الورشه --21--سطايفيه

[loudjeine2000]

ورشة كي مولاتها خفيفة ضريفة تستاهلي ميداي دوغ والله يرحم لي جابك والي هزتك تسع شهر يا فوفو

[sarsoura45]

راكي تشرحي خير من الاستاذة لي نقرا عندها ربي يعطيك ما تتمناي حنونة

[stayfiya]

المشاركة الأصلية كتبت بواسطة mother

والله يعطيك الصحة راني نورمالمو فهم لان راني حابة نتعلم الخياطة
الله يبارك لك و يعطيك ما تتمناي
اميييييييييييييين

معليش بالشويه برك هو لازم الواحد يخيطها توالك باه تدخل في راسك مليح واش ندير غير لاكان عيطولي في سميره هاذاك تفهمي بالذراع ههه

المشاركة الأصلية كتبت بواسطة yam tir

الله يرحم والدك ويغفر له وعطيك الخير في الدنيا و الآخرة

اااااميييين الله يسترك

المشاركة الأصلية كتبت بواسطة om aya

يعطيك الصحة يا سطوووووووووووف هذا وين شفت الورشة باذن الله نطبقها

خساره عليك شريكتي مالا مانمدش باترون العبايه هااه !

المشاركة الأصلية كتبت بواسطة zawali.dz

يعطيك الصحة اختي السطايفية بارك الله فيك على موضوعك


و الله صدقيني راني نقرا بقلبي و روحي و عقلي بصح الله غالب مرات ما نفهمش حوايج لانو ما عنديش معرفة سابقة بالخياطات او الخياطة

و حتى المعلومات 0 الله غالب الظروف

و زيد زوجي اكره حاجة عندو انو نقولو اديني للخياطة حابة نخيط يشوف النجوم قدامو الله غالب كيما قتلك اختي

و لقيتكم غير نتوما نتعلم منكم على الاقل نخيط حويجة باهية نلبسها
كل مره تبعي بالشوي تفهمي و راسك غير ماتعياي تعودي تضحكي على روحك


شكرا بارك الله فيك اختي و ربي يرحم والديك
امييييين يارب
و عنديسؤال على المونش ما فهمتش اختي واش تقصدي كي قلتي النقشات و كيفاش حتى جاوك هكداك مموجين

و حاجة ثانية انا عندي ماشينة عادية كيفاش نسرفل بيها ما فهمتش
النقشات هو هاذوك لبليات يخي حنا طولنا في المونش باش نكمشوه عند لكتف و يجينا مروحه و المموج انا كي نعود نسرفل نجبد الكتان ليا اليد اليمنى ليا و اليد اليسرى لهيه و نرفل كي نطلق يجي مموج
و هادي القندورة لي قتلك عليها من قبل راني زدت القماش غير شوية من فوق و غطيتو بقالون القيطان
ياسيدي راكي فهمتيني انا هكذا خدمت ثاني




هادي تجربتي الثانية القندورة الاولى لي خيطت ما فصلتش لي مونش قصيت طول كنت هايبة منهم و هاد المرة درت الكوراج فصلتهم واش رايك اختي كاش اقتراحات

و الخياطة انا ما خيطتش و من بعد درت القالون
فصلت و قلبت القماش لفوق طبقت نصف سم و حطيت فوقو القالون و خيطت الحاشية الاولى مباشرة ثم كملت خيطت الحاشية الثانية جاتني اسهل ما يتعملتش السجاف و جات القندورة من داجل نظيفة لانو ما عنديش الماكنة لي تسرفل

و بارك الله فيك

ماخرجتش الصوره

المشاركة الأصلية كتبت بواسطة صفوة عايش

جزاك الله كل خير ...صراحة اختاه احبك في الله

انا ثاني. لي يحبني نحبو. و مكاااااش لي ميحبنيش كونك هانيه هههه

المشاركة الأصلية كتبت بواسطة loudjeine2000

ورشة كي مولاتها خفيفة ضريفة تستاهلي ميداي دوغ والله يرحم لي جابك والي هزتك تسع شهر يا فوفو

واش لجين بدلتي من سوسو لفوفو ههه معليش مقبول لا ميداي لا والو نتوما نجمه ما عطيتوهاليش هههه

المشاركة الأصلية كتبت بواسطة sarsoura45

راكي تشرحي خير من الاستاذة لي نقرا عندها ربي يعطيك ما تتمناي حنونة

هذا من فضل ربي. الحمد لله

[تفـღـآؤل ツ وردٍ✿]

الله يبآرك .. فحلة كيما العادة أختي السطايفية ،،

علابالك ؟ نحب نجرب الورشآت تاعك بصح نخااااف .. هه الله غالب

+ تعيشي فرغي صندوق الوارد تاعك نسحقك في حاجة

ربي يغفر للوالد الكريم ويجعل قبره روضة من رياض الجنة

[لميس اميرة]

صباح الخير اختي و شكرا على الرد و بارك الله فيك

الحمد لله راني نحيت الخوف من حوايج بزاف كنت هايبة منهم كيما قلتيلي ازدمي تتعلمي راني نحاول نزدم بلاما نفسد لقماش او نخسر الماشينة و ربي يقدرني و نتعلم باذن الله و بفضل دروسكم و ورشاتكم اخواتي

مازال حاجة ما جاوبتينيش كيفاش نسرفل بماكنة خياطة عادية

و ان شاء الله اختي تعملينا ورشة لقنادر عرس سامبل عندي عدة انواع من الساتان لازار و قومي حابة نعمل حويجة نخيطها حتى ولو نفسدها احسن ما تفسدهالي الخياطة لانو ما عنديش الزهر فالخياطة

و ربي يحفظك اختي

[rim-25]

والله تاع الدار عقابي اخطيك من الخياطة تعبي روحك برك
و من الورشات تاعك ماش حابة نسمع ليهم
ربي يعطيك ما تتمناي

[قصي عبد الرحيم]

قوليلي أختي وين جهة حطيتي 19سم أنتاع عرص الكتف باش نفهم كيفاش نستعمل عرص الكتف أول مرة نسمع بيه

[safroucha]

السلام عليكم و رحمة الله وبركاته
شكرا لكي وبارك الله فيكي اختي سطايفية رانا كل يوم نتعلموا منكي اشياء جديدة ورب يوفقك انت و كل الاخوات

[zahra rose24]

بارك الله فيك شرح مبسط وساهل خاصة للمبتدئات وانا الحمد الله تعلمت من ورشات نتاعك كانت عندى الهيبة والحمد الله بفظلك يا السطايفية تعلمت ورانى نطبق فى الجرائد ثم فى بنات ابنت اختى الصغار وخيطت غوبة لبنتى صفراء جات مليحة الحمد الله نشكرك بزاف جميع ورشاتك شفتهم ونتعلم عليهم وان شاء الله نعرض عليك جميع تطبيقاتى وقليلى رائيك لانه يهمنى وشكرا

[nada_05_]

ربي يجازيك بالخير أختي
نقراو لخياطة بالدراهم ومايعلموناش كيما تعلمينا انت
ربي يكثر من أمثالك ويدوم علينا هاذ المنتدى

[غنية غنية]

بارك الله فيك

[farawla01]

الله يجازيك خيرا ويرحم باباك اختي ربي يجعلو في جنات الخلد

[أم ياسين الزهراء]

ربي يرحم باباك

الله يعطيك الصحة

[شهرزاد أم التوأم]

ربي يخليك اختي سطايفية ويجعلها في ميزان حسناتك
وربي يرحم الوالد تاعك ويجعلو في جنات نعيم ويرحم جميع موتى المسلمين

[stayfiya]

المشاركة الأصلية كتبت بواسطة تفـღـآؤل ツ وردٍ✿

الله يبآرك .. فحلة كيما العادة أختي السطايفية ،،

علابالك ؟ نحب نجرب الورشآت تاعك بصح نخااااف .. هه الله غالب

+ تعيشي فرغي صندوق الوارد تاعك نسحقك في حاجة

ربي يغفر للوالد الكريم ويجعل قبره روضة من رياض الجنة

شكراً اختي حاضر

المشاركة الأصلية كتبت بواسطة zawali.dz

صباح الخير اختي و شكرا على الرد و بارك الله فيك

الحمد لله راني نحيت الخوف من حوايج بزاف كنت هايبة منهم كيما قلتيلي ازدمي تتعلمي راني نحاول نزدم بلاما نفسد لقماش او نخسر الماشينة و ربي يقدرني و نتعلم باذن الله و بفضل دروسكم و ورشاتكم اخواتي

مازال حاجة ما جاوبتينيش كيفاش نسرفل بماكنة خياطة عادية

و ان شاء الله اختي تعملينا ورشة لقنادر عرس سامبل عندي عدة انواع من الساتان لازار و قومي حابة نعمل حويجة نخيطها حتى ولو نفسدها احسن ما تفسدهالي الخياطة لانو ما عنديش الزهر فالخياطة

و ربي يحفظك اختي

مليح كي بديتي تدخسي على لمقص و لقماش ركزي شوي ضك تفهمي
ياختي مشينتك ماديرش الزيقزاق كيفاش حبيتيني نوريلك كيفاش تسرفلي بيها كي شغل عند سياره و قلتيلي كيفاش نديرلهاباش طير!! نتي ماعندكش حل غير انك تعملي كفه صغييييره نص ملمتر و صاي
الورشه تاه روبة قهوة اممم علاه نتي شفتي الورشاات تاعي كامل و مالقيتيش!!! كاينه الوشه السادسه و السابعه
https://www.djelfa.info/vb/showthread.php?t=1393153
https://www.djelfa.info/vb/showthread.php?t=1403125
ممكن يعاونوك ولا حطيلي كاش روبه نوريلك كيفاش تتفصل مانوعدكش بورشه تفاهمنا

المشاركة الأصلية كتبت بواسطة rim-25

والله تاع الدار عقابي اخطيك من الخياطة تعبي روحك برك
و من الورشات تاعك ماش حابة نسمع ليهم
ربي يعطيك ما تتمناي

راني شايفه ريم الله يبارك مدامك مع مود بوغ لول راح تتعلمي على الصح
واااش جاب للطريقه البدائيه لي نعلم بيها انا المهم نسيي نوصل معلومه بدون اخطاء و بطريقه ساهله ناجحه ربي عالم قدماش نحب نعاون الله غالب هذا لي نقدر عليه

المشاركة الأصلية كتبت بواسطة قصي عبد الرحيم

قوليلي أختي وين جهة حطيتي 19سم أنتاع عرص الكتف باش نفهم كيفاش نستعمل عرص الكتف أول مرة نسمع بيه

عرض الكتف هو la carrure تقيسي بالميطره من اخر نقطه في الكتف اليمين للاخرى في الكتف الشمال كل واحد كيفاش يلقى انا ما كتبتش 19 كتبت بقداش فتحت الرقبه و حق الكتف 9---10 وهذي هي