حلويات النجاااااح تفضلو جميعااااااااااااااااااا

*سماح 94* · 2013-07-22, 22:00

السلام عليكن اخواتي ان شاء الله تكونو كامل بخير رمضان كريم اعاده الله علينا جميعا باليمن والبركة والمغفرة
واخير قدرت نحط حلويات نجاحي لي وعدتكم نحطها لكن الله غاالب هذا وين طارتلي فرصة نحطهم ارجو المعذرة جداااااااااا على التاخير

جبتلكم اولا حلويات نجاح ابنة خالي ثم تليها مباشرة حلوياتي في نفس الموضوع هههه ساعتين وانا نحمل ونعدل في الصور
اما الوصفات اكيييد راني رايحة بلاما تسالو غدا ان شاء الله نبدا

....... على بركة الله نبداو بحلويات نجاح ابنة خالي

المقروط عادي اي وصفة تنجحلك تشكليها تمرة وتديريها في السيار = الغربال= باش تعطيها الشكل لي في الصورة

https://www.djelfa.info/vb/showthread.php?t=962485

هذا القاطو الطويل فيه 200 غ زبدة +200غ سكر رطب +100 غ نشا +3صفار بيض +فاني +مغرفة صغيرة خميرة +نص كاس نوازات مرحية + لروم نتاع القهوة ==مهم= واذا ماكانش نيسكافي + فرينة ويطيب في لي مول تاع السيليكون المستطيل ثم يرش بالسكر رطب وخطوط الشكلاطة ونيسلي في الوسط مع حبة لوز

وهاذي حلويتي انا هههههه ذرناهم في ضرف 24 سا بالضبط جبناها ليل مع نهار

هذا السابلي فيه 500 غ زبدة 6 صفار بيض + كاس سكر رطب +كاس نشا +4 م ك نوتيلا + 4 م ك لحظة +4 م ك كابوتشينو محلحلة في شوووية ماء زهر +2 باكي خميرة + فرينة
نشكلوهم كيما السابلي وبعد ما يطيبو نلصقو كل 2 =وحدة مجمولة مع وحدة مثقوبة في الوسط= بمربى المشمش فيه عطر الفراولة او الكرز او الكاسيس وهذا مهم جداااا جداا تاع المشمش العادي لا انصح به هنا ثم نحضر الميرانغ حيث لكل بياض بيضة نستعمل 160 غ سكر نخلطهم مع بعض مباشرة ونحطهم فوق باماري ونضرب بالباتور بقوة حتى نحسو الميرانغ طابت == رايحة تحكم الوقت شوي == نديرها فوق الحبات ونعاود نرجعها للفور الحااامي بلاما نشعلو عليهم او اذا خفت شعلي عليهم من فوق لكن اقل من دقيقة اجبديهم رايحة تجمد وحدها وككاو في الحاشية اخيرا وملمع فوق المربى لي في الوسط

السيقار استعملنا عجينة ام اماني هاذيhttps://www.djelfa.info/vb/showthread.php?t=1222834 ولما طابت وبردت دهننا الحبات بالشكلاطة باستعمال الفرشاة تجي العملية اسهل واسرع و الحشو هو عبارة عن 200 غ كرام شانتيي + 2 م ك لحظة + 2 او 3 كابوتشينو ولا نيسكافي محلحلة في نص لتر حليب بارد= يمكن اقل يمكن اكثر على حساب النوعية = + فاني ومغرفة سكر رطب ونخلط مليح بالباتور حتى تولي كريمة عااقدة وحاكمة روحها نحطها في البوش ادوي ونحشي الحبات ونمسح الحواف بشوي كريمة ونغطسهم في قوفريط كيم مرحي ونحتفظ بيه في الشلاجة دائما ونزين كيما نحبو وتبقى الحشوة او التزيين دائما مسالة ذوق

وهاذي الغريبية دارتهالي مرت خالي كثر خيرها وجات تهبببببببببببببل فيها كيلة سمن مدينة وكيلة ناقصة شوي سكر رطب وكيلة كوكاو وفاني وفرينة
الكيل بعلبة المدينة الصغيرة والطريقة عادية نخدمو الزبدة ملييييح مليح والسكر حتى يولي خليط ابيض ناعم نزيدو الكوكاو ثم الفرينة والفاني ونخلطو مليح ونشكلوها هلالات ونطيبوها على نار خفيفة لمدة قصيرة حسب الفرن

هذا القاطو هو عبارة عن روشي بالمكسرات فيه 2 كيلات مكسرات مقلية ومرحية مشي غبرة متوسطة برك وكيلة سكر عادي ونلمو بالبياض نشكلوه سواء بالبوش ادوي او بالمول تاع المعمول ويطيب لمدة قصيرة ثم يعسل بعد خروجه من الفرن ويزين بنص حبة من هاذيك الحلوة لي في الصورة

ان شاء الله تكون عجبتكم اخواتي فقط ما تنساونيش من دعوة خير في هاذي الايام المباركة
.
.
.
. يتبع باذن الله تعبت وانا نكتب ههههههه
]

nibou · 2013-07-22, 22:03

الله يبارك يا أختي،شهيتينا و شكرا لك على التعب الذي بذلتيه من اجل أن ترينا الصور و طبعا ما تنسايناش لالوصفات خاطر هكذا نبقاو نتشهاو بلا ما نلقاو رواحنا ههههههههههههههه ربي يبارك حنونة و ربي يكمل لكل واحد نيتو

fari gimo · 2013-07-22, 22:21

اولا صح فطورك و تقبل الله منك و منا الصيام و القيام و غفر لنا ذنوبنا و خطايانا
اختي بوركت و سلمت يداك على الحلويات اللي حطيتيها
ماشاء الله كلهم رايعين حطينا الوصفات باه نستفيدو منها للعيد انشاء الله

هاجر المدانية · 2013-07-22, 22:27

الله يبارك روعة ختي تعيشي الوصفات من فضلك.

*سماح 94* · 2013-08-02, 21:56

اقتباس:

المشاركة الأصلية كتبت بواسطة nibou

الله يبارك يا أختي،شهيتينا و شكرا لك على التعب الذي بذلتيه من اجل أن ترينا الصور و طبعا ما تنسايناش لالوصفات خاطر هكذا نبقاو نتشهاو بلا ما نلقاو رواحنا ههههههههههههههه ربي يبارك حنونة و ربي يكمل لكل واحد نيتو

شكراا جزيلا اختي ربي يخليك

اقتباس:

المشاركة الأصلية كتبت بواسطة fari gimo

اولا صح فطورك و تقبل الله منك و منا الصيام و القيام و غفر لنا ذنوبنا و خطايانا
اختي بوركت و سلمت يداك على الحلويات اللي حطيتيها
ماشاء الله كلهم رايعين حطينا الوصفات باه نستفيدو منها للعيد انشاء الله

شكرااااا جزيلا لك اختي ربي يخليك

اقتباس:

المشاركة الأصلية كتبت بواسطة هاجر المدانية

الله يبارك روعة ختي تعيشي الوصفات من فضلك.

شكراااااااااااا جزيلا اختي بوركت

راني نحط في الوصفات واااااااااااسفة جدا على التاخير

الحب و الوفاء · 2013-07-22, 23:34

شكرا لك اختي بارك الله فيك ننتظر الوصفات

شلال فرح · 2013-07-22, 23:53

رمضان مبارك اختي تقبل الله منا ومنكم

مبروك ليك و لبنت خالك

ربي يعطيك واش تتمناي ان شاء الله و ينورلك طريقك و يعطيك اختصاص مليح

رانا في انتظار الوفات و خصوصا الغريبية رح تنطق ربي يبارك سخفتني

اذا قدرتي حنونة زيدي جيبيلنا مرة وحدة الوصفات تع عرس خالتك من عند صديقتها و ليكم كامل دعوااااااااات خير

سارة يعرب · 2013-07-23, 01:14

صح فطورك وصح رمضانك وكل عام وانت بخير
لي قاطو جاو حطة وطريقة التقديم تحفة
خاصة نتاع لهلالات ممكن الوصفة

*سماح 94* · 2013-08-02, 22:02

اقتباس:

المشاركة الأصلية كتبت بواسطة الحب و الوفاء

شكرا لك اختي بارك الله فيك ننتظر الوصفات

شكراا جزيلا لك اختي

اقتباس:

المشاركة الأصلية كتبت بواسطة شلال فرح

رمضان مبارك اختي تقبل الله منا ومنكم

مبروك ليك و لبنت خالك

ربي يعطيك واش تتمناي ان شاء الله و ينورلك طريقك و يعطيك اختصاص مليح

رانا في انتظار الوفات و خصوصا الغريبية رح تنطق ربي يبارك سخفتني

اذا قدرتي حنونة زيدي جيبيلنا مرة وحدة الوصفات تع عرس خالتك من عند صديقتها و ليكم كامل دعوااااااااات خير

شكرااا عزيزتي ربي يخليك الوصفات تاعنا راني حطيتهم لكن تاع عرس عمتي الله غالب هههههههههههههه مولاتو زوجت للعاصمة يعني امبوسيبل نزيد نلقاها هههههههههه

اقتباس:

المشاركة الأصلية كتبت بواسطة سارة يعرب

صح فطورك وصح رمضانك وكل عام وانت بخير
لي قاطو جاو حطة وطريقة التقديم تحفة
خاصة نتاع لهلالات ممكن الوصفة

شكرااااا اختي راني حطيت الوصفة تاع الهلالات