|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
هاذي تحضيراتي لشهر رمضان المبارك و شاركيني تحضيراتك للشهرالكريم هيا نتبادلو الأفكار
|
أدوات الموضوع | انواع عرض الموضوع |
2017-03-07, 16:43 | رقم المشاركة : 1 | ||||
|
هاذي تحضيراتي لشهر رمضان المبارك و شاركيني تحضيراتك للشهرالكريم هيا نتبادلو الأفكار
إن شاء الله تكونو بألف خير حبيباتي هاذي أول مشاركة ليا في قسم الطبخ وشهر رمضان المبارك مابقالوش بزاف و حبيت نشاركم تحضيراتي للشهر الكريم حنا الجزايريين نشمو ريحة رمضان من بعيد لازم ههههههه تحضيرات تخص المطبخ و ان شاء الله تشاركوني تحضيراتكم حبوباتي حتى نوفروا وقت أول حاجة راح نقوم بيها ان شاء الله قائمة المشتريات أو الرافيطايما كيما نقولو انا نوجدها الآن سكر, زيت, زبدة, قهوة, شاي, فرينة, خل, ماء الزهر, سميد , خميرة,ارز , تليتلي دويدة ,, شخشوخة الظفر, كسكس رقيق من أجل المسفوف للسحور, علبة انناس و كريم شاتني من أجل التحليات, ارز محلبي, زبيب , العينة أو البرقوق ,مشمش مجفف, الحمص , العسل , الديول ,الدجاج , توابل وحتى صابون المواعين و الصرافط وحتى مستلزمات الحلويات : كوكاو , شوكولا بيضاء و سوداء و نواد كوكو و جنجلانية و سكر ناعم نشاء و غرس,,,,, كشما نسيت فكروني هاذو المستلزمات مش راح نشريهم ضربةوحدةوانما كل مرة نقص حاجة و نحفظها في الخزانة أوالثلاجة, مثلا اذا خلصت عندي القهوة نشري 3 وحدة نستعملها و زوج نخبيهم لرمضان وهكذا اللحم الغنمي : نشريه سمانة قبل رمضان نقسمو كميات على حسب الاستعمال و الى المجمد لحم الدجاج : راح نشري 5 دجاجات( كل مرة نشري دجاجة ) بما انو رخيس الآن ,أنضفهم مليح نقطعهم و نجمدهم في صينية ,كل قطعة وحدها باش مايلصقوليش ,ثم نجمعهم في أكياس في المجمد _ لحم الدجاج يحفظ في المجمد لمدةتصل 6 أشهر _ التوابل : نشريهم أسبوع قبل رمضان مرحيين من عند بائع ثقة ( انا نستعمل فلفل احمرحلو و حار كسبر كمون كركم قرفة و قرنفل زنجبيل ) الفريك : انا نستعمل فريك البشنة أوالذرة لأنو خفيف على البطن نشريه من الصيدلية الليمون : يغلى في رمضان لذا يفضل شراؤه الآن ننزع منو الزاست نحفظو في كيس في المجمد و نستخرج العصير و نجمدو على شكل مكعبات في قوالب و كاين حبات نقسمهم على 4 ونجمدهم طول البرتقال : نشري كمية مليحة نحي منو الزاست و نعصرو بدون اضافات و نجمدو في كؤوس بلاستيكية و في كل مرة نجبد كاس او اثنين حتى نعمل بيهم عصير الثوم : راح نشري كمية مليحة نرحيه بدون أي اضافات و نوضعو قوالب السيلوكون تكون صغيرة أو نشكل كويرات بواسطة ملعقة فوق كيس بلاستيكي و لما يجمدو نجمعهم في كيس واحد الجلبانة و القرنون : نقشر الجلبانة و نفورها لمدة دقيقة فقط ونقسمهاعلى عدة أكياس في المجمد أما القرنون حتى هوأنظفو مليح و نغليه دقيقة وحدة برك و إلى المجمد الدبشة و المعدنوس و الكرفس : ننزع الاوراق عن السيقان ونحتفظ بالاوراق في علبة و السيقان في علية ثانية لكن نقطعم ونحفظهم في المجمد اكيد , السيقان نستعملهم في أول الطياب و الاوراق نستعملهم في آخرالطياب حتى يطلقو البنة التمر : راح يغلى في رمضان بزاااف راح نشريه الآن و نوضعو في المجمد و يبقى كما هو في كل مرة نجبد كمية تذوب في الثلاجة حتى نفطرو عليها مع اللبن الخبز اليابس المرحي : حتى هونحضرو و نحفظو في برطمان و نوضع معاه غطاء تاع علبة الفيتامين سي لان هذاك الغطاء فيه مادة تمص الرطوبة وتحافظ على الخبز تاعنا جاف وتمنع فساده النعناع : نغسلو من التربة و نشفو بفوطة و ننزع الاوراق عن السيقان و نخليه يجف في الظل حتى يبقى أخضر و نحفظو في أكياس مغلقة في حرارة المطبخ انا نشربو بزاف لأنو يساعد على الهضم وكذلك من أجل عمل الشاي الحمص : نطيبو في ماءوملح نخليه يبرد و نجمدو مخلل الفلفل والجزر و البسباس : نملأ بيدون تاع 5 ليترات بالجزرو الفلفل و البسباس و نضيفلهم قرعة خل و رطل تاع ملح و الباقي نكملوه بالماء للعلم فقط بنات هذا المخلل لقيت وحدة داراتوو و راح نجربو ان شاء الله لاول مرة البوراك : راح نعمل كمية تكفيني أسبوعين نوضعهم في علبة و نفصلهم بأكياس بلاستيكية حتى مايلصقوش لما يجمدو عند الاستعمال منخليهمش يذوبووانما نقليهم مباشرة في الزيت لكن خوذي حذرك من الزيت النار تكون هادئة في الأول الكسرة : اذاكنتي والعائلة تاعك من محبي الكسرة و متحبيش التعرض لحرارة الطاجين كل يوم مع السخانة الحر تاع الصيف و الصيام ماعليك غير تعملي كمية كبيرة و غير تبرد ضعيها في اكياس بلاستيكية و لفيها بالالمنيوم و جمديها بكل بساطة وفي وقت الفطور شعلي الفرن و سخنيها كانك هذا وين طيبتيها راح تبقى جديدة كيما اول مرة الفلفل الطماطم :لا داعي تجمديهم لانهم راح يكونو باسعار معقولة بماانو موسم الصيف هذا وش خميت ندير ان شاء الله اذا عندك اي اقتراح او طرق افضل شاركينا حبيبتي
|
||||
2017-03-07, 19:46 | رقم المشاركة : 2 | |||
|
يعطيك الصحة اختي |
|||
2017-03-07, 20:35 | رقم المشاركة : 3 | ||||
|
اقتباس:
في أول يوم من رمضان ان شاء الله راح نعمل كمية مليحة لأننا حنا ناكلوه كل يوم في رمضان و باش مش كل مرة نعاود ندير حشو جديد , و في كل مرة نجبد كمية و نقليها |
||||
2017-03-07, 21:11 | رقم المشاركة : 4 | |||
|
بارك الله فيك أختي موضوع رائع و في وقته |
|||
2017-03-07, 21:42 | رقم المشاركة : 5 | ||||
|
اقتباس:
بالنسبة للفريك حنا منطيبوش بالفريك العادي المصنوع بالقمح و انما نطيبو بالفريك المصنوع من الذرة لأنو صحي أكثر لكن البنة يفرق شوية , و انا نشريه من الصيدلية لأنو غير متوفر في المحلات العادية , الصيدليات يوفروه لأنو كاين أشخاص عندهم حساسية من القمح أو الغلوتين اما سؤالك على غطاء العلبة تاع الفتامين سي , هذاك الغطاء فيه مادة يسموها " سيليكا جل" على ما أضن و هاذ المادة تمتص الرطوبة من الجو يعني تنحي الندى( و معلوم انو الندى يفسد الاشياء) من العلبة لي وضعتي فيها الخبز المرحي ,و الخبز لي رحتيه راح يبقى كيما هومدة طويلة ,و مايفسدلكش ممكن تستعملي هاذالطريقة مع العلب لي وضعتي فيها التوابل او النعناع المجفف و غيرهامن الاشياء التي يجب أن تحفظ جافة , لكن حذاري تثقبي الغطاء و تخرج هاذيك المادة لانها غير صحية اذا اختلطت بالطعام نورتيي عزيزتي |
||||
2017-03-07, 21:48 | رقم المشاركة : 6 | ||||
|
اقتباس:
و باذن الله كي نبدا نوجد راني رايحة نرجع لموضوعك و نحط شا وجدت تحياتي |
||||
2017-03-07, 21:53 | رقم المشاركة : 7 | |||
|
الله يبلغنا رمضان وهو راضي عنــــــــــــــــــا |
|||
2017-03-07, 21:57 | رقم المشاركة : 8 | |||
|
باذن الله حبيبتي هكا باه نحفزوا و نشجعو بعضانا وان شاء الله ينظموا معانا أخواتنا في المنتدى و يقولونا وش راح يوجدوا هوما ثاني و براك الله فيك و ربي يحفظك عزيزتي
|
|||
2017-03-07, 22:02 | رقم المشاركة : 9 | |||
|
شكرا اختي نصائح مفيدة جدا خاصة رمضان مابقالوش بزاف اشهر ويدخل علينا شكرا |
|||
2017-03-07, 22:02 | رقم المشاركة : 10 | ||||
|
اقتباس:
ربي يهنيك |
||||
2017-03-08, 08:28 | رقم المشاركة : 11 | |||
|
صباح الخير ....ان شالله تكوني لاباس ....تحضيرات روووعة ...فقط مانجمدش البوراك ...ممكن الطريقة مليحة للسيدة العاملة ...وكدللك الكسرة كي نطيب في رمضان نكتر وكونجلي منها ...تاع يومين على الاكثر .ولفريك مانستغناو ش عليه لانو العائلة تعوضت عليه كون نبدلو رايحة نلقى الرفض ... |
|||
2017-03-08, 11:13 | رقم المشاركة : 12 | |||
|
صراحة تخلعت كي شفت تخضيرات من درك تاع رمضان انا مزال ماخممتش فيه نهاااااائيا راني حاصلة غي مع تحضيرات نفاس ربي يقدرني وخلاص اا في العادة نوجدو توابل انا ودار بابا نشروهم ونظفوهم ونطحنوهم مع بعض يعني نتونسو بيناتنا هههههه |
|||
2017-03-08, 15:04 | رقم المشاركة : 13 | |||
|
واااااااااااو يعطيك الصحة يا الشاطرة والله غير نستعرف بيك،كيما قلتي كاين بزاف حوايج لازم نوفروهم فهاد الوقت باش فرمضان ان شاء الله يبقاولك غير الضروريات اللي متوفرين كل يوم. |
|||
2017-03-08, 18:14 | رقم المشاركة : 14 | |||
|
شكرااا عزيزاتي على المشاركات الطيبه و الجميلة ربي يحفظكم و يهنيكم حبيبات قلبي اي نصائح او طرق تكتبوها و تشركونا بيها راح تفيد اخوات بزاااف ،ام ساجد وسيم حبيبتي ربي يسهل ولادتك يا رب و كل عام و انتوما بالف خير جميلاتي |
|||
2017-03-08, 21:13 | رقم المشاركة : 15 | |||
|
والله تخلعت كي شفت الموضوع ، مزال ما خممتش فيه إطلاقا ، المهم الصحة ، كلش راهو موجود كي يكونوا كائنين دراهم تخرجي تشري كلش ضربة وحدة ، المهم جزاك الله خيرا حنونة |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc