محاولة .................
الشهر الفضيل ياشــــهر الرحمـــة // و ياشهر الطاعة التوبة والغــــفران
يامن جعلك خالقي عــنا حرمــــــة // وانت ضيف عزيز سهلا يارمضان
متعني بزيارتك هـــا ذي الامــــــة // امـــــة الرسول وخـــيار الاديـــــان
بالبراكة جايـــنا راســــــم بسمــــة // مفوح ريح الطيب عــم البيت ازيان
ماتلقاش خلاص شاكي في ازمـــة // والعـــــبد القلـيل ناضولو عــــــوان
بكري من ربعة ويعطيلك قسمــــة // والذواقة تاتـــيك مـن عند الجيـــران
ياحصراه عليك يازيــــن اللــــــمة // راحت بنتك مابـــقاتش كيف زمــان
اقساحت لقلوب وجفات الرحمــــة // لامن عاد يسال عن خــوه الجيــعان
التاجر تلقــــــــاه يوزن فالحمـــــة // اللي كـــان رخيس رافعلو لثــمــــان
في ليلة هاواه لهبت ذي السومــــة // والزوالي عـــــاد قا ينظر بعــيـــان
تلقى بعـــض الناس عنو بالزحمـة // تداحى عــــندو الــقرح والشـــــبان
حتــــى المكروسات تلقاها ثمـــــة // ماداير رمضان فـي بعض الاخوان
هذا يعتر راه يرفـــــد بلحزمــــــة // ولاخر عـل الكيلو يدوبل فالمـيــزان
حتى عل اللقية وتلقاها بكـــــمـــة // مـزمومة لــفام مـــــن قبـــــل الاذان
واحد صايم راه دايــــخ عالشمــة / لاخر كشفر بيـــه حيطــم ع الــدخان
ذاك مزطط طايحة فيــــه الرهمة // يدلوح راسو يكركر فـــي لقــبــــان
كتلقالو قــا يمهمــــه دون سمــــا // وكي يشبع يصحيك ويناديك فــــلان
واه الناس تصوم عالمضقة والما // والنيف يهزوه عـــــن عامة لــقران
ومول الموبيقات بو فورة يحمى // دايرها ع الـــنوم يقــــرت فالصبيان
قايصمش مقرون فللي جا دهمـا // عايف قــع الناس مقشوش وزعفــان
المسهزي ذاك عاطيها قجــمــــة // ابـــدا فالصلاة وحفيــــظ الــــقــرآن
لي ضاري شحيح يجحد فالنعمة // ذا راه تعلـــم السخا جود واحســـــان
والبرامج ذيك ماباقـي حشمـــــة // لامــــلة لادين ذو بــــــــني عــريان
ماباقي خصلات ماباقي همـــــة // ضاع الدين ومابقـــــى فلقلب ايــمان
ياربي نرجاك تهدي ذي الامــة // بدل حــــال بـــــحال ياعظيم الشــان
وارحم يارحيم من قال الكلمـــة // يطلب فالهديان منــــــك والغفـــــران
بقلمي زفزافي/ح 29/5/2018
( تقرير عن مشاركة سيئة )، و الموجودة أسفل كل مشاركة .
2018-06-03, 00:20
محاولة (الشهر الفضيل)
..
العرض العادي
