المحكوك في خاطر بروقة الحلوة تفضلي

أم ياسين الزهراء · 2013-10-26, 16:39

هدي الاكلة التقليدية تعلمتها من اهل زوجي البنة مانقلكمش شحال بنينة وشحال وشحال وطبعا انا دايما سبيسياليتي تحريف الوصفات اهنا يديروها بالدقيق عادي وانا والحمد لله دايما عندي دقيق القمح فقلت علاش مانديرهاش بيه طبعا نخلط نص نص شوي القمح صعيب في العجين تفضلو عندي وبصحتكم مسبقا

الوصفة خصيصا لبروقة الحلوة

المكونات الخضرة اللي عندك انا كان عندي زرودية كابويا فول يابس ومشمخ تشفاو على وصفة الفول مالح وبنين كينشمخو ونجي نطيبو نحي دايما منو ونكونجليه كيما الحمص واللي عندها الفول الاخضر يصلح والبصل والطماطم والثوم والتوابل انتاعك ماديروش برك الكمون والحروروالبطاطا الكل قطع صغيرة طبعا وشوي دشيشة تاع الفريك أي الفريك الخشين والفرماس غليه في الماء ولوحوه مع المرقة وطماطم مصبرة والزيت والملح والى الكوكوط

ديري شوي ماء وحطي على النار يتقلاو الكل

هنا كيمرقت على حساب الكمية والغاشي اللي عندك درت مغرف كبيرة دشيشة

الفرماس كيتغليه طبعا شليه على الاول ومنبعد ديريلو شوي ماء وحطيه على النار يغلي شوي وارميه على المرقة

العجين

نص دقيق عادي ونص دقيق القمح الملح والماء اعجنيهم وماتبليش بزاف باش مايتعجنش المحكوك كيتسقسه

لوزي كويرات من العجين بالزيت وديري وحدة فوق اختها وديري شوي زيت بيناتهم

حلي العجين انا سي السيد يحبو رقيق رقيقهم ولوحي على الطاجين تاع الحديد طبعا اللي نطيبو فيه المحاجب

شوفي اهنا يطيب انا نحبهم شوي محروق يطلق بنة هايلة

مع تنحيه من الطاجين لازم تبداي تفتتي فيه كيبرد يتعبك والطريقة تحكميه كشغل تكرفسي في ورقة فهمتو ولا .........................

اللي تحب يديها بزاف نقللها ماكلاه هههههههههههههههه سخون بزاف

اهنا مفتتة وواجد

تفضلو مسقي وواجد واللي يحب زيت الزيتون يدير من فوق انا مانحبوش بصح ولادي يديروه مليح للصحة ماتبعونيش

وهدا لبروقة

ان شاء الله فدتكم الاكلة هدي هايلة خاصة في البرد بصحتكم وان شاء الله طبقوه

crystale49 · 2013-10-26, 16:41

شكراااااااااااااا اختي

أم إناس · 2013-10-26, 16:42

بارك الله فيك ويعطيك الصحه شكرا

أم ماجد · 2013-10-26, 17:02

الله يبارك يا الفحلة

*أم ثازيري* · 2013-10-26, 17:04

شكراااااااااا اصبري يبرد الحال و تشوفي الهجوم على مثل هذي الأطباق هههههههههه

بريق الامل& · 2013-10-26, 17:09

شكرا حبيبتي نعتبرو وصلني للدار
يعطيك الصحة وبارك الله فيك
واكيد بنين وخاصة من يديك

عطرالذهب · 2013-10-26, 17:11

اممممممممممم شهيتيني فيه نحاول نجربو قريبا زوجي واولادي يموتو على هذي لحوايج

الأمنيات · 2013-10-26, 17:12

هادي راها كيما الي حطيت طبق فقط تاعها يديروها في الجنوب بصح اسمها مختلف خبز القله لانها طيب في القله
لكن نفس الطريقه وتجي بالقمح
تبارك الله

~~جوهر دعوة~~ · 2013-10-26, 17:15

يعطيك الصحة ام ياسين اول مرة نشوف هذ النوع من الأكلات
بارك الله فيك وجزاك خيرا
نجربها والله شهتيني

طير الرحمة · 2013-10-26, 17:18

اممممممممممممممممممممممم يعطيك الصحة ام ياسين سخفتيني حنا نديروه دايما لكن ما نحبوهش بالفول بالخضر فقط كابويا وبطاطا وجزر وحمص ولاازم يكوووووون حااااار والرقاق ماشاء الله عليه باين عليك محتررررفة ومن هنا نشكر ام اياد محمد امين على وصفة الحسوووة ورانى نقلها راني وليت نديرها فور كيما نتاع البساكرة وكل هدا بفضلها ورانى ندعيلك اما بخصوص محكووووووك غدوة نديره بصح لاوم قرووون فلفل حاااار تسلمي على الوصفة وبارك الله فيكى

أنواار الإيماان · 2013-10-26, 17:43

بارك الله فيك

oum ibrahim · 2013-10-26, 17:50

امممممممممممم شهيتيني ام ياسين يعطيك الصحة

إلهام07 · 2013-10-26, 18:32

نقرى في الوصفة وندقق في الصور وانا جاتني حاجة جديدة والله اليوم حسيت روحي جاية من كاليفورنيا

يعطيك الصحة ياسو باين بنين ويشبه في الشخشوخة نتاع الفطير بصح عيب عليك كيفاه ماتحبيش زيت الزيتون وتقوليها علنا راهم يرفعو عليك قضية خخخخخخخخخخخخخخخخخ

نفرح كي نلقاك تحطي مواضيع نحبك بزاف مواح

صابرة2013 · 2013-10-26, 19:06

بارك الله فيك

meriama13 · 2013-10-26, 19:09

اممممممممممممم اكلات الشرق تشهي الله يبارك