سويس رول ولا بالاحلام

[ام محمد ميدو]

توحشتكم ياسر يا البنات ان شاء الله تكونوا كامل بخير
هذا الرولي درتو في المولد الآن راني مزروبة نحطلكم هذو الصور واذا عجبكم بعد الويك آند نتلاقاو ان شاء الله ونحطلكم التفاصيل تقبلوا احر تحياتي اختكم ام ميدو التي تحبكن كثيـــــــــــــــــــــــــــــــــــــــــــــــ ــــــــــــــرا

عزيزاتي راني رجعت وشكرا لردودكن الجميلة هذا الرولي خدماتو نرمين هنو وملي جربتو وليت دايما نديرو هايل وما يديش بزاف حوايج اليك الطريقة مع المقادير


السيرو: فنجان ماء وفنجان سكر خليهم فوق النار 10دقايق نحيهم وديري الفاكهة لي حبيتي انا درت فراز شوية وعاودي نحيها تقدري ديري مشما شاو خوخ او fruits confits

100غ كرام شانتيي بودر طلعيها مع كاس ماء بارد جدا و2 ملاعق سكر رطب


نخلط 5 صفار بيض مع 3 ملاعق كبارسكر حتى تولي كريمة

نخلط 3 ملاعق كبار فرينة معمرين مع ملعقة كبيرة كاكاو تغربليهم

نطلع 4 بياض بيض مع قرصة ملح ثم نضيف 2 ملاعق سكر عادي وفاني

ونبدا نضيف على البياض ملعقة من الصفار ونخلط بالشوية

ثم ملعقة من خليط الفرينة ونخلط يالشوية

ونكمل بهذي الطريقة حتى نتحصل على خليط متجانس

نجيب البلا نتاع الكوشة انا هذا لي درت فيه نحط فوقو ورق الطبخ ومن الاسفل دير شوية من الخليط باش يلصق في البلا وما يتحركش

ونفرغ الخليط نتاعي ونمشيه مع الورقة بالشوية

ونديرو يطيب في فور مسخن من قبل على نار متوسطة مدة 10 دقائق وبعد 10 دقايق بالضبط تفقديه كي تشوفيه طاب خرجيه من الفور وجيبي ورقة طبخ حطيها من فوق

واقلبي القاطو نتاعك فوق فوطة نحي الورقة بالشوية

وعاودي رجعي القاطو على الوجه نتاعو ونحي الورقة


وبفرشاة اسقيه بالسيرو





ثم ديري الكرام شانتيي والفاكهة نتاعك








ورولي القاطو نتاعك وحطيه في الثلاجة 15 دقيقة يحكم روحو خرجيه جيبي صفاية غربلي من فوق الكاكاو





ثم تجيبي اوراق مقطعين كيما في الصورة





وتغربلي السكر الرطب





وتنحي الاوراق غير بالشوية وزيني بشوية شانتيي وفاكهة لي حبيتي

[زرابة]

الله يبارك ممكن الوصفة

[*ام رامي*]

روعععععععععععة يعطيك الصحة

[fifi42]

ممممممممممممم جا في وقتو ممكن تعطيلنا الوصفة

[أم مالك*]

شحال متحوف روووووووووووووووووووعة
واش يصبرنابعد الويك آند أختي أم محمد ميدو

[linat]

يعطيك الصحة أختي أم محمد ميدو على هذا سويس رول أكيد الذوق من إيديك يكون له طعم لذيذ جدا

[linat]

rani mazalte nastana tahkili hikayte gateau papillan

[mina3]

تحفة يعطيك الصحة

[أم أسامة 07]

رائع يعطيك الصحة

[nada nina]

اممممممممممممم يعطيك الف الف صحة يبان هايل حبيبتي ام محمد ميدو واش يصبرنا بعد الوكاند وحنا ثاني توحشناك وتوحشنا وصفاتك الرائعة

[soussoudarine]

باين هايل شكلو يشهي اعطينا الوصفة وبارك الله فيك وتسلم ايديك

[*أم ثازيري*]

ya3tik 1000 sa7a. la recette please

[الصوامعية]

خرجلك روعة والديكور ما عندي مانقول عليه تحفة

[IMG][/IMG]

[OU SS AMA]

الله يبارك روعة الينا بالوصفة

[mimicha1977]

مممممم ام محمد ميدو هايل يعطيك الصحة و أكيد الذوق من إيديك يكون له طعم مختلف
دائما ننتظر منك وصفات اخرى من يدك فى انتظار وصفه