الزيراوي من مطبخييييييييييي - الصفحة 3

*أم كوثر* · 2013-02-13, 18:14

ماشاء الله يشهي
تسلم الايادي لي حضرت
الحقيقة مغاير تماما للي نديروه
يشبه للرفيس تاعنا
نديرو عجينة كما المبرجة تقريبا ونفتتوها بنفس الطريقة
نفوروه مع زبدة وسكر ومازهر
ونزين بالعسل والمكسرات
تسلمي

oum yahya · 2013-02-13, 22:39

يعطيك الصحة يا اختي باين بنين انجربو ان شاء الله بارك الله فيك

خربشة ناعمة · 2013-02-14, 00:06

يا اختي ربي يعطيك الصحة على هاديك الشطارة

العام اللي جاز

راجلي كلاه في عرس في نواحي اريس

و عجبوا بزاف
وماللي رجع للدار و هو يهدر على الزيراوي
و كنت حابة نعرف واشنوا هو
و اليوم انتي حطيتي الموضوع
و عرفتيني بيه
و الله درتي فيا مزية
و انا نحب النساء اللي كيما انت يحطوا الاكل التقليدي كيما راهوا
من غير زيادة او نقصان لانه تراث
و كاين وصفات لاكلات تقليدية مشوهة وتغيدني
كي نشوف الوصفة مقلوبة

ربي يكثر من مثالك و يحفظك و يحفظ وليداتك

*ام رامي* · 2013-02-14, 08:04

مااااااااشاااء الله
تسلم الايادي اختي الفاضلة

maiss toussa · 2013-02-14, 12:15

يعطيك الصحة عندنا نسموه بو صلوع الكسرة نتاعو ميش مبسسة أنا نديرو بالطريقة نتاعك لأني عند الشاوية

*سماح 94* · 2013-02-14, 13:25

ماشاء الله يا ام انيس مشكووووووورة جدا اول مرة نعرفو هاذ النوع يعطيك الصحة

الاء هبة الرحمان · 2013-02-14, 13:49

رائع يعطيك الصحة نموت على الزيراوى حتى انا نعملو بنفس الطريقة بارك الله فيك وصلى الله وسلم على خير البشرية

ange du paradis · 2013-02-15, 13:07

يعطيك ألف صحة حبيبتي
احنا نديروها عندنا وسماه الرفيس نديروها بالرخساس والا المدكر "سميد مبسس بالزيت " ويطيب عادي نفتتوه +تمر + زبدة ونديروه اكثر في الربيع ووين تخرجي برا يديرولك الرفيس بالدهان الحر "أنا نشتيه بزبدة ستار برك هههه

" وطبعا اللبن
يعطيك الصحة حبيبتي

natacabell · 2013-02-18, 09:06

choukran laki hnaouna welah hada win chaft el mawdou3 baraka lahou fik welah ghire chahitini b hadak tmar lah lah wezabda bayna el houra akid 3ajabni zirawi min idik lah yarda alik welah ybarek alik hanouna laki mini koul el ihtiram wa takdire

meriama13 · 2013-02-18, 14:26

اول مرة نسمع بهاد الاكلة
حنا نديرو المبسس بنفس الطريقة بصح نطيبوه رفيس مع الزبدة و الماء
يعطيك الصحة بفضل هاد المنتدى تعرفنا على تقاليد بلادنا

ابداع جزائرية · 2013-02-18, 18:12

اقتباس:

المشاركة الأصلية كتبت بواسطة yakmissou

اللهم صلي على محمد
يعطيك الصحة اختي وفيت هده الطريقة ديرها بكري جدتي رحمها اله لماما كتكون نفساء هده الاكلة ادير لحليب لنفساء ومغدية
بصح ماما ديرو برقاق نتاع الشخشوخة وترحيه وهو سخون في واحد الغربال نتاع الحديد سبسيال لزيراوي ومبعد تضيفلو الغرس منقي ومدوب في الزبدة كيما درتي ومبعد نفوتوه في الغربال نتاع الحديد سبسيال زيراوي ومبعد نفوروه ونزيدولو شوية زبدة وعسل مدوبين و نزينوه بالجوز اجي روعة درناه في عرس خويا الكل عجبهم مع اللبن

ربي يخليك حبيبتي ويرحم الجدة
هذاك زيراوي الشخشوخة وحتى هو راااااائع
ربي يجعل كل ايامكم فرحة

ابداع جزائرية · 2013-02-18, 19:17

اقتباس:

المشاركة الأصلية كتبت بواسطة ام راضية

اللهم صلي علي الحبيب المصطفي بعدد من سجد لك وخضع رقبته اجلالا لك ولعظمتك
حبيبتي ام انيس ان شاء الله المانع خير طليتي وهربتي
المهم الحمد لله عودة ميمونه
يعطيك الصحة يا فحله وانا شهادتي فيكي مجروحة لانني بقيت وراك حتي جبتك لمنتدي الجلفة
نفس طريقتنا حبيبتي في عمله

صلى الله عليه وسلم
هههههه
لا والله ماهربت حبيبتي
لكن عندي مشكلتين واحدة في الميكرو وواحدة فيا

ماعدتش ندخل بزاف
ادعيلي معاك بصلاح الحال
ربي يخليك حبيبتي ويبارك فيك يارب

أنا أمهم · 2013-02-19, 07:00

ما شاء الله عليك , هذه أكيد أكلة بنينة و صحية.

إن شاء الله كي نشري طاجين , نجربها هذه الوصفة. دائما في انتظار مواضيعك عزيزتي.

it's me · 2013-02-19, 09:00

يعطيك الصحة حرة بنت حرة... كنت ناكلو عند صحاباتي باتنيات من تكوت نموووووت عليه و ضاعتلي الوصفة تاعو
مشكوووووورة

samia76 · 2013-02-19, 12:20

يعطيك الصحة