تجمع الجزائريات لترتيب البيت

[mariamalak]

السلام عليكم

كيف حالكم حباباتى وين وصلتو مع التخمال

انا السمانة هذى رانى نبنتر فالبيبان
كان لونهم باج درتو ابيض

و نزيد نبنتر الكولوار ان شاء الله

بعض المرات رتوشات صغيرة تعطى للبيت حلة جديدة

[rayhana kass]

vraiment yaatik saha

[gazala-dz]

ما شاء الله يعطيك الصحة اختي موضوع رائع

[mariamalak]

المشاركة الأصلية كتبت بواسطة rayhana kass

vraiment yaatik saha

الله يسلمك حنونة بارك الله فيك

[mariamalak]

المشاركة الأصلية كتبت بواسطة rayhana kass

vraiment yaatik saha

المشاركة الأصلية كتبت بواسطة gazala-dz

ما شاء الله يعطيك الصحة اختي موضوع رائع

الله يبارك فيك اختى شكرا على التشجيع

[بعيدة المنال]

يعطيك الصحة مريم ملك راكي فحلة ونحلة لكن بالشوي على روحك والبانتورة مشي مليحة ليك ربي يهنيك ويسعدك
أنا أصبت بإحباط كملت غسيل قش الشتاء وخبيتو بالسيف مع قلة الوقت والامتحانات ومبعد عاود البرد من جديد عاودت جبدت كلش من الكوفيرطات للبسة الخشينة وهذا يعني رايحة نعاود الغسيل والتخمال من جديد الحمد لله على كل حال اللهم بلغنا رمضان

[mariamalak]

المشاركة الأصلية كتبت بواسطة بعيدة المنال

يعطيك الصحة مريم ملك راكي فحلة ونحلة لكن بالشوي على روحك والبانتورة مشي مليحة ليك ربي يهنيك ويسعدك
أنا أصبت بإحباط كملت غسيل قش الشتاء وخبيتو بالسيف مع قلة الوقت والامتحانات ومبعد عاود البرد من جديد عاودت جبدت كلش من الكوفيرطات للبسة الخشينة وهذا يعني رايحة نعاود الغسيل والتخمال من جديد الحمد لله على كل حال اللهم بلغنا رمضان

اهلا حبيبتى بعيدة المنال

عندك الحق البانتورا واعرة بصح رانا نخرجوا الباب برا و نحكوه و مبعد نبنتروه فالقاراج حتى ينشف مليح باش نطلعوه


فيها التعب بصح النتيجة رائعة خاصة مع الاولاد كان البيبان يتنجرو و كى نمسحم ما تبانش عليهم بصح ضرك اخترت لون ابيض ناصع و يلمع



مازال ما كملناهمش كاين 7 بيبان خدمنا 3 و مازال 4 رانا نخدمو لرواحنا بالعقل البانتر غالى و الميزانية ما تسمحش


اما الاحباط هذاك راه داير حالة بصح حاولى مل تلاشيش على خاطر كون تفشلى تصيبي روحك كلى ما درتى والو


حوايج الشتلء ايلا لبسوهم مرة و لا زوج ما تعاوديش تغسليهم هوما و الكوفيرطات كى تشوفى الحال استقر خمليهم


شوفى ديري قائمة تاع الاولويات و خليها غير تجيك النفحة تاع التخمال و لا عندك شولة وقت ابروفيتى ديريهم

و ما تديش الوقت اللى عندك مورا الكوزينا تصيبي روحك غير فما دوري ما فيها والو منين ذاك ياكلو حاجة خفيفة ولا سوندويتش


ربي يكون معاك حنونة و يسهلك امورك

[chez biba]

بارك الله فيك اختي ماريا ملاك على الموضوع

ونحييك على هاذ النشاط ما شاء الله انا ثاني نحب العمل بنظام لأنو هو الأساس ويسهل عليك كلش

اللهم بلغنا رمضان

[imy 26]

جزاك الله خيرا على الموضوع

[mariamalak]

صباح الخير على بنات بلادى الفحلات

اليوم باذن الله سوف اخصصه للملابس

التى تحتاج للغسل اغسلها و التى غسلتها اكويها و ارتبها

و نبدل الدراوات و غلاف المخايد و نخمل فقط ما نسيقش الغرف نسيق غير الكوزينة و غرفة الجلوس و الكولوار و الحمام




و فى المساء ان شاء الله اقوم بصنع حلوة لشرب القهوة

يوم موفق للجميع

[أم هجورة]

بارك الله فيك على الموضوع

[oumimade26]

موضوع رااااااااائع متابعة ان شاء الله

[radjasamir]

salamo 3alaykom
ya3tik essaha okhti
rabi yekadarna Kamel
WE yewassal ramdane 3lina bessaha WE lehna

[mariamalak]

السلام عليكم

كيف حالكم حباباتى

اليوم وضعت قائمة الاشغال الاخيرة لاستقبال الشهر الكريم و هكذا نكون قد وضعنا اللمسات الاخيرة و نستقبل رمضان و نحن نحس براحة

حان وقت ترتيب الخزائن يعنى ترتيب عميق

الحمام تنظيف عميق الجدران و النافذة و البلاكار


اهم شىء فى هذه المرحلة التخماااال رتبى كل شيء يحتلج لترتيب ثم اخر شىء ياتى التسياق

ما تقتليش روحك يوميا بالتسياق و الخزاين مشى مخملين




ووضعت قائمة لشراء الاوانى

6 صحون للحساء

صحن كبير للفاكهة (الدلاع و الفقوس)

مغارف صغار للديسار

و طابلية تاع كوزينة

[بن مالك نصيرة]

بارك فيك والله روعة ترتيب وتنظيف ماشاء الله والله شوقتيني للتنظيف انا للاسف مزال ما بديت لانه مرانيش في داري عند مسافرو ادعوا ليا باش كي نروح لداري ربي يسهل ليا في الحملة وشكرا ختي ماريا اخذت افكار جميلة منك