غسالة كوندور ما تسخنليش الما

أم شاهين · 2015-05-23, 09:34

السلام عليكم ورحمة الله وبركاته
اخيرا شريت غسالة ملابس ماركة كوندور 6كلغ هي نتاع حديد بصح تتفتح من فوق وقاللنا البائع وفي الكتاب نتاعها تسخن الماء جربتها البارح خرجلي الماء بارد ما عرفتش وين العيب انا ما عرفتش نريقلها ولا هي هكا
تعيشو لي عندها كيفها ولا تعرف كاش وحدة عندها كيفها تساعدني والا لازمني نرجعها مادام مازال ما دارتش سمانة

كاميلياس · 2015-05-23, 12:48

مبروك الغسالة اختي اقراي الكتيب تاعها مليح ضرك تلقاي الطريقة ولقفالة لي تتحكمي في درجة الحرارة تاع الماء جربي وشوفي مدام مكتوب تسخن الماء معناتو صحيح

أم شاهين · 2015-05-23, 13:52

شكرا ليك اختي كاميلياس لكن في الكتاب نتاعها ماشي مكتوب خلااااص كيفاش تتحكمي في الماء وهوما مدايرينو كي شغل بروقرام نتاع غسيل كيما كي تخيري البروقرامات الاخرى هذا واحد منهم برك

fayza81 · 2015-05-25, 15:02

انا عندي كوندور 8 كغ تتفتح من الامام كي شريتها لقبتها ما سخنش وكي شافها الخدام لقى ريزستونس خاسرة

أم شاهين · 2015-05-25, 15:49

يعطيك الصحة اختي fayza81
وانا تاني شكيت فيها ريزيستونس بصح ما نقدروش نفتحوها مازالت في لاقارونتي

h_hakima08 · 2015-06-04, 11:07

اخطاكم من الكوندور الغسالات الملاح lg تنحي عليك الغمة

أم شاهين · 2015-06-06, 08:28

الحمد لله بدلتها وجبت كوندور 8 كيلو اوتوماتيك تتفتح من فوق والله هاااااايلة مام لي كانت عندي تخرج لحوايج روووووووعة وما تطولش في لغسيل والله ما شاء الله برك العيب لي كان فيها انو المفروض تسخن وما سخنتش وكاين لي عندهم كيفها وشكروها بزااااف

koukou23 · 2015-06-06, 08:35

مبروك عليك الاخت لكن من فضلك قوليلي شحال خلصتيها

أم شاهين · 2015-06-06, 15:56

الله يبارك فيك اختي الكريمة خلصتها زوج ملايين وميتين الفرق بينها وبين نتاع 6 كلغ وتسخن هو خمسين الف

olove · 2015-06-06, 16:22

السلام عليكم اخواتيهدي اول مشاركة لي انا غير كيما شريت غسالة كوندور 6كغ ماشي لي تسخن الماء بصح معرفتش نخدم بيها ارجو منكم مساعدتي

أم شاهين · 2015-06-07, 08:16

الف مبروك عليك اختي الكريمة اقراي في الكتاب لي جا معاها تلقاي كلشي عليها واذا ما عرفتيش حاولي تصوري جهة الازرار نتاعها وان شاء الله نقدرو نفيدوك

koukou23 · 2015-06-07, 08:43

اقتباس:

المشاركة الأصلية كتبت بواسطة أم شاهين

الله يبارك فيك اختي الكريمة خلصتها زوج ملايين وميتين الفرق بينها وبين نتاع 6 كلغ وتسخن هو خمسين لف

بارك الله فيك أختي على الرد

olove · 2015-06-08, 15:52

السلام عليكم
لك جزيل الششر ااختي "ام شاهين"
قبل نحكيلك عليها كي نخليها تغسل تبدا غير تعمر في الماء من الفوق و في نفس الوقت تفرغ من التحت ........... مرات نقول نصبر عليها بصح ديما نخاف الماء يخلاص و نطفيها
معرفتش كيفاه نوريلك الصورة نتاعها ولكن هدا اسمها
cwf06-h4sg1

olove · 2015-06-08, 16:46

Cwf06-h4sg1

ninna2015 · 2015-06-08, 17:07

اختي الكريمة الغسالة لي تفتح من الفوق المفروض ما تسخنش الماء