اريد الزواج لكن ... انصحوني

[مشكلتي]

السلام عليكم
من فضلكم انصحوني
شاهدت فتاة واعجبتني واريد أن اخطبها من اهلها لكن توجد اشكالية في راسي هذه الفتاة من عائلة لاباس بيهم عندها سيارة وعندها الجنسية الفرنسيه و انا شاب الحمد لله عندي مستوى ماستر و عندي السكن وسيارة نورمال لست غني لكن الحمد لله قيسي قيس روحي لكن خدام عند الناس برك وبصفة منتظمة نخلص مبلغ ولو بسيط المهم الطفلة هاذي عجبتني ودخلت قلبي عاقلة ومتربية والله منحتاج منها والو ومنيش طماع فيها ولا في اي انسان الطمعة في ربي وخدام بذراعي الحمد لله وان شاء الله يفرج عليا ربي بخدمة بديبلوم نتاعي، ظرك راني خايف نخطبها تقول راه طمع فيا ولا في وثائق فرنسا معلاباليش نروح نحكي معاها وجها لوجه ولا نبعثلها شخص انصحوني خاوتي لوجه الله واش ندير

[مراد سابقا10]

مادام غير متزوجة فالأمر مفتوح امامك لا تخجل اطلاقا لأنك ماكش رايح تدير العيب ناوي الحلال انا نعرف ناس خطبوا فتيات عندهم وثائق فرنسا وصارحوهم بلي بغى يتزوجها

ويخرج معاها للخارج وقبلوا انت نيتك الحلال وبعيد عن الحسابات اصدم وشوف واش يقولوك .

[زبدة ذايبة]

الخطبة ماشي عيب

واحتمال موضوع الجنسية الثانية

ماشي صحيح

وكي تروح تخطبها ماتجبدلهاش على الجنسية نهائيا.

وكأنك ماشي سامع بالموضوع.

وروح لعندهم وقلبك صحيح.

تبان عندك مخاوف بزاف على أمور تافهة.

نحي من راسك الأوهام والأفكار المثبطة

اللي تخليك تخاف.

واستخير الله عزوجل وامض إليها

بالكريقة اللي تعرفها كل البيوت الجزاىرية.

ماتبعث حتى واحد يتوسطلك عندهم.

لازم تطلع على حقائق الأمور بنفسك ماعدا فيما يتعلق بعائلتك.

أن عندهم سيارة وبعض القروش لايعني انها خير منك وأنك ماتصلحلهاش.

الأمور المادية ماشي كل شيء في الحياة.

كلما كنت أكثر رباطة جأش

وأكثر شجاعة كلما كنت اكثر قوة في تلقي الصدمات.

لاقدر الله لو كان مايقبلوكش ماتمرضش.

قوي قلبك وصل صلاة الاستخارة.

وتوكل على الله

إذا وافقو عليك كان فيها الخير لك.

وإذا ماوافقوش كان فيها الخير لك.

والخير كل خير فيما اختار الله.

في انتظار ردود باقي الأعضاء.

[حلم مدرب]

السلام عليكم

انت روح هدر معاها اخي و لا روح مباشرة للمنزل لخطبتها ما فيهاش حتى مشكل و ربي يوفقك ان شاء الله

[عثمان الجزائري.]

مسألة الفارق في المستوى المعيشي تعود إلى شخصيتك و خلق العائلة التي تريد أن تصاهرها، حقيقة إذا كنت مرتاح لهذا الفارق و متأكد أن البنت راضية بأن تعيش حسب إمكانياتك دون أي مشكل أو معايرة فتقدم لها و إستخر الله فما خاب من إستخار، ثانيا كنت قد تكلمت عن عمل بديبلومك، أقول و بكل ثقة لا تركض وراء العمل بديبلومك فستصدم بالراتب الذي لا يصل لراتبك الحالي مع جو غير مريح في العمل و الله هو الموفق...

[محمد جديدي التبسي]

لو كنت في مكانك لا أنصحك بهذا الزواج
الأفضل لك فتاة ماكثة في البيت خاطيها الخرجات والسيارات
تكون بسيطة ترضى بمدخولك وتعيش معاك على قدر ظروفك افضل
اما وحدة عاشت رفاهية وتقود سيارة وتعتمد على نفسها في كل شيء لن ترى في الرجل والزواج سوى تسوية وضعية والله أعلم
وممكن نكون غالط وهذه الفتاة متواضعة ومتخلقة وليس ذنبا أن تكون من أسرة غنية لكن شخصيا لا أتقدم لها ولو كنت املك سيارة وعمل جيد
ربي يوفقك

[*سندوسة*]

السلام عليكم

انا نقولك بلا ماتتوسوس وتعقد الامور
توكل على ربي مدامك مفتنع بيها وعجباتك
وربي يسهل امورك ومدامك نتا مراكش طامع فيهم ادا خليهم يحسو بهاد الحاجة وبينلهم انك راجل قادر على المسؤولية

كاين متل عندنا يوقوله هو لي يخاف رزقه قليل

[رندة.]

صلّي صلاة الاستخارة وإلي فيها الخير ربي يقدرهالك إن شاء الله.

[rafika1988]

صلي صلاة استخارة وتوكل على ربي
بالتوفيق لك

[ام البنوتة]

الوسيط يجب ان يكون ثقة لانه ممكن هذا الاخير هو لي يفسد عليك
جرب حظك و شوف و زوجة قريب في العائلة عاشت حياتها في فرنسا عندها اقامة فقط و تزوجت و اتت الى الجزائر من اجل زوجها رغم انه متوسط الحال لكنها راضية به
كلش بالمكتوب.

[zineb zizi47]

روح احكي مع والديها قال ها وش عندي حاب بنتكم على سنة ربي و نبي اذا تقبل صحا و اذا مقبلتش ربي يجيبلك ما احسن منها

[kacimo.samy]

السلام عليكم

رووح اخطب يا خويا

[muslim girll]

استخير واتكل على ربي

ودير في بالك ممكن تقبل وممكن ترفض
وايدا رفضت ماشي بالضرورة لانها ظنت انك طامع فالجنسية
الامر مكتوب ..انت تسبب وربي يكتبلك ليك وليها الخير
المهم اتكل ع ربي وارضى بواش رح يكتبلك

[الأمل المفقود]

انت خايف من الرفض و يقولولك طماع في الجنسية

[softech]

انت اقصد البيت من الباب...لا تتحدث معها مباشرة اتكلم مع وليها خاصة أخوها إذا عندها إخوة أو ابيها مباشرة و قل له الكلام الذي ذكرت أنك لاباس بك و ناوي الحلال فقط...و إذا رفضت فليس نهاية الدنيا بل تأكد أن الله قد اختار لك من هي خير منها.