ميسور الحال والفقير

[كاميلا]

قضية اخرى اريد مناقشتها معكم اخواتي اخوتي الكرام

لماذا جل الرجال ينظرون نظرة سيئة للفتاة التي تريد زوج مستقبل ان يكون ميسور الحال على الاقل ؟؟؟؟؟؟هل تجدون ذلك غريب ؟؟؟؟ اليس هو من سيتحمل مسؤولية البيت والمصاريف اذا لا بد ان يكون ميسور الحال مانيش نهدر على الغني ولكن على الاقل مسؤوول وقادر على الكد والعمل ليس شخصا كسولا يندب حظه والشوماج ويحسد في اللي يخدمو ويلقي اللوم على الدولة والعمل والشوماج ويبقى راقد ليل ونهار ويسب في البنات وراهم يتكسلوا الخ من العبارات الغبية في حين اصبحت مجموعة من الرجال يفضلوا "لمالها" على حساب جمال اخلاق دين هل هذا عادي اذا كان هذا عادي بالنسة للرجل اذا المرأة راهو اكتر من عادي عندما تبحث عن من تعيش معه مرتاحة ومستورة يا لعجب هذا الزمن
انتظر درودكم المحترمة

[lola-lola]

اييييييي وي واش تحبي هادا هو المجتمع ديالنا........مي رب علابالو وكل واحد وش زرع يحصد فالدنيا هادي لحال ماشي بعيد اللي يهدر على البنات عمرو لا يربح ....
والطفلة تحوس على الامان والاهتمام بالدرجة الاولى والاحترام والحب من بعد اما المال والغنى والترفاه عمرو ماكان السبب في سعادة اي بنت ونتحدى اي وحدة تقولي العكس ما كاش بنات تفرح كيما تلقى راحتها مع الراجل حتى ويكون ما عندو والو ...رب هو اللي يرزق الانسان حنا نسعاو وندعيوه هادا ماكان والحمد لله على كل حال...
شكرااا على الموضوع صح فطورك حنونة

[abdallah1983]

نعم هذا حق اي فتاة وهذا ايضا واجب على الرجل بان يضمن الحياة الكريمة لأهله

ربي يسمح للرجال تركو الرجولة والنخوة بان يتكل احدهم على زوجته في الانفاق على بيته وعياله وهنا لا اقصد مساعدة الزوجة لزوجه ان امكن ولكن اتحدث على ان يجلس هو في بيته لا يحرك ساكنا ويدع زوجته تعمل

[مريم الصابرة]

السلام عليكم اختيصحا فطورك
وي هي من حقها لكن ختي كاين بنات تقولو نعيش معاك الخبز والما ولما تزوجو الخبو تعيفو وتولي تحوس على ليستاك لازم المرا ثاني تكون عند وعدها اكيد تدي واحد على الاقل خدام يشمن معيشتها والضامن ربي وعلى الأقل يكون من داخلو خدام وماشي فنيان لكن هي ثاني هي الصح فالدار وتعرف ميزانة دارها وتساعد زوجها وما تطمعش فيه وهات هات برك ليها ولدارهم لامنا عقل وتنظيم ونعيشو علاه لالا لو البنات يخمو هكذا كلهم يتزوجو لكن الراجل ولاو يخافو من شروط النا ووجههم الحقيقي اللي يبان بعد الزواج شكرا اختي كل وحدة وتفكيرها شكرا

[السي محمد]

يا اختي انا على حساب و اش نشوف

الفقير ...ترفضه البنت و تطيّح بيه و بعايلتو

و الغني ... يتمسخر بيها و يلعب بيها و ممبعد يرميها


ماشي الكُل و لكن الاغلبية

[karimblida]

كل معارفي لم يخطبوا حتى ضمنوا منصب عمل مستقر و بنت الفاميلة من حقها تشرط هدا
أما اخطب لانك تحبها فهدا مرفوض و عليه مالازمش تحب باه ما تتغبنش

[sarl02]

بغض النظر عن حق الفتاة وشروطها ...اي راجل غير مقتدر وموش طايق يفتح بيت فالعزوبية اهون عليه من الزواج بطريقة ربما تطيح بكرامته وتذله ولا تجعله عزيزا كريما حتى مع زوجته .

[غربة أهل السنّة]

السلام عليكم ورحمة الله و بركاته

لم تكن البساطة يوما عيب ..حتى ولو كان أحدهم ميسور الحال او دخله متوسط المهم أنه عامل و العمل دليل على الرجولة و الشرف و التعفف عن سؤال الناس
أما هؤلاء الذين يلقون باللوم على الدولة فنقول لهم : ماذا قدمتم لبلادكم ...يجب على الرجل ان يبادر هو بصنع مستقبله ..ولم يكن بناء المستقبل في الجلوس على الطرقات و معاكسة بنات الناس و شتمهم بابشع الكلمات
لماذا كل هذا ؟؟ لان وقت فراغه زائد عن اللزوم و غذا زاد الشيء عن حده إنقلب إلى ضده ..في الفراغ تتكون الرذائل و الافكار الشيطانية ...و قد إمتدت هذه الظاهرة إلى بعض الآباء والله المستعان ..فهناك من الآباء من ينام طوال اليوم و همه الوحيد منحة بناته الجامعية و دخل أولاده و بناته ...اللهم عافنا من شر هذه الظواهر


اللهم صل على النبي

[مدونة سعيد]

موضوع جميل

[وفاء سعاد]

موضوع رائع وكاينة منها تاع الصح

[محمد جديدي التبسي]

الآن الفتاة تريد الزواج وحسب سواء ميسور الحال أو فقير المهم رجل يعول عليه وقادر على شقاه

أتفق معك في أن المراة تحب ميسور الحال لتعيش حياة أقل ما يقال عنها عادية وهذا حقها لكن ليس من حقها ان ترفض الرجل بسبب الفقر

إذا كان هذا الرجل خلوقا وسمعته طيبة ويكد في طلب الرزق الحلال

شكرا على الموضوع بارك الله فيك

[كاميلا]

المشاركة الأصلية كتبت بواسطة lola-lola

اييييييي وي واش تحبي هادا هو المجتمع ديالنا........مي رب علابالو وكل واحد وش زرع يحصد فالدنيا هادي لحال ماشي بعيد اللي يهدر على البنات عمرو لا يربح ....
والطفلة تحوس على الامان والاهتمام بالدرجة الاولى والاحترام والحب من بعد اما المال والغنى والترفاه عمرو ماكان السبب في سعادة اي بنت ونتحدى اي وحدة تقولي العكس ما كاش بنات تفرح كيما تلقى راحتها مع الراجل حتى ويكون ما عندو والو ...رب هو اللي يرزق الانسان حنا نسعاو وندعيوه هادا ماكان والحمد لله على كل حال...
شكرااا على الموضوع صح فطورك حنونة

وصح من بعد لفطور عزيزتي شكرا لمرورك الرائع صح انا اتفق معك في كل ما قلتيه

[rayan mimi]

معك حق لازم على الاقل خدام ومترصم

[كاميلا]

المشاركة الأصلية كتبت بواسطة abdallah1983

نعم هذا حق اي فتاة وهذا ايضا واجب على الرجل بان يضمن الحياة الكريمة لأهله

ربي يسمح للرجال تركو الرجولة والنخوة بان يتكل احدهم على زوجته في الانفاق على بيته وعياله وهنا لا اقصد مساعدة الزوجة لزوجه ان امكن ولكن اتحدث على ان يجلس هو في بيته لا يحرك ساكنا ويدع زوجته تعمل

صح هذه مشكلة هاد الزمن كاين حتى اللي طلق زوجته لانها لا تصرف على البيت وهو بدون عمل لا يدركون ان العمل هو شرف للرجل ويزيد من قيمته مهما كان هاد العمل المهم حلال
بارك الله فيك

[كاميلا]

المشاركة الأصلية كتبت بواسطة مريم الصابرة

السلام عليكم اختيصحا فطورك
وي هي من حقها لكن ختي كاين بنات تقولو نعيش معاك الخبز والما ولما تزوجو الخبو تعيفو وتولي تحوس على ليستاك لازم المرا ثاني تكون عند وعدها اكيد تدي واحد على الاقل خدام يشمن معيشتها والضامن ربي وعلى الأقل يكون من داخلو خدام وماشي فنيان لكن هي ثاني هي الصح فالدار وتعرف ميزانة دارها وتساعد زوجها وما تطمعش فيه وهات هات برك ليها ولدارهم لامنا عقل وتنظيم ونعيشو علاه لالا لو البنات يخمو هكذا كلهم يتزوجو لكن الراجل ولاو يخافو من شروط النا ووجههم الحقيقي اللي يبان بعد الزواج شكرا اختي كل وحدة وتفكيرها شكرا

صح هذا النوع انا نسميه النوع الخداع وعندي مثال حي من الاقارب داتوا وهو عامل بسيط والان ديرلو في المشاكل مش عاجبها السكن حابة تسكن في فيلا ؟؟؟؟؟ والعكس صحيح هاد النوع كان من قبل يقولك هات برك نتزوج كي يتزوجوا يوليو لعقليتهم الاصلية ربي يعافينا
شكرا