.

مابقاش لامان فيه.

هذا عدو مبين ليكم ولغيركم.

تبعوه تعرفوا وش راه يدير.

يدور ويسحركم انتوما ثاني.

رح تتفتحلوا الشهية على السحر.

ورايح يحل المشاكل تاعو عن طريق الدجل.

رب يستركم وينجيكم.