الجزء 182 من الكوزينة( ان شاء الله تكون فاتحة خير عليكم)

[hamou0210]

السلام عليكم واش راكم لبنات

[omhadil]

السلام عليكم اخواتى واش راكم وصح فطوركم توحشتكم كامل كل واحدة باسمها يعطيكم ألف صحة على الخيرات لى راكم تحطو فيها كلشى من يديكم يشهى
عشايا البارح كان لوبيا مشطو باللحم
وباقالى يوم سخنتو الفطور
سلااامى للجميع

[zokhrofa]

السلام خواتاتي حبيت برك نطل عليكم و نقوللكم راكم فالقلب ان شاء الله ربي يعطيكم الصحة و يشدلكم في ولادكم و اهلكم و طيبولهم يا رب

[أم يوسف2]

صباح الخير بنات وين راكم

[Fifilondon]

صباح الخير ام يوسف واش راكي واش راه وليدك
صباح الخير لبنات وين راكم ؟ والله المنتدى راه مايعجبش والكوزينة راهي مهجورة لا مولات الكوزينة طلت علينا ولا لبنات بانو وقيلا كرهتو ومليتو ؟ عندكم الحق في الحقيقة الحماس قل بزاف مكاش تفاعل وتشجيع والله خسارة هدا الصرح الجميل لي فيه احلى لمة واحلى ذكريات راه يندثر قدامنا وحنا نتفرجو من وراء الكواليس ؟!!!! والله جاتني الدمعة
هيا لبنات وين راكم اياو نرجعو الكوزينة لايامها الزينين وين راكي حياة وام هدول وام رحاب وبيان ونهال ورزيقة وام يوسف وام جوجو وزخرفة ملاكي ابني نور عيني توبة ليزابال ام فاطمة امنية و سحابة و زوجة حمو و مولات الكوزينة بيلسان والبقية ارواحو نزهيو الكوزينة

[Fifilondon]

في انتظاركم اخواتي حبيباتي رح نحط بعض تلبازي باه نزهي الكوزينة
هاد بركوكس بالخضر واللحم مقطع قطع صغيرة وحار

[Fifilondon]

وهدا كاب كيك درتو بذوق القهوة خدمت منو مبير وصغير وزينتو بالشكولا

[Fifilondon]

وهدا حساء السمك قدمتو مع خبز مدهون بزيت الزيتون والزعتر محمص امم

[Fifilondon]

[nihal159]

مساء الخيرعليكم يالحراير، سمعت نداء فيفي من قسم الدردشة جيت نجري ههههههه، صح الكوزينة راهي راقدة شوية و هذا لغياب المتابعة و التشجيع من طرف مولاتها للاسف، لكن الله يبارك على الوفية حياة، و المتألقة أمينة، و الحنونة صاحبة الايادي الذهبية أم هدول و تاج راسنا خالتي ام فاطمة، و صاحبةالجورنال زيكا بنت لحرار، و اكيد فيفي من خلف البحار هههههه و الام الدلولة ملوكة، و الوفية للكوزينة سحابة باردة، ان شاء الله هذا الصرح يبقى يلمنا و نتعلمو منو اشياء كثيرة.
تحيا الجزاير ههههههههه وليت انا تاني نكتب الجورنال هههههههههه

[nihal159]

[سحابة باردة]

مساء النور فيفي يعطيك الصحة كلشي من يديك علامة ونا خطفت العيش ليوم نهارو مع البرد
وأكيد الكوزينة حابينها مفتوحة ديما ويكفي نداءك وخطاب التاريخي المؤثر لنهولة ههههه يخلو الشيرات يرجعو أن شالله
المقروط يهوس خدمتيه بالسميد الناعم ولا المتوسط تسلم الأيادي نهولة

[nihal159]

الله يسلمك سحابتي؛ المقروط خدمتو بالسميد المتوسط لكن ذو جودة؛ إستعملت الوصفة التقليدية 3 كيلات سميد مع كيلة سمن؛ مادرتش فيه الفرينة؛ و جاني ناجح ألف فالمئة.

[Fifilondon]

اهلا نهال وشكرا لانك لبيتي النداء وكلامك جميل جدا
المقروط تخفة ما شاء الله يعطيك الصحة رب يبارك في هدوك اليدين
سحبة مرحابا اختي وشكرا على الاطراء وبصحتك كولي واش حبيتي

[nihal159]

شكرا حبيبتي فيفي عيونك لحلوّين يشوفو كلشي مليح.
بارك الله فيك أختي راكي متهلية فالكوزينة؛ و طيابك الله يبارك ماعندي مانقول يممممممممي تاع الصح؛ خاصة البركوكس و حساء السمك رووووووعة و كلشي من يديك بنين.