حلوة النكريطة من اروع ما يكون

[wafaa22]

المشاركة الأصلية كتبت بواسطة فايزة العباسية

السلام عليكم

راني مسجلة جديدة معاكم وهذي هديتي اليكن ما صورتش المراحل على خاطر ما كنتش عارفة بلي رايحة نسجل

500غ فرينة+250
غ نواد كوكو
600غ سكر ناعم
500غ زبدة ذايبة
8م ك كاكاو
4 خميرة كيميائية
4 بيض
نخلط المكونات الجافة مع بعض ثم نضيف الزبدة و البيض
نديروها في سني تاع الكوشة يكون عريض و نخلوها تطيب و نراقبوها كي تطيب و هي سخونة نفرغو فو قها نصف علبة مربى المشمش ممزوج مع عصير الليمون كي تبرد نديرو قلاصاج 2 شيكولامن نوع مينا +100غ زبدة كي يجمد القلاصاج نقطعوها مربعات و نديروها في لي كيسات.صدقوني مذاقها في قمة الروعة اتمنى تجربوها و تردولي الخبر
ملاحظة قد ما تكثري عصير الليمون تجي شابة و السني يكون كبير كيما لي تطيبو فيه البقلاوة و يكون مربع الشكل

نخليكم مع الصور وللامانة ديتهم من منتدى اخر وهاد الحلوى تقريبا كيما الحلوى لي حطيتها



بعد الطياب نسقيها بالليمون والمربى ومن بعد نديرولها الشيكولا





هنا الاخت زينتها من الفوق لكن انا ما نزينهاش تبان اجمل من هاك

بالاك مولات الحلوى راها دور هنا سمحيلي برك ديت التصاور للتوضيح

ايا خواتاتي مت تحشمونيش وجربوها ورايحين تدعولي

ملاحظة هادو الصور ديتهم من منتدى اخر من اخت نستسمح منها برك للتوضيح والاخت راها مزينتهم من فوق لكن انا نفضل يبقاو بلا تزيين يبان شكلهم اروع تبان فوق الحلوى طبقة رفيعة من المعجون وفوقها طبقة الشيكولا يم يم يم

راني مغرمة بهاد الحلوى

had la recette haylaaaaa koul mara ndirha w kamel yhebouha ya3tic saha