اقتباس:
المشاركة الأصلية كتبت بواسطة ranou gigi
انا ثاني درتوا و كاين كعبات تفتقتوا ليا خليتوا برد و من باعد نحيتهم كيف كيف تفتفتوا مي عندي جارتي عادي خرجولها ملاح و ماهوش مكسرين قاتلي كي نخرج المول من الفرن طول نقلبوا على سينية و نضغط عليهم من الجناب يتنحوا بلا ما يتفتفتوا جربيها اختي ممكن تصلح
|
اختي انا جربت كلشي خليتو برد مليييييييح و ممبعد ضغطت عليهم غير بالشوووووية بصح يتفتتو
اقتباس:
المشاركة الأصلية كتبت بواسطة صفــاء
جارتى أيضا درتو وجها هايل وصلح لها لكن هى مدرتش تاع البيض
ممكن السبب في البيض بنــــــــات؟؟
أنا خليت باقى العجينة مطيبتهاش هبط لى المورال |
معليش ختي متتلقيش العجينة الي بقاتلك حاولي تطبعيها بالمول تاع الصابلي و خليها تطيب نورمال و زينيها بلاجولي ولا الكونفيتير ، متتقلقيش ، انا ثاني قاتلي ماما بالاك المشكل في البيض surtt البياض الي ندهنو بيه على هذيك راح نجرب الوصفة تاع فلة الي بدون بيض و ان شاء الله تنجحلي
اقتباس:
المشاركة الأصلية كتبت بواسطة السلطانة هيام
اختي شوفي انا نعطيك عجينة وديري بيها ورديلي الخبر.....250غرام مرغرين.1فاني.1خميرة.2بيضات 1كاس سكر .وطبعا فرينة
هدا بما يخص العجينة اما عن الطريقة ساهلة تكوري العجينة كريات وتغمسيهم في الجلجلانية وتحطيهم في المول تاعك وكي يطيبو تزينيهم كيما شفتي ...
واشاء الله تكووني استفدتي مني وشهية طيبة .
اختي الا عاودتيهم خبريني وبها الوصفة راي مضمونة وجربي
|
ان شاء الله اختي ربي يحفظك
اقتباس:
المشاركة الأصلية كتبت بواسطة ange adorable
Ana dert la recette ta" fella w nejehetli w jani yhabel mais lazem tekhalih yebred mlih
|
ان شاء الله نجربها و نردلكم الخبر
اقتباس:
المشاركة الأصلية كتبت بواسطة المعتزة بالاسلام
قبيل برك خدمتها ومن 36 حبة تفتفتولي 05 و طعموا مليج |
اقتباس:
المشاركة الأصلية كتبت بواسطة aslii
انا مالفا نديرو و درتو هدا شحال من مرة ولا مرة تفتتلي ممكن ماركمش تخليوه يحمار مليح يعني ماشي طايب مليح
ممكن هدا هو السبب و العجينة هي
250غ مرغرين
100غ سكر
صفار بيضة
قرصة ملح فانيلا او معطر لوز
ضربيهم مليح مليح حتى يولو كريمةمن بعد حطي 400غ فرينة ديريها كورات و رمديهم في الجلجلان والباقي راكم تعرفوه
|
بارك الله فيكن ، نعمل بالوصية ان شاء الله
اقتباس:
المشاركة الأصلية كتبت بواسطة lyllia30
يا أختي أنا منعرفش نقولك المشكل وين لكن درت وصفة فلة و عسلتها جاات تهبل تذوب فالفم و متكسرت ولا حبة
|
ربي يهنيك اختي بغيت نعسلهاو خفت لا متجيش معسلة هنيتيني ربي يهنيك نجربها و نردلك الخبر ان شا الله تنجحلي
اقتباس:
المشاركة الأصلية كتبت بواسطة لحن الفرح
لي عودة اختي واعطيك الوصفة
|
اقتباس:
المشاركة الأصلية كتبت بواسطة muslimone
حابة ندير العجينة فالمول تاخذ الشكل فقط ونطيبها بدون مول تصلح ولا لا جاوبونننننننننننننننيييييييييييييي
|
هههههه و الله خممت فيها قلت المرة الجاية كي نعاودوو نسيي حبة واحدة اذا صلحت نكملهم كااامل هكاك و اذا مصلحتش نطبع العجينة بالمول تاع الصابلي المثقوب في الوسط ، العادي
اقتباس:
المشاركة الأصلية كتبت بواسطة fadilasor
جربتها بالبيض وشنو ماغطستش الحبات في البيض ولاوحدة تفتت ودوقهاهايل خليها تبرد اقلبي لي مول وهوما سخونين وخلي يعرقو يتنحاو
|
ممممم و الله مام ماما قاتلي بالاك المشكل في البياض هو الي يخليها تلصق في المول
ربي يهنيك حبيبتي ربي يحفظك
شكرا لكن على التفاعل ربي يحفظكم و يهنيكم
( تقرير عن مشاركة سيئة )، و الموجودة أسفل كل مشاركة .
2013-08-05, 03:46
العرض العادي
