هاذي تحضيراتي لشهر رمضان المبارك و شاركيني تحضيراتك للشهرالكريم هيا نتبادلو الأفكار - الصفحة 3

معلمة03 · 2017-03-20, 19:42

السلام عليكم يعطيكم الصحة صح الوقت يجري درك شوية يقولك غدوة ليلة الشك
فيما يخص التحضيرات في بيتنا الاكل قليل قليل البوراك ما ناكلوه الشربة و السلاطة و الطبق الرئيسي و طاجين الحلو الشهية ما عندنا نشرب القهموة بزااف لكن حبيت نوجد طاجين الحلو للاخت ام وليد ربي يحفظها قلت نهار الاول نطيب كمية لعدة ايام و ربي يعطينا الصحة و العافية
والله يعجبوني لي يصنعو البوراك لي ميني بيتزا انا ما ناكلهم خلاص
المهم راني نتابع ابداعتكن و نجهزها اثناء الافطار

أم يوسف2 · 2017-03-21, 13:28

سلام الله عليكم موضوع مايح انا مانوجدش المستلزمات حتى كي قريب رمضان ان شاء الله مي كاين كيما الليمون نعصرو ونجمدوا مكعبات والتمر اكيد يولي غالي شريت كل مرة كمية ونقسمها في اكياس والى المجمد حقيقة كي تجبدوه يبقي هو هو وكأنه جديد
وشنو تان......الدشيشة كل مرة نشري شوية والفيرميسال مين داك نديرها صافي كيس اواتنين يكفي اييييه والتوابل نشريهم حب حب ونرحيهم فرحيوة القهوة تجي ريحتهم تهبل
هدا وش تفكرت
ليييه وحاجة جربتها كيما قلتي للاشياء كيما الخبز المرحي وحتي الكسكس...... وماشابه قالو يديروا الخروب تعرفوه؟؟؟؟؟؟في كل كيس تاع خبز مرحي او.. ديروا زوج حبات او اكثر يبقى الشي هو هو

omkamel · 2017-03-21, 14:46

بارك الله فيكم اخواتى على المعلومات القيمة والشكر موصول للاخت دريم او حلم جميل ربى يوفقك ويوفق كل الاخوات على الطاعات وحسن التدبير فى هدا الشهر الفضيل اللهم بلغنا رمضان وانت راض عنا وتقبله منا يا ارحم الراحمين

أم سيفاكس · 2017-03-26, 00:18

بارك الله فيكن جميعا أفكار ممتازة
اللهم بلغنا رمضان

hadilnour · 2017-03-26, 07:49

شكراً
انا نوجد الفريك
ونشري الفلفل الحلو الاحمر نفورو ونرحيه مليح وندير في مول سيليكون ونحطو فالمجمد كي يجمد ننزعو من المول نكون تحصلت علي قطع متساوية من الفلفل الاحمر ونحطو في كيس ونعاود نحطو فالمجمد وهكا نحط منو كل يوم فالشربة او اي طبق بصلصة حمرا يعطي ذوق هايل
2نوجد قبل رمضان لوازم الخبز كما الفرينة السميد الخميرة الزرارع
3الكسبرالمرحي للشربة
ونشري سرافت الورق بالالوان وغطاء الطابلة
ونبدأ قبل رمضان نجرب شوية وصفات باش في رمضان منبداش نخلط هههههه
ربي الحقنا لرمضان بالصحة والهنا ونصوموه بالصحة والهنا

crono · 2017-03-27, 16:42

السلام عليكم بارك الله فيك اختي والله والله هادا وين شفت الموضوع بارح فتح واحد قلت راه الوقت المناسب باش نوجدو
مكنوتش عرفة على العموم افكارك كلها رائعة ..شكر . أختي..
لحد الساعة وجدت الثوم و طماطم و الجلبانة
كيما ا مركز الليمون زات فيه عصير الليمون الهندي كي عملت معجون والعصير مرميتوش درت القارص مع العصير الليمون الهندي مع السكر خلطو مليح
غطيتو حطيتو في الكونجيلاتور
و الدجاج منشريش راني نربي فيه كي نسحق ندبح واللحم نشريه قبل رمضان يسمانة ونجمدو
و الخبز المرحي ديما نحضره ا نلم كمية في العلب سمن كي تكمل نزيد
هاد سمنة حضرت لابات فويتي راهي في الكونجيلاتور
والكسرة نطيبها في رمضان كل يوم نحب ريحتها اما الدبشة و المعدنوس شريت كمية صغيرة وحطيتها في الكونجيلاتور
ازات نهار الخميش شرلي زوجي زريعة الدبشة و المعدنوس وغرستهامنا رمضان ان شاء الله يوجد كذالك الزعيترة النعناع نسحقوه حتى في لا تاي
حضرت موضوع منبعد نحط في قسم قسم حديقة
االلهم بلغنا رمضان ونصوموه بالصحة والهنا
المهم لي عودة ان شاء الله للموضوع وهادي تحضيرتيبعض الصور ماطللعوليش النات تقيلة سوف احاول فيما بعد

https://www.djelfa.info/vb/showthread.php?t=2052972

غفران 2 · 2017-03-27, 18:43

اللهم بلغنا رمضان
بارك الله فيك اختي وعجبتني بزاف فكرة غطاءالفيتامين سي
نجربها ان شاء الله

chouchouta26 · 2017-03-28, 22:12

اسمحيلي يا اختي انا ما نوافقكش في الفكرة كي يلحق رمضان و يرحمها ربي و علاه نقتلو رواحنا بالاغذية المجمدة لي نقدرو عليها نشروها و لي ما كانش ما خلاتش الدنيا راني معاك في فكرة الليمون و البرتقال فقط لانهم يكونو غاليين بزاف و زيد لازم نجهزوهم باش نستغناو علي العصائر الصناعية علي كل حال مجرد رأي فقط و ربي يعاونك في تحضيراتك
ربي يبلغنا رمضان باش نصوموه و نقوموه علي اكمل وجه

زهرة الريف* · 2017-03-29, 14:58

السلام عليكم ورحمة الله وبركاته
بارك الله فيك اختي وربي يبلغنا رمضان ويقدرنا على صيامه وقيامه إن شاءالله
انا عن نفسي نوجد غير الفريك والتوابل والجاج منحبوش جديد جيني فيه الريحة ديما نوجدو ونخبيه في المجمد يعني هي نفس الطريقة طول العام أما الباقي فكل نهار رزقه وبراكته ربي يرزقنا الصحة والهداية
ومشكورة اختي على التذكير والأفكار يعطيك الصحة