ارجوكم عاونوني في مول السلكون عاجل جدا

الماسة النادرة · 2014-03-17, 14:16

سلام البارح شريت مول تاع الموسكوتشوا مدور تاع السلكون و مول تاع المادلان واليوم جربتهم واش نقوللكم كارثة لسقولي الحلوى كامل وتفتت ممكن تقولولي الحل كيفاش ولا انتوما تان لسقولكم ولا واش ندير ارجوكم ماشي تدخلوا تضربوا طلة وتخرجوا لاني صراحة راني في ورطة

rafik-12 · 2014-03-17, 14:38

وعليكم السلام اختي انا لي مول تاعي نخدم فيه للمرة لولة لصقلي و مياعد وليت نعمل الفرينة قبل ما نطيب ولا ما يلصقش

didou89 · 2014-03-17, 14:41

شوفي اختي.لازم تدهنيهم المرة الاولى.ومبعد صايي باه ميلسقولكش.وطيبيهم على سنيوا مشي على شباك.

fofol · 2014-03-17, 14:43

السلام عليكم أختي سلكوم دريل فرينة رشي مليح فرينة ميلسكش

imene mimicha 05 · 2014-03-17, 15:07

اختي ادهنيه بالزيت و رشيه بالفرينة هكا ميلصقش

أم محمد تاج · 2014-03-17, 15:10

حبيبتي انا لي مول تاعي كي تكون حاجة شايحة مثلا كيما عجينة الصابلي مايلصقوليش بصح حاجة جارية مثل المسكوتشو ندهن بالزبدة والفرينة

ام كوكو · 2014-03-17, 15:20

انا ثاني كيما قاتلك ام محمد تاج

مريم الاميرة · 2014-03-17, 17:21

اختي ادهني بالزبدة و رشي الفرينة ضك ما يلسقوش و للامانة انا ما تعجبنيش المسكوتة في مول السيليكون جيني كلي قاسية في لحواشي

zakiya · 2014-03-17, 17:37

السلام عليكم أختي الكريمة ادهني المول بالزبدة و رشيه بالفرينة و كي تحطيه فالكوشت ديري تحته صسينية ما تحطيهش directement

الماسة النادرة · 2014-03-17, 18:15

شكرا لكن جميعا صح انا مدهنتوش فرغت مباشرة لكن حطيت من تحت سنيوة ثقيلة وعندي سوال اخر انا قلبتو وهو بارد ولا لا زم يكون بارد

lamia zina · 2014-03-17, 18:35

كيما قاتلك ام محمد تاج انا كيما هي تماما

فهيمة 7 · 2014-03-17, 18:44

اهلا حبيبتي انا اول مرة كي شريت مول السيلسكون ما امانتوش دهنتو بالزبدة او رشيتو بالفرينة للاحتياط او نجح القاطو تاعي ، انشاء الله المرة الجاية اجيك ايهبل وانا اول وحدة تذوقو سلام

أم أحمد عبد الصمد · 2014-03-17, 20:57

أنا ثاني أول مرة لصقلي نسيت باش ندهنو ، لكن من بعد خلاص
ليصابلي عادي مندهنوش و بصح تاع الموسكوتشا لازم ندهنوه و نرشوه بالفرينة

samaxtm · 2014-03-17, 21:38

انا سييت مدلان في السليكون وماعجبتنيش لانها علىالجوانب جي ناشفة ويابسة

kika85 · 2014-03-18, 09:15

اختي انا في الحقيقة ماعنديش من هادو لي مول بصح هاداك النهار السيدة دلهوم هدرت عليهم في قناة سميرة وقالت هادو لي مول اول مرة ادهنوهم او رشي فيهم الفرينة ومن بعد خلاص ما تحتاجيش تدهنيهم في الاستعمالات الجاية...بالتوفيق