خشخاش أم لميس من مطبخي

[my lamis]

بسم الله الرحمن الرحيم
أولا أشكر أم كوثر على مرورك لصفحتي وإعطاء رأيك في قاطويا و الله يا أم كوثر شرفني مرورك و لذلك نهديلك هذا الخشخاش نتمنى يعجبك
أترككم مع المقادير و التحصير بالصور :
500 غ فرينة + 200 غ زبدة (أنا نستعمل الزيت بدل الزبدة) + حبة بيض + ملعقة فانيلا + ماء الزهر باش تلمي بيه العجينة + زيت للقلي + عسل للتعسيل + جلجلان للتزيين
خلطي كل المقادير مع بعض ثم لمي بماء الزهر ثم ضعيها في كيس بلاستيكي و خليها ترتاح ممكن حتى لساعة لأنو كل ميرتاح يخفاف و ينتفخ في الطياب و بلا ما ننسى كيتقلي و بالملعقة أسكبي عليه الزيت الساخن. إليك الصور :








شهية طيبة و متنساونيش في التقييم

[*أم كوثر*]

لا شكر على واجب اختي قاطوك كان هايل و يستاهل التقييم
اما الخشخاش احنا نسموه المقرقشات
نفس العجينة لكن بطرق تشكيل كثيرة
هدي اللي درتيها نديرها بالفرشيطة يعني نحط الطرف في الزيت و ندخل فيه فرشيطةو نلوي و نصب الزيت و ندير عدة دورات
تخرج هااايلة
بصحتك

[بنت عين وسارة]

شكرا حنا ثانى نقولولو خشخاش و نحلوه فى المشينة تاع بقلاوة ونديروه بى الفرشيطة يجى روعة

[my lamis]

صحيتي أم كوثر تقول كنتي تسناي فيا ربي إطول في عمرك و ياريت توريلي كيفاش تصنعيه بالفرشيطة قالولي عليه و مقدرتلوش لازم نشوف باش نديرو أم كوثر أنا القاطو كينجي نساييه نخاف و الله نولي نترعد نخاف ميصدقش و صح من الخوف ميصدقش لكن منهار عرفت المنتدى و شفت قاطو لبنات حتى وميصدقش إصوروه و الله منهم درت الكوراج صحيتي أم كوثر وكان راكي حدي نعنقك

[بنت عين وسارة]

اسمحيلى اختى على التدخل
احكمى لعجينة تاع خشخاش و حليها فى المشينة ومن باعد قطعي شريط من الاحسن يكون مسنن باش يولى منضر تاعو هايل و من باعد
احكمى طرف الشريط بل فرشيطة و حطيه فى الزيت و طرف الاخر لى الشريط احكميه بيدك الاخري و دوري الفرشيطة
حتي تكملى شريط يجيك فوق بعضاه يجيك روعة نشاء الله تستفيدى حنا هكا نديروه و شوفى اخت ام كوثر واش تقلك
انشاء الله تكونى فهمتينى

[my lamis]

شكرا لك يا الوسارية على مرورك نسيت حنا ثان كاين اللي يقولو عمامة القاضي ونحلوه بيدينا برك

[my lamis]

مشكورة أختي واسمحيلي نزيد نسقسيك الشريط يكون عريض كيما مقطعاتو أنا ولا رقيق و يليقلي وحدة معايا باش تصبلي الزيت

[بنت عين وسارة]

تقدرى تحطى طرف الشريط فوق يدك لى راكى شادة بيها فرشيطة و صبى زيت بيدك الاخرى ولا وحدة تصبلك
وعرض الشريط انا ندير كيما لى راكى ديرتيه بصح يجى طويل عليه ولا حبيتى عرضيه انتى حرة

[ام خديجة1]

تاكليهم بالصحة حبيبتي

[my lamis]

الله إسلمك أم خديجة و مشكورة على المرور. و شكرا مرة أخرى للوسارية على الشرح و إنشاء الله نديرو وردلك الخبر

[/زهرة عصفور الجنة/]

بارك الله فيك

[*أم كوثر*]

الله يخليك ام لميس
و ربي يحفظلك لميس الزينة
ياك هي اللي في الصورة؟؟؟
اما بالنسبة لطريقتي راها كما شرحتهالك الوسارية
و ان شاء الله نديرها كمية و نصورلك الطريقة

[my lamis]

تعيشيلي أم كوثر يا ربي إنشاء الله تعبك معانا كلو في ميزان حسناتك مخليتي حتى وحدة و ممديتيلهاش رايك أو نصايحك ربي إقويك و إكملك. و هذيك الخنفوسة هي بنتي ربي يحفظلنا قاع ولادنا
هذه الصورة لك إنشاء الله نشوفوك ثم

[my lamis]

شكرا لك منى شرفتيني بمرورك و الله حشمتوني راحولي قاع الكلمات باش نعبرلكم و الله أنتم أعز الخواتات
و هذه الصورة أيضا لك و نتمنالك كل خير

[*أم كوثر*]

ربي يخليك ام لميس قصدي ام احلى خنفوسة ههههههه
الف شكر اختي