درك يا اختي مراكيش حاب تقراي نورمال حقك بطلي وريحي واستناي كاش واحد يجي يخطبك
اما انك تبقاي تخلطي في الهدرة الخدمة ماكانش والطبيب في الجزائر مظلوم وضربوهم ومنعرف فخطيك من هدا الكلام الفارغ لانه غير حقيقي
الطبيب يقدر يكون ناجح كيما يقدر يكون فاشل
اما الحياة الاجتماعية ادا كنتي تقصدي بيها الاعراس والمجمعات وزيارة فلانة وعلانة واللباسات والثرثرة فكاين ناس كيما حنا منحبوش هدا النوع من الحيا ةالاجتماعية وكل ميسر لما خلق له
انتي غلطتك انك معرفتيش تحددي هدفك في الحياة وتجعلي لنفسك دافع قوي للنجاح فان كان اقصى طموحك يكون عندك فراغ كبير للدخلات والخرجات والتجمعات النسائية فالطب لا يناسبك
مع ان كلامك غير صحيح وغير واقعي لان الاطباء كيما الناس يخرجوا ويدخلوا ويحوسوا ويسافروا ويتزوجوا برك يخصصوا كثير من الوقت للدراسة والعمل
رغم ان لما يوصلوا لمستوى عالي من التخصص كاين اكباء يخدموا فقط من 8 الى 12 او 13 وكاين اللي يخدموا في البريفي عند ارواحهم وكاين اللي يخدموا مع النساء فقط او الاطفال فقط وكاين اللي داروا مستقبل اكثر مما تتوقعي سواء عمليا او ماديا
يعني راكي تصيبي لعمرك المبررات فقط
نصيحة واجهي اهلك وقوليلهم بصراحة حابة نتزوج ونريح وبطلي متطمعيهمش معاك ومتخليهمش يصرفوا بدون فائدة مدامك مستحيل تقدري تركزي مدام عندك هادي القناعات