نوع القماش سروال المدور

[soltana]

السلام عليكم
نتمنى ما تخيبونيش هاذ المرة كيما لمرات الي فاتو
حابة نعرف نوع القماش نتاع السروال المدور أو سروال الزنقة وراني ضفت صورة وللعلم انا حابة اللون الفضي

[ninafret]

انا عملتو بالساتان روايال وجاني هايل

[chahrazed-m]

اسمو سروال الزنقة؟؟؟


تقدري ديريه بستان روايل

ستان لازار


كاين واحد تاني نسيت اسمو

كي تروحي للحانوت قوليلو يوريهملك وانت خيري لي عجبك

بصح في لازار كاين الفضي هايل

[doli/M]

انا خدمتو لاالساتان ليباناز

[غراب]

و تقدري ديريه بساتان ماركير

[charachoucha]

اختي اسمو سروال الشلقة و ميشبهش لهذا هو اللي فيه ليفونت من الجوانب
و هذا وسمو سروال مدور و ادا حبيتيه بريون ديريه في الساتان لازار او نورمال في الساتان نورمال و ادا حبيتيه بزاف واقف ديريه في الساتان ماروكان

[Nacati]

كتان الساتان

[chahrazed-m]

ايه هدا سروال مدور

بصح كي قالت الزنقة قلت في منطقة اخرى يسموه هكا

[soltana]

شكرا لكم اخواتي على هذه النصائح القيمة بارك الله فيكم

[AHMIDA61]

انا خياطة وننصحك تديريه بقماش اسمه اللامي

[salima14]

هايل الي تعرف تفصل هذا النوع تفيدنا و شكرا

[حلاوة_87]

مشكورات للافادة..حتى انا مثل اختي سلطانة كنت نسال عن القماش
وبالنسبة للتسمية صح راني من مستغانم ونقولو ليه سروال الزنقة..

[ايناس10]

هو صحيح يتخيط بكل انواع الساتان مثل ساتى ماروكا ، الا ان هذا الي بالصورة يظهرلي انو مخيط بالكوسموس فيه كل الالوان ويوجد الفضي والذهبي ويتخيط سروال الشنقة ولا دزيري ولا كومبا ويصلح في كل الحالات

[soltana]

المشاركة الأصلية كتبت بواسطة حلاوة_87

مشكورات للافادة..حتى انا مثل اختي سلطانة كنت نسال عن القماش
وبالنسبة للتسمية صح راني من مستغانم ونقولو ليه سروال الزنقة..

شوفي انا لراني شريت قماش يعبل تصيبيه عند لحانوت الي جاي مقابل الدايرة نتاع مستغانم جاي شباب خفيف وجاي مخطط وانا شريت رمادي

[djouggane]

مشكورة احتي
لي طلب اذا امكن باترون السروال لمدور بلييييييييييييييييييييز