حملة ذات منفعة لحويتة *-* نداء لفحلات الشرق

[حـــــــــــــــــوِيتَة]

المشاركة الأصلية كتبت بواسطة awam

السلام عليكم اختي عارفة راني متوخرة في الرد لكن حبيت اول شيء نباركلك وثاني شيء نقولك ان الطبخ عندنا ما نديروش القرفة في الماكلة استعمالها يقتصر على طاجين الحلو والحلويات خاصة الي بعجنة التمر حتى راس الحانوت ما يكونش فيه حبة الحلاوة و ماكلتنا تكون محرحرة بصح على حساب الجيهات يعني الزوج من ميلة ننصحك تتعلمي من عندهم الفطير الي يطيب في طاجين النمرة
والله كي قلتي ثورات فكرتيني في روحي انا ثاني من الشرق و زوجي من الغرب عندنا 7 اشهر زواج بعد 9 سنيييييييييييييييييييييييييييييييييييين خطوبة ربي يوفقك

الله يبارك فيك وجزاك الله خيرا
شكرا على الصورة المرفقة وصح ما كلتكم حاااارة^-^

[حـــــــــــــــــوِيتَة]

المشاركة الأصلية كتبت بواسطة عطرالذهب

شوفي اختي الموضوع مش صعيب بالزاف ومش عيب انك تتعلمي من عندهم غير بالشوي وانت ثاني وريلهم واش تعرفي تطيبي اصلا كل جهة وطريقتهم في الطياب والحمد لله الط\يابات كامل بنينة كي نتاعكم كي نتاعنا

أعجبني تشجيعك
صح كل منطقة وطيابهم رانا هنا نتعلموا وربي يوفق
شكرا على الرد

[حـــــــــــــــــوِيتَة]

المشاركة الأصلية كتبت بواسطة nourane23

ناس الشرق يحب الماكلة حمرا و يستعملوا الحار و البصل و الثوم ماشي كي ناس الوسط يطيبوا غير بالبصل او الثوم

نستعملو الحار في الشكشوكة والمحاجب انا مثلا مانخدمش بزاف بالطماطم المصبرة تعوضوها بتاع الحبة ...
شكرا على الرد والاهتمام

[حـــــــــــــــــوِيتَة]

المشاركة الأصلية كتبت بواسطة lilii7179

انا من باتنة و عشت 3 سنوات في ميلة, طيابهم تقريبا كيما ناس قسنطينة و الشرق عامة , يعني ما يستعملوش القرفة فالماكلة كيما في الوسط,, يستعملو فلفل اسود و كسبرو كاين حوايج يديرو راس الحانوت و les spécialtiés نتاعهم هوما الكسكس ( البربوشة) و يسميوها " محور" صدقيني حنا الشاويات نفتلو البربوشة بصح بربوشة ميلة فريدة من نوعها , و ياكلو ثاني بزاف شخشوخة الظفر نتاع الغربال ( كاين اللي يسميها المريشة) ما تخافيش تتعلميها ماهيش واعرة , و اذا مازالو كيما زمان يعني في التسعينات كانو العائلات ديرو التويزة باش يشخشخو: يتلمو افراد العائلة و يخدمو كميات هائلة, و عادة ياكلوها مرة في الاسبوع , و يديرو فيها انواع الخضر ماشي كيما حنا ولا قسنطينة نديرو حمص و جريوات فقط. التريدة ماوش شرط تكوي تعرفي تحليها المهم كي تشريها تعرفي كيفاش ديريلها المرقة و تجمريها. الفطير كيما تسميوه في الغرب هوما يسميوه لمطاوي و يطيبوه فوق طاجي سبيسيال يسموه طاجين النمرة يطيبو ورقة بورقة و كل ورقة يطويوها ماشي كيما حنا نطيبو برنوس,الباقي عادي شربة فريك, جاري ابيض. ما تخافي ما ولو واحد ما راح يحاسبك على حاجة ماهيش من تقاليدك, حاولي تستفسري و تتعلمي كي تكون الارادة كلشي يجي ساهل. لاي استفسار نحن هنا انا و الاخوات

كفيتي ووفيتي اختي ربي يحفظك صح ماهيش صعيبة بصح لازم صبر باه نتعلم طيب جديد
ونجهز كرشي للحار
مشكوووورة على الرد اتعبتك

[fadi02]

ما تخافي ما والو ميلة قريبة بزاف لينا جيجل هنا احبو الماكلة حمراء كان راجلي ياكل كلش حمر حتى الدولمة لكباب جواز انتاع الجلبانة و بلعقل برك بديت انقص له في الطوماطيش حتى ولى ياكل واش انحط له انت ثاني بلعقل تتعلمي منهم و يتعلمو منك و ماكلت الدوم كامل انطيبوها كيف كيف غير كاكلات المناسبات مبدلة شوية و لعجين ثاني كل واحد كيفاش و مبروك مسبقا

[نسيبة 2009]

شوفي اختى انا من البويرة ومتزوجة في ميلة تعرفي ناس ميلة يموتوا على العجين يديرو الشخشوخة والتريدة والبربوش بانواعو

شوفي انت ديري طيابك ماشي لازم ديري ماكلتهم ومع الوقت راكى تتعلميهم راهم مافيهم والووووووووووووو غير الخلايع

[حـــــــــــــــــوِيتَة]

المشاركة الأصلية كتبت بواسطة fadi02

ما تخافي ما والو ميلة قريبة بزاف لينا جيجل هنا احبو الماكلة حمراء كان راجلي ياكل كلش حمر حتى الدولمة لكباب جواز انتاع الجلبانة و بلعقل برك بديت انقص له في الطوماطيش حتى ولى ياكل واش انحط له انت ثاني بلعقل تتعلمي منهم و يتعلمو منك و ماكلت الدوم كامل انطيبوها كيف كيف غير كاكلات المناسبات مبدلة شوية و لعجين ثاني كل واحد كيفاش و مبروك مسبقا

حاجة شابة إذا تعودوا على ماكلتي وخاصة الزوج وما نتبهدلش ~_~
يبارك فيك ربي يحفظك أختي وكامل فرحتوني بالرد والاهتمام