كرهت حياتي و كرهت زوجي

[moha75]

اخي الكريم كلامك الحق بعينه و عندك الحق في كل كلمة حتى عن زوجي لانو من المفروض ما يقوليش ديري كيفها و حتى انا ثاني غلطت كي ما وقفتوش عند حدو و هو من جهة يعاملني مليح و يحبني و راهو مستصغر الامر و معتبرو تافه و باللي انا اللي راني مكبرة الموضوع و قالي ما تعمريش راسك بيها
و اخوه ماهوش سلفي و ماعلابالوش اطلاقا واش تدير احيانا ياخذها للعرس و هي متبرجة و ترقص يعني بالعامية في زوج زهوانيين و بكل صراحة زوجي ايضا ماهوش متدين يصلي و يمنعني من التبرج و الرقص في الاعراس و الخروج لكنه ليس بدرجة كبيرة من التدين
ان شاء الله رايحة نحاربها ونحارب الشيطان اللي راهو يفسد و يفتن
شكرا جزيييييييييييلا[/quote]

------------------------------------------------------------------------

الحمد لله أن كلامي وكلام الأعضاء الأكارم لقي القبول عندك،
ووجد آذانا صاغية،
لقد سعدت لأنك أصبحت قوية وأكثر تماسكا من قبل،
لأن حياتك وزوجك ومستقبلك يستحقون الجهاد من أجلهم،
إمرأة ........ لا يمكن أن تكون عائقا بينك وبين زوجك،
ولا يجب أن تفسد معيشتك وحياتك،
فلا بد أن تحاربيها بالسبل المشروعة،
من خلال كلامك تبين لنا أن زوجك طيب ومحترم لكن ينقصه الحزم والإستقامة اكثر،
أما أخ زوجك كيما يقولوا بالعامية ( أمو تندب عليه )،
الفرق واضج وجلي بين زوجك الذي يمنعك من التبرج والرقص،
وبين أخوه الذي لا يرى مانع في تبرج ورقص زوجته امام الناس،
وهذا إن دل فإنما يدل على رجولة زوجك لهذا وجب عليك المحافظة عليه قدر المستطاع،
وأحيطك علما بأن الرجل دائما في حاجة لزوجة تساعده على الإستقامة، وتقومه ليصبح رجلا كاملا معتدلا، ومستقيما،
لذا لا تتركي المجال أبدا لها ولمثيلاتها وحاولي أن تكسبي ود وحب وقلب زوجك بالكلام الطيب الجميل، وحسن المعاشرة والإهتمام به،
ربي يوفقك ويطرح في بيتك البركة، ويؤلف بين قلبيكما.

[ام إثري]

السلام عليكم يا اختي

اذا قل ماء الحياء قل ماء السماء

ربي يكون في عونك اختي اهم حاجة انك ماتضعفيش وماتلعلبلكش على المورال هذي ونتي تهلاي في روحك بما يرضي الله
وماتبينيلهاش بلي راكي مقلقة منها لانها راح تزيد في لادوز نتاع قلة الحياء
خلي ثقتك بنفسك عالية
وادعي ربي يهديها
ويحفظلك زوجك من كل شر

[soumsouma]

شفتي الوقت لي لحقنا ليه زمن الفتنة هادي راهي قاصداتك انتي مشي راجلك
حابة تغيرك و دير فتنة بينك و بينو
الله لا يربحها و لا يحققلها مرادها ربي يفرج همك اختي راني حامل و ندعيلك

[ahlamou34]

ربي امعاك اختي الفاضلة اهذي مرت سلفك مزال عقلها صغير متعنديهاش شدة في ربي و ثقي بنفسك انت ركي مرتو هي تحب ول تكره وانت هي المستقبل تاعو اما هي ربي يهديها

[ام إثري]

[هدى الجيجلية]

قتباس: المشاركة الأصلية كتبت بواسطة هدى الجيجلية
السلام عليكم
اختي
بما انها زوجة سلفي
يظهرلي
تعرف الحرام من اللحلال
وهو كذالك يعرف
الحلال من الحرام
ولا سلفي
قدام الناس برك
سبحان الله
على هذا التفكير
وهذه الا تعرف ان الكشف
على الرجل بهذه الطريقة
حرام
من الاحسن تستقلي
بسكنك
وحدك
لتفادي المشاكل
اختي اسمحيلي ما فهمتيش القصد انتاعي سلفي عندنا حنا اخ زوجي و ان شاء الله يرزقني بسكن منفرد




السلام عليكم
اختي
اسمحلي
والله ما فهمت
انا كان قصدي شيء ثاني
فعلا انتم تقلون سلفي
واحنا في جيجل
نقول
لوسي اخ الزوج
إسمحيلي مرة ثانية
فهمت بالغلط
إن شاء الله ربي
يفتحها عليك
وتكوني
في سكن خاص

[wafamida]

اخوتي الكرام اخواتي الكريمات اريد ان اقدم لكم خالص شكري و امتناني على ردودكم الطيبة و نصائحكم القيمة شكرا ل " هدي الجيجلية" "ام اياد احمد امين" "ام اثري" "ريم الفلى" " soumsouma" nibrasse76" mamia20" "melissalola " ahlouma34 " والاخ داعي الله ياسين و اتمنى يا اخي ان تضع موضوع او الاخوة الكرام على استحسان السكن المنفرد تجنبا لمثل هذه المشاكل
و اخص بالشكر الاخ الكريم moha75 شكرا اخي على اهتمامك بموضوعي و على كلامك الصائب و الهادف و شكرا على اخلاقك النبيلة ودمت فخرا للمنتدى
اما فيما يخص مشكلتي لقد تحسنت كثيرا بعد قراءتي لردودكم الطيبة و احس الان بثقة و راحة كبيرة و اصبحت انظر للموضوع بنظرة عقلانية واكثر حكمة

لقد تعمدت ان اضع مشكلتي في هذا القسم لكي اتفاعل معكم لاستطيع تقديم الشكر لكل من ساندني فشكرا جزيلا لكم و جزاكم الله خير الجزاء وجعل ذلك لكم في موازين حسناتكم وعوضكم الله بالبركة والخير في أموالكم وذرياتكم وصحتكم

[azhars]

غلطتي كي قلتيلو بصح قاع ماشي عقلية لوحدة تطمع في خو راجلها وراجلكتاني نورمالمو كي قلتيلو هاك
يدبر سكن مولاتش عيشة عايشة على اعصابك وقاعدة تعسي فيها غي واش دير انا نقولك صاريا بزاف هاذي ماعليك غي تطلبي ربي
يفرج عليك وكثري من الاستغفار وهي ربي يهديها

[omkadi amina]

iهاد الحكايه تشبه لحكايتك بزاف بصح شوفي لتاليها كيفاش تقلب السحر على الساحر هادي وحدة حبيبتي تحكي على والدها وملي كنا صغار نعرفو بلي الاب تاعها عندو علاقه مع وحدة من الفاميلا وكانت تجيهم للدار وبقات علاقتهم حتى بعد ماتزوجت وكانت تخبرنا دايما انو يحتم على امها باش تزور اهل عشيقته بحكم صلة القرابة وكانو حتى هوما يجوهم للدار وراكي عارفة تجيهم لابسة والماكيج الجمايع والحكايات والضحك والام تشوف وتتحسر وفي وحد اليوم لقاة في لافاست تاع راجلها رسالة وصورة لهاد السيدة حرقتهم وراحت غضبت عند خالها لانو كانت يتيمة وقالتلي صديقتي انو هي مرضت بعد ما مشات امها ورفدهم الوالد وداهم كامل عند امهم شافت ..وشافت ومن بعد ولاة لدارها علاجالهم بصح شى ماتبدل بالعكس ولاو يجوها وهي تطيب وتحطلهم وتريح معاهم وكانت هاد الام تقول وحد الجمله ماننساهاش خلاص قالتلهم نوكل عليهم ربي كي يجوني نطيبلهم ونفرح بيهم ونزين النية معاهم وخليهم ياكلو ملحي ويعيي يخرج فيهم والله غير خلصوها واحد واحد وهاد العشيقة ربي مارزقهاش بلولاد 30سنه حتى فاتت 50 عام منعمره وقطعت لياس ملولاد واخر مره سمعنا بلي مشات للطبيبة عطاتها تراتمو كي ستعملاتو جاها نزيف حاد وطلعوها لوبيتال عرفو بلي عندها حمل توام وطاحولها وكي سمع راجلها جاتو جلطة ولحق بيها لوبيتال وتفرقت العايلة وخاوتهم الذكو ر حاوزوهم منالدار ....وزيد وزيد ....وروحي شوفي هاد الام كيفاش راهي عايشة والله راجلها يخاف عليها من نسمة الريح حياتها كامل تقلبت وولات هي الكل فالكل سبحان مغير الاحوال صبرت ونالت

[ميمنة الجزائر]

ربي يهديكم وين رانا عايشين فهموني كل يوم قصة من هذا النوع

يعني ضعف ديننا لهاته الدرجة يعني بكري ما نقولوش على عائلاتنا كانو عايشين في عائلات لكن باحترام وعن جد تحسي بلي سلف وحدة كلي خوها صح وكانو يلبسو باحتشام

لكن دوكا حدث ولا حرج قالك سلفي مثل خويا يعني ولينا تقولي اروبيين تقعد تشايخ معاه وتهدر على راحتها تقولي صح خوها بصح

حطو حدود لهذه المهزلة قبل ما تكبر انتي رضي ربي قبل لا ترضي زوجك في بيتكم معليش ديري اللي بغيتي يعني وش يحب راهو حلالك
وحتى راهو جسمك مش لانثوي كاين حوايج يخليوك رووعة واحسن منها الف مرة المهم تكوني واثقة من عمرك وما يهزك ريح

وما تعامليهاش بنفس الاسلوب لانو هي تافهة ورايحة تصغري روحك قدامها

يعني دخلت في بيت كيما راكي تقولي لكن انا اللي بدلتهم ماشي هوما يعني اللي كانت بلا حجاب دارتو واللي كانت تلبس وتوري في روحها قدامي بينتلها انو باحتشامي راني احسن منها الف مرةيعني نلبس حوايج ملاح ومستورين بخمار زيهم عمري لا تكلمت مع سلافي

في حدود الادب يعني لحد الان هوما اللي عادو يقولولهم ديرو زيها يعني هوما تاع عرا حنا ما ناش تاع عرا لانو ترضي ربي خيرمن ترضي الناس خلي يقولو متحجرة خلي يقولو وش يحبو بصح من ارضى الله في سخط الناس ارضى الناس عليه والعكس حبيبتي

يعني راجلك حبسي من الهدرة عليها وقولو ياخي تافهة رايحة نتفه عمري معاها وكي تشوفيها تهدر معاه بتلاعب خليه يخرج بيا وكوني مرا وحطيلها زوج كلامات باردين بصح سخونين على قلبها يعني راكي مرا وتعرفي كيد النسداب الشوية برك تلقاي روحك تهنيتي من قسامها وكي تشوفيها بعدي روحك عليها طوول وما تكثريش معاها الدخس لانو يقولو نسا السلاف كي الحمى علكتاف

وربي يكون مع كل وحدة والله عييت نشوف حاجة تفرح غير الهموم ربي واسترنا ياارب